اهلن …..عارفة ان مشكلتي زي وجهي بس جاية افضفض !!!!مشكلتي اني احب ولد عمي جعله الماني بقايلة وعمري 11سنة >>>>> ادري بتستصغروني بس
بكمل هو عمره 17 حبيته يوم مرضت قبل سنة او اكثر المهم انه الوحيد الي اهتم فيني وانا من يومها مب قادرة انساه صراحة صراحة كان يحبني يوم كان عمره 14 يمكن لاني لقيت في جواله صورة فيهااسمي وخرابيط يعني كلام وصخ مقدر اقوله
>>>>>> مب وصخ وصخ ( افهمها يا فهيم ) طبعا قبل كم يوم كنت مسوية خطة مع اخوه ابو 9 سنين عشان نفتح جواله طبعا انا ويا اخوه صحبة عشانه يلعب معاي وتسذا بس جت اللحظة الي ياليتها ماجت اخوهم الصغير ابو 7سنين جاوقالي وش بينك وبين عبود ) اخوه ابو 9 سنين ( قلت وش دخلك انت ؟؟ قعد يحن يحن علي وانا مب لاقيته وجه ليه ؟؟؟؟ لان الي احبه لقيته متسند عالباب ويطالع !!!! نظرته كانت مدري كيف فاهم الموقف غللططط ابي افهمه ماني قادرة ! ادري ان القصة شوي مب صدقية وكنها مسلسل بس والله من جدي ابي احل هالمشكلة ابي انسى لاني احس كل ماتذكرت الموقف اني ابي اقص لساني ابي اقص راسي اي شي فيني ابي اقصه وعلى فكرة هو يكلم بنات وانا ادري من زمان بس ماني قادرة انساه ولا انسى الموقف الكككككئيب وادري طولت
استغفروا الله واتوب إلية
توك صغيره وابتديتي تحبين
من علمك ليل السهر ياصغيره ؟
بدري عليك العشق يابنت هاللحي
نحرام هذا القلب وشهو مصيره ؟
انتي بريئه في الهوا ليه تشقين ؟
دروبه طوال ٍ عليك وعسيره
رحتي بدرب ٍ ماله اصلا ً عناوين
وانتي مشاويرك من اول قصير ه
ياطفلة ٍ حبّت وراحت على وين ؟
عقب الهنا ذقتي الحياه المريره
وينك ووين الحب والشوق والبين ؟
عنّيتي عيونك وصرتي سهيره
امحق تسلّي كان ودّك تسلّين
الورد لولا اللون وشهو عبيره ؟
خلّيتي دروسك وصرتي تحاتين
الدرس في ديره وصرتي بديره
وصرتي بعد من غير هذا تغارين
والمشكله يابنت منتي خبيره
نصيحتي لك كان ودّك تردين
يم السعاده والحياه المثيره
خلّك بجو العايله لا تعدّين
ماما وبابا والعجوز الضريره
شيبانك اللي ما يبونك تعانين
من بينهم عشتي كأنّك اميره
الحب قبلك هز ناس ٍ كثيرين
خلاّ القلوب تعيش هم ٍ وحيره
الحب يفضح لا انكشف داخل العين
وانتي بنفسك ماهقيتك بصيره
طيعي كلامي واحذري لا تمادين
تراجعي لاعل في الأمر خيره
عيشي الطفوله والبراءه لك سنين
وبعدين حبي لا غديتي كبيره
بس غلط تعلمين اخوه بو 9 سنوات ان يفتش في جوال اخوه
والله زمن اغبر
الله يهديك ويوفقك اهم شي فكري بدراستك وهذا ترا مو حب ياقلبي ممكن اعجاب
والله ينخاف منكم ترا مايصلح تدخلين منتدى حريم لانه فيه اشياء اكبر منك وانتي توك صغنطوطه ع الاشياء ال هنا
موفقه
ولكن ما آلمني أكثر ردود الأخوات على هذه الفتاة ..!
يا أخواتي ماهكذا يكون أسلوبنا في التربية لاتعنفي البنت ولاتعاتبيها على غريزة عاطفية
وهبها الله في نفسها ..
ولم تصل إلى درجة الخطأ الفادح والحمد لله .. وكانت خطوة رائعة منها أن استشارة من تثق
فيهم وتعتبرهن أمهات أو أخوات وهذا يدل على عقلها الواعي ..
والحقيقة عندما قرأت موضوعها شعرت بإنها فوق سن 18 .
وهذا مايحدث لفلذات أكبادنا في غياب الرقابة الأسرية وابتعاد الأم أو الأخت أو الولي عن الأبناء
حيثُ الاحتياج للتوجيه والأرشاد والإحتواء حتى ولو أخطأ الابن أو الابنة .
حبيبتي الصغيرة صاحبة المشكلة ما أنت فيه من حبّ لابن عمكـ لايتعدى كونه حبّ أخوي برئ لأنه
أهتم بكـ ووقف بجانبكـ في وقت حاجتكــ لمن يواسيكــ في ألمكــ ..
ولكن إلى هنا وتقفين .. ويجب عليكــ تجنب الالتقاء به أو محادثته أو الإهتمام لأمره ..
وإن احتاج الأمر فالزمي الحجاب ذلك أن فتاة بعقلك ( ماشاء الله ) أصبحت تفقه كثيراً
في الحياة وأوشكت على النضوج ..
بالإضافة إلى أن ابن عمكــ كبير وفي سن المراهقة الخطير الذي قد يدفع به إلى ارتكاب الخطأ
دون أن يحسب لذلك حساب ودون أن يندم .
انتبهي حبيبتي وعودي لأمكـ .. لأختكـ .. لعمتكــ .. خالتكــ . أي من كانت وشاركيها همومكـ
واستشيرها
ونحنُ هنا في سيدتي كلنا لكِ أمّ وأخت وموجهة ..
حفظكــ الله وبناتي وبنات المسلمين .
*******