السلام عليكم ورحمة الله وبركاته
يعطيكم العافيه على هالمنتدى الرائع
انا بنت في العشرينات امي مدلعتني مره ولا ترفض لي طلب ابد ابد ابد وكل الي تسويه عشاني
بس انا ما استاهل ابد
هي انسانه مسالمة وماتحب المشاكل ودايم اهلها يستغلونها لان قلبها طيب وما تحقد على احد وانا اعصب من طيبتها الزايده تقهرني
وديام اذا انقهرت افش غلي فيها ليش تسوين ليش ماتقولين لا وليش وليش
بعطيكم مثال بسيط
مثلا اذا بيروحون مناسبة دايم مايروحون الا مع سواقنا دايم المناسبات تصادقف نهاية الاسبوع وحنا نبي نخرج ونتمشى
وهم على طول يقولون لامي بنروح مع سواقك وامي كالعاده ماترفض ابد دايم كلمتها طيب
احنا ماعندنا احد يودينا غير السواق وهم كل وحده عندها درزن عيال مستحيل يكلمون احد يخافون عليهم يتعبون اذا وصلوهم
وانا الي اكلها اذا جيت بخرج قالت ماما لا اليوم فيه مناسبه واخواتي بيروحون معي وانا اعطيتهم كلمه
وعلى هالحال اعصبببببببب اليوم نفس الشي صار وقلت لماما انا خارجه بعد شوي جات وحده من خالاتي وقالت
لماما بتروحي معنا قالت ماما ايوا قالت اجل مع سواقك بالله هالشي مايقهر؟؟؟
قالت ماما لا السواق بيروح مع البنات جلست تقنعها ووافقت ماما وانا عصبت ورفعت صوتي
وجالسه اقولها ليش تسوي كذا وليش تقولها طيب الين متى بتضلين الكل يدورك وقت المصلحه وبس
ولا اذا احتجتيهم ماتلاقين احد منهم وهي مافتحت فمها بكلمة
المهم قلت لها قوليلهم يدورون احد انا خارجه ورحت وهم مادري مين وداهم
فكرت اتصل على خالتي واهزائها بس ماحبيت اسوي مشاكل عشان ماما مو عشان سواد عيونها انا محد يهمني الا ماما
ومواقف الاستقلال دايم تتكرر دااااااااايم
مره اتنازلت عن ارض كبيررررررره لها عشان تحل مشكله بين اخوانها وبعد ما انحلت المشكله طلبت من احد اخوانها قطه من الارض الي هي بالاساس لها
وقالت حتى لو بفلوس باخذها منك ومع ذلك رفض كانها تشحده والله قهررر
انا انقهر اذا شفتها تعزهم وهم يهينونها ومايدورونها الا وقت المصلحة وابدا سمفونية الصراخ
انا مقهوره ليش سويت فيها كذا ليش لو وحده غيرها كان ضربتني كان هزائتني بس هي ماتتكلم ولا كلمة
انا تعبت احس ربي حارمني من اشياء اتمناها بسبب عقوقي ورفع صوتي احيانا
والله مو بيدي احس اني اتكلم واصارخ لاشعوريا وبعدين افوق واندم
تكفون عطوني حل
وياليت الي يعرف دكتور نفسي بمكة او بجده يعطيني اسمه ووين مكانه بضبط
لان عصبيتي زايده عن اللزوم خصوصا ع ماما
وادعولي ربي يهديني ولا عاد اصرخ عليها
هم يطلبون منها بأدب وأنتي تهزئين شوف من الأفضل أنتي والاهم؟
وهي تعطي لأنها انسانة معطاءة كريمة وتسكت لأنها حسنة الأخلاق من معدن طيب لاتمن العطاء على أحد وتصل أرحامها لك أن تفخري بها وتضعينها تاج قوق راسك .
نصيحـــــــــــــــــــــــة لك تأدبي مع أمك عند أم نادرة في هذا الزمــــــــــــان الصالحين بروأ آبائهم سيئي الأخلاق طلبا لما عند الله وفيهم من كان آبائهم قليلي الفهم أوسفهاء وصبروا عليهم وأنت أمك من وصفك تبدوا كالدرة الكريمة وتسوين فيها كــــــــــــــــــذا!
