السلاام عليكم
سيداتي..
هو مدري من الغلطان( انا )ولا (خواتي وامي )
انا من النوع الي اذا احد احترمني احترمه ومستحيل ما البي له طلب لاني استحي من الشخص الي يحترم نفسه والناس الي حواليه
اصير ساذجه ومرره غبييه وانسى نفسي وكرامتي قدامه واحب الناس العادله
لاكن انا للاسف مع عايله ماتعرف شي اسمه عدل او احترام مافيه ولا واحد حتى اخوي الصغير مع العلم اني قبل الاخيره من العايله
واخوي الصغير سررق امي مني 
وصرت احقد عليه وياويل احد يسبه او يمزح معه خصوصا انا (واخوي الصغير زي السوسه يقعد يحش براس امي ويقول اني ضربته ونا والله ماسويت شي )
ونا طبعا اذا امي بالشغل او مسافره ابدا اشتغل فيه من ونا صغيره ونا كذا دايم اضربه اذا هاوش احد او تكلم بالفاظ مو زينه
لين ماطلع رجال وعاقل من ايدي وهو توه بزر بس يوم استقالت امي خربته وخلته دلوع وخكري الزبده
خواتي الحين حاطين براسهم اني مافيني انوثه وقليله ادب عشاني اكفخه بس والله طلع رجال 100% 
طبعا اول مابلغت تغيرت كنت على طوول اصيح وكنت اخليهم يهاوشوني واسكت يعني كنت مره غبيه وماكان لي شخصيه ولا قواعد لشخصيتي ويحشون فيني قدامي يعني عيني عينك
وكنت مطيعه مرره بعديين سويت جلسه لحالي وبديت اكلم نفسي يعني هل انهم يستحقون كل الكرم والطيب مني
بعد هالجلسه رجعت لشخصيتي القديمه وصرت العن من اول واعصب على طول
وصرت اكره الرجال
وصرت ارادد اهلي 
ومره تهاوشت مع امي وجابت عصا بلاستيك وقامت تضربني فيه اقولكم اني اعرف الكراتيه من ونا صغيره ماتدربت ولا شي بس مدري وشلون عرفت الكراتيه
وامي تضرب العصا مالمسني العصا كنت ارفس العصا برجولي واعرف من اي جهه امي بتضرب العصا قبل لا تضربني فيه واستمرت امي وهي تضرب لين ما اخذت منها العصا من ايدها وكسرتها ( ماخذه ايد ابوي القويه ولله الحمد )
والله مرره كنت توني راجعه من المدرسسه واخلاقي مقفله وكنت توني متهاوشه مع اختي
فجاه جت امي وقامت تضربني بالسلك من دون سبب تقول روحي كنسي الارض وبيتنا وش كبره يبيله ساعه كامله طيب قولولي تصرفها صحيح ؟؟ طيب ماله داعي السلك !!
عصبت عليها وقمت مسكتها من بلوزتها ودفيتها ع السرير ( امي ظهرها يعورها ونا الي ادلك لظهرها يوميا ) امي شدت شعري ونا شديت شعرها وشققت بلوزتها وكسرت بكلتها وجو خواتي قاموا يفككونا
وباليالله فكونا امي تسبني ونا اسبها ( والله اني اول مره اسب امي ولا انا ما تجرا واسبها )
لكن تصرفاتها وعقليتها الي اصغر مني والله ما امزح عقليتها مرره صغيره وتشيش وتكلم رجال وتاخذ فلوسي الي اجمعها
ونا الوحيده اذا سبيت وحده من خواتي ( يعني سبه على السريع )تهاوشني وتقول عيب وتكبر المشكله المشكله انها هي الي معودتني على هالكلام
ومرره من اختي السوسه اختي الكبيره هي دايم راس البلا
وتحب السيطره ودايم تقولي ليه مانظفتي الشي هذا اقولها خواتي موجودات اساليهم !!
تقول هم اكبر منك ( ونا عندي قانون كل واحد يخدم نفسه بس اهلي عكس )
ودايم اذا صار فيه قدر بالمغسله وجيت انا بغسل مواعيني حقتي انا تقول ليه ماغسلتي القدر مع مواعينك ( طيب انا بسالكم ليه ماتهاوش الي حط القدر هنا بدالي ؟؟)
وانا صرت اغسل المواعين الثانيه معاي عشان ما اسمع صوتها وليتها تسكت لا تزيييد في التسلط ومره يوم تهاوشت معها وقلت علمي نفسك انتي ومواعينك الي تقطينها علي تقول ايه عشان ابدا اربيك من جديد وهنا نتفت شعرها وطلعت حرتي ونزف خشمها المقصوص ( مسويه عمليه تجميل )
دايم تقول لامي ان بنتك ( انا )
سوت كذا وسبتني وتقولي تلايطي وتسوي كذا الخ …….
