انــا مــا انــا
لي زمن راجياك
وانت قاسي علي
انا أقول بعدين معاك
لا بتسأل لا بتعرف العلي
عديت دروب كتير قست لي
لي زمن راجياك
شايلة معاي الريد
وحاضنة الأسي
درست كل حروفك
رويتها قصص في كتب
كانت لي مدرسة
شقيت انا في دربك كتير
بين كل المعالم
في المسارح
في المدارس
في المصارف
في المراصف
تذوقت العنا
شقيت انا
في دربك كتير
وانت ما انت
ما بيسأل عننا
رسمت الدروب
خريطة كل يوم
أمشيها انا
زرفت الدموع
تجرعت الاسى
ريدك قصة وروايه
ما ليها نهايه
تُدرس للطلبة والأمية
في مدرسة
راجياك انا
بين الأمل والضياع
في زمن فات
في زمن آت
في كل ميعاد
شايله الحنين ذاد
والشوق وداد
وانت ما انت
لا معاي لا هنا
شقيت في دربك
عديت صحاري
سهرت ليالي
حلم سرآب
في دنيا تايهه انا
انت ما انت
ما بتسأل عننا
لو يوم قلت سلام
تلقي اِحترام
وراية وأعلام
واٍستقبال في دنيا
مليانة هَنا
انت ما انت
انـا مـا انـا
شقيت في دربك كتير
و ما زلت حاضنة المنى
راجياك فى كل زمان انا
بقلمي
Magda Noor
السودان
سلمت يداكِ عزيزتي
دمتِ بخير مع محبتي كومي
بصمتك تسعدني
كل ودي
بالرغم من أني رجيتُ أن تكون الخاطرة بالعربية الصرفة
إلا أن لخواطرك نكهة تجبرني على تسطير إعجابي
دمتِ متألقة … ودمتُ لتألقكِ وتألق حرفك متابعة وقارئة
تحياتي
ما أروع عبق الاشراقات الجميلة
المحملة بالشوق والحنين
وكانها تقرب المسافات بيننا
وجودكم هو سر سعادتي
كل ودي