استغفري ربك وتوبي إليه وادعيلي معك أنه يجعلني بارة بوالدي
انا بصراحه هالنوعيه من الناس مع احترامي لامك ما اطيقهم يرفعو ضغطي فل
طيبه لحد السذاجه
اسمعي انتي لا تصارخي بوجه امك حرام ما يجوز
والان انتي كبيرة قومي واستلمي الرايه منها دام ان شخصيتها كذا ضعيفه
ودافعي عن حقوقكم قبل لايجي يوم تلاقي نفسك بالشارع من كثر الطيبه
ولا تعطو السفهاء اموالكم
اذا انتي تبي تطلعي وعندك مشوار خذي السواق وطنشي وخليهن يدقين روسهن بالجدار ههههه
خليكي قويه وسطريهم هههههه
اول شي السلام عليكم
انا عمري 23
وتقريبا اعاني من نفس مشكلتك احيانا بنجن من طيبة امي مع زوجة اخوي وهي ماتستاهل
كثير اعصب كثير ازعل بس بالنهايه هذي امي مقدر اجرحهاا عشان احد
انا تعرفي وش سويت سرت مبرده نفسي ع الاخر
صح احيانا انقهر بس قدامهاا اخلي نفسي بااارده حتى هياا لمن شافتني كذاا بطلت تسوي حركات تقهر
يعني الامهات حرام طيبين مفروض مانجرحهم ولا نصرخ عليهم
تمالكي اعصابك
واللي تبينه سويه وطنشيهم
اهم شي لاتصرخي ع امك وربي حرام مرااا صدقيني بيوم بتندمين
وانصحك بالصلاه حاولي ماتفوتيهاا ولا تاخريهاا لا نها وربي مريحه للاعصاب
واكثري من الاستغفار
راح تلاقي كل اللي بقلبك راح
وبعدين هذولا خالاتك مفروض ماتكوني حاقده كذا عليهم مهما كان حرام
اتمنى ماتكوني زعلتي
بس تكلمت معك كاخت *_*
توبي لله واستغفري لذنبك
وتسامحي أمك
يا أختي أنتي الآن على كبيرة من الكبائر
جعل النبي صلى الله عليه وسلم العقوق من أكبر الكبائر بعد الإشراك بالله عز وجل : عن عبد الله بن عمرو بن العاص رضي الله عنهما عن النبي صلى الله عليه وسلم قال : " الكبائر: الإشراك بالله، وعقوق الوالدين، وقتل النفس" رواه أحمد والبخاري والترمذي والنسائي
واذا انتهت حياتك …فان مصيرك ؟؟؟؟؟؟
عن ابن عمر رضى الله عنهما: عن النبي صلى الله عليه وسلم : " ثلاثة لا ينظر الله إليهم يوم القيامة: العاق لوالديه، ومدمن الخمر، والمنان عطاءه"0رواه النسائى والبزار والحاكم0
الخرجة من البيت ماي مبرر لعقوق والدتك ؟؟؟؟؟؟
طيبة والدتك ماهي مبرر لعقوقها ؟؟؟؟؟؟؟؟
فاحذررررررررررررررررري
قبل الندم..
انتى ماصغيرة حتى يغيب عنك عقوق الوالدين او الوالده تعلمى عواقب ذلك الشئ جيدا
ثانيا انتى ما محتاجة لطبيب نفسى ابدا محتاجة لوقفة طويلة مع نفسك وخوف من الله عز وجل وكونك تكونى عصبية بشكل زائد عن الحد ده موضوع مختلف تماما عن عصبيتك تجاه والدتك وماحذكر الاحاديث الشريفة والايات الكريمة فى هذا الموضوع لانها معروفة تماما لكن حاتكلم معاكى بالمنطق
امك لما ربتك تعاملت معاكى بحكمة وبصبر وبطول بال ليه لانك بنتها الحبيبة وليس هنالك وصيه للام باولادها لكن الله وصانا خير بوالدينا
إذا من ابسط حقوقها انك تردى جميل تعاملها معكى
تذكرى ان هنالك عقاب وكما قلتى اشياء كثيرة حرمتى منها بسبب اعاقة امك كلما تعصبى تذكر هذا
ادعى ربنا بالحاح ان يهديك واقرى القرآن كثير
واستغفرى الله واطلبى منه ان يتوب عليك
حاولى تناقشى معها باللين والهدؤ واجعليها صديقتك لانك واكيد عند نقاشك مع صديقتك ما بتعصبى للدرجة دى صح ؟
واهم شئ انت ما حتقدرى تغير طبع امك ولا ملزمة بذلك إلا إذا كانت تعصى الله وهى ليس كذلك
حبيبتى والله حيجى يوم عليكى وبعد عمر طويل ليها تندمى مش على عصبيتك اوعقوقك انما تندمى على انك ماكنت بتقبل ايديها وجبينها صباح ومساء
لا تخسرى علاقتك بامك وعلاقتك بربك
فكرى بتعقل وبهدؤ
دمتى