انا عمري 23 واخوي 21
المهم اخوي كان طيب معاي ودم نسولف ونمزح مع بعض ويوديني السووق
بس المشكله موهنا يابنات
لاحظت من سنه او اكثرر
اخوي تغيررررررر حييل علي صار يعصب ويهزئني دايم وحتى السوق والمشاوير مايودينا الا بالسنه حسنه وينافخ ويعطينا وقت محدد مثلا عشر دقايق او ربع ساعه ويرجعنا البيت بالله قولولي وش تجي عشر دقايق
ويرجعنا البيت يقول مدلعات ومدري وش واصحابه يدقون علليه يضحك ويستانس ويروح لهم ولاكانه كان الشخص الي قبل شوي معصب ويوميا يطلع مع اصحابه من الساعه 10 بالليل ويرجع الساعه 4 الفجر
ويباشر ع اصحابه ويعيشهم ع حسابه ونحنا الحمد لله بس احيان اذا بغينا خبز ولا وشي نفخ وقال والله ماجيبلكم واحيان هاه يجيب
الي يقهرني ياخوات احسه متغير معاي انا بالذات دايم اذا كلممته او قلت له شي يقول كلي ز… او خر.. او تب…….. كلمات مالها داعي ومايقولها لاخواتي الثانيات مدري لييه احسه صاير يكرهني يقولي روحي ادعي رببك تتزوجيين بس ويعاندني ويرفع ضغطي وانا قلت لاخواني الكبار عنه وقالوا جيبيه باسلوب المهم انا والله احاول معه بس دووم ينافخ علي ويحسسني اني خبله مع اني اشوفه عاتي مع اخواتي وانقهر وساعات اعانده واراداده
لاني من جد مقدر اتحمل صرت اقوله جزاك الله خيير اذا تلفظ بالفا وسخه
خليني اكون احسن منك والملائكه تدعيلي
بس اذا نافخ علي وهزئني كيف اسكت وهو الغلطان ومره كنا جالسين مع اخواتي شوي مدري من سالته من اخواتي قال احبكم او شي من كذا بس هذي اشر علي قال ماطيقها وهو يتكلم من جد مايمزح وربي يابنات انحرجت وسكت ماعرفت ارد بس مابينت ان هالشي يهمني وكمان يدري اني دوم انظف البيت اخر مره نظفته كامل وخلاص تعبت وجات اختي الصغيره جلست بجنبه وهو توه صاحي قال هات الغداء قلت لاختي جيبيه له قال هو انتي جيبيه وهو داري اني كارفه كرف ملعون جدف بالبيت وتو بجلس وانا رحت وجبتله ويقولي كلي ز……. وكلام مثل كذا
وتكفون اعطوني الحلول او اشياء اسويها او كيف اتعامل معااه عشان استرجع اخوي الاولي او اكسبه شووي واخليه يحن علي
لو تدرين عن اخواني خلونا نلبس اخس لبس فس العيد محد يودينا السوق
و ابوي كبير في السن صعب نسحبه في الاسواق
ما في ا ان احد كبير يوقفه عند حده
و لاتحرقين دمك طنشي قد ما تقدرين و في نفس الوقت لا تخلينه يتمادى
واذا ما طلعتي بنتيجه من هذا السوال
انصحك باسلوب ثانيه وهو التجميد وعدم الاهتمام به صدقيني راح يحس ويبدا يتغير ويعدل من اسلوبه معاك
هو شكله حااااقد عليك اما حركته حقت هذي ما اطيقها قووويه كنتي سالتيه ليه يا اخوي ؟ الحين ابغى اجابه مقنعه ؟هو الظاهر انه يباك تسالينه
موفقه
وأعطي على قد عقله
يمكنه توة تجيه المراهقة
الله يهديه بس
ويبعد عنه اللي مايخافون الله
اساليه
موفقه
لأن من كلامك انه طيب مع باقي اخواتك دليل ان فيه شي حصل بينكم او منك سبب هالتوتر في علاقتكم كأخوه
ماا بنلاقي حد يشتريلنااا بنسير نترجاة بالعااااااافية لما يرووووح
الله يصلحهم يارب
انا ماذكر اني سويت شي معه
الا سالفه صارت العام ومو انا الي تكلمت كل اخواتي
وبقولكم السالفه بس لاتدعون عللليه انا احب اخووي حييل
السالفه العام هو مشى مع شله والظاهر انهم يكلمون بنات وانا كنت انصحه وهو ماصار يقولي يقول لاخواتي الثانيات المهم وشكله والله اعلم كان يكلم بنت لاني شكيت فييه لان مره نزلنا السوق وهو جلس بالسياره يشوفنا بالسياره بس مانزل جلس يكلم وانا واختي بالسوق المهم لما جات اختي فتحت السياره قفل الجوال مثل الخايف وقلنا له ذاك اليوم وعلمنا اخوي الكبير يعني مو انا بس اخواتي علموا عليه وقلت لاخواني عنه انه يمشي اصحابه ويعيشهم ونحنا مايبي يجيب لنا شي وهو حقد علي وقتها بس انا صاادقه تخيلوا يابنات كان ابوي يديه فلوس يشتري لنا عشاء احيان ويسحب علينا يروح يعشي اصحابه ونحنا مانتعشى ومانقول لابوي وابوي يفكر اننا تعشينا واحيان امي تديه فلوس ونفس الموال
ياربي وش هالظلم طيب يعامل اخواتي مثلي مو انا يعاملني باحتقار وحتى المستشفى مايوديني
شالسوات معه ولاتقولوا لي صاررحيه انا ادري فييه زيين الشعب السعودي ماعندهم الا التجريح