بس خواتي الثانيات لا عاادي ابدا ملائكه وهم انجس ماخلق ربي
ويستمتعون في الحش فيني 
ودايم انقز عليهم وهم يحشون وابدا العن اسب واكفخ فيهم امسك راسهم واصقعها ببعض واسوي هوشه
الزبده اني كرهت البيت هذا واصلا مهما سويت لهم مايبين بعينهم الا يزيدون ونا مو من النوع الي اسكت عن حقي وصرت كلما تهاوشت مع امي اروح غرفتي وابدا اصيح ونا والله ماصيح عشانها ضربتني ولا شدت شعري
لا بس اني عارفه ان ربي يشوفني ونا اضرب امي وهي تضربني
وعارفه ان حسناتي تنقص وسيئاتي ترتفع واصيح زياده
يعني ما اقدر اطيع ام تشيش وتكلم رجال وعقليتها صغيره وتكرهني لدرجه انها قالت لي ليتك تموتين وافتك منك ومصلحجيه تعرف تتمصلح معاي عشان اخذ فلوس من ابوي ( امي ماتكلم ابوي من خمس سنين )
واصلا امي تكره جدتي وماكانت تطيع امها ودايم ت
دعي عليها وحتى الحين دايم تقول لجدتي متى تروحين وتسافرين وافتك
وامي يوم ولدتني ما صار عمري ثلاث ايام قطتني عند جدتي سنه كامله ولا سالت عني بعد سنه اخذتني وقطتني عند الشغالات يوكلوني يسبحوني ويقولولي قصص قبل لا انام
والله جدتي كاسره خاطري لان كل خواتي مايطيقون جدتي ودايما ينقرفون منها لان جدتي ماتهتم لنظافتها الشخصيه لاكني دايم اخدمها وادلك رجولها وهي جدتي تستحي مني ونا استحي منها مرره محترمه ونا احترمها المسكينه محد يحبها وقد صار لها حادث وشوهو جسمها عشان ماتموت !!
وحتى اخوي الصغير يقولها بالوجه جدتي مابيك تنامين عندنا ( والله يبيلي اربيه من جديد)
ونا كنت مخططه اني اهرب لامريكا وافتك من عايلتي ومن ظلم السعوديه للمراه ( واي احد يقولي كيف اهرب لامريكا لاني ما اعرف شي )
بس والله جد !!والله العظيم اني ما احس اني انثى ودايم اساعد ابوي واشيل معه اشياء ثقيله وصوتي صار خشن من الصراخ وما اطيق الدلع والبنات الدلوعات دايم اتضارب انا وصديقاتي مع البنات بالمدرسه والله اني شلت بالحالي تلفزيون وش كبره ووش عرضه اخواني يوم يبون يدخلون هذا التلفزيون للبيت جابو ثلاث رجاجيل يشيلون معاهم التلفزيون وانا والله العظيم والي خلقني شلته بالحالي وكان علي الدوره بعد وقمت من بكره ونا متكسره ( ما اطيق ضعف النساء ليتني ماخذه قوه الرجل مهما سوا مايتعور )
ابي الحل حق مشكلتي كللها تكفون 
انتي الله خلقك انثىىىى وهاااي تصرفاتك مو حلوووه بحقك ابدا
انتي شكلك كتيرررررررر عصبيه وصوتك دايما طالع
ما بصيررر حبيبتي هاد الي بتعمليه غلطططططط
وانتي كيف بتمدي ايدك على امك ( مااا بتستحي )
جد نرفزتيني لو شو ما عملت امك معك ما بصيرررررررر صوتك يعلى عليهاااااااا لاء وكمان ضربتيهاااا
يا شيخه خافي ربك
ووطي صوتك ولا ضلي تصرخي ع خواتك
اخواتك بعاملوكي هييييييييك من تصرفاتك واطباعك
انا متئكده لو كنتي اهدا كان احترموكي
وبعديييين بتعصبي ع رفئاتك لانو دلوعاااات !!!!!!!!!!!!
الله خلقهم بنااااااااااااات مو عشان يكون صوتهم عاااااالي
اسفه ع كلامي بس جد عصبتيني
الحين انا كاتبه اني كلما ماصرت لينه مع خواتي كلما ماصاروا انجس خلق الله اكثر
واني ضربت امي مو ضربتها اني مديت ايدي عليها لا بس ادف وامسك بلوزتها عشان ماتضربني بس انا اخذ مصطلح ضرب ع السريع عاد اذا سويت اشياء ثانيه زي لما معطت شعرها لاني طالعه على ابوي اذا عصبت ما احس بنفسي
(رسمت صوت )والله اني جربت كل شي معهم بس ماينفع
(مشكلتي )والله اني كنت اطيعها وادلك لها ظهرها واساعدها بكل شي واسوي نص اعمالها لاكن برضو للحين تقولي اني ماسويت شي زين بحياتي ابد وهي اصلا من ونا صغيره حاقده علي مدري وش سويت لها !!
ونا ووالله اني ما اقدر اتدلع حتى لو جربت اتدلع مافيه شي يشجعني اتدلع والدلع مامنه فايده وصديقاتي اي دلوعه يطنزون عليها
(ديدوكيو وروزاليندا) امين يارب
ومشكورين الي ردوا 🙂
حبيبتي اللّـَہ سبحانه وتعالى يقول ولا تقول لهما افٍ ولا تنهرهما
فمابالج انج تشدينها من ملابسها وتزاعجين عليها؟؟؟؟
خواتج يصطفلن كل البيوت في غيرة وهواش مع الخوات وأمج اللّـَہ بيحاسبها على عمايلها مب انتي
أرضي أمج عشان ربي يرضى عنج وتتوفقين بأجر بتغرسين وبييونج يهال بتعرفين قدر الأم حتى لو كانت انجس مرة بالدنيا
ؤين صلاتج؟؟ إذا صلحت صلاتج صلحت سائر أعمالج
حافظي على صلاتج واطلبي اللّـَہ يغفر لج وأمج مهما مدت أيدينها عليج لاتراددينها
عاقلة انتي تمطين شعر أمج؟؟؟؟
لاتقولين أنا جي تربيتي ولا أنا جي أسلوبي !!! إذا تبين التوفيج بالدنيا والآخرة غيري أسلوبج وأرضي والدينج حتى لو هم أرضائهم صعب
في المدرسة غيري ربيعاتج اختاري ربيعات صالحات لهن اثر كبير على أسلوبج وتعاملج
وخواتج بيتعدلن إذا أمج رضت عنج وشافوها ترمسج وتعاملج زين هن من نفسهن بيتعدلن
*بالتوفيج حبوبة