السلام عليكم
قصتي باختصار انا حاليا في الجامعة عمري 22 سنة حاولت بشتى الطرق ما احكي شباب والحمد لله رب العالمين الا بحكم دراستي صيدلة بتطلب مني اكون بقروبات شباب لهيك حتى صار بيني كلام مع الشباب بس اكيد بحدود ….. من سنة صار عندي ديق من بين القروب نحكي مع بعض عن الدراسة ومبادلة للكتب ….. احسست بنظرات غريبة من قبله وكل ما اشوفه يفتح معي موضوع انه في بنت معجبة فيه وهو ما بحب اصلا…. مرة بعثلي عالايميل بانه محتاج لمساعدتي عم ببكي لانه اتذكر حبيته اللي توفت وهو بالثانوية …. كنت شاكة انه الموضوع كذب المهم حاولت ارد عليه واخفف من حالته….. بعد فترة صار يتجاهلني بشكل مش طبيعي لما اكون عالشات اون بطلع مباشرة وبس المكان اللي انا فيه ما بروح بحاول لفت انتباهي ….. صارت معي مشكلة مع وحدة من صاحباتي وما عرفت لمين بدي الجأ فطلبت منه المساعدة على اساس انه اخ اللي مع انه بالواقع انا حبيته ودايما بفكر فيه … حكيتله انا مثل اختك وما قصر بالموضوع معي … المهم كوني وقفت معه بالجامعة مرتين بالاسبوع صار حكي انه احنا بنحب بعض وهالحكي فيش منه من جهتنا مع اني بحبه وما بعرف انا شو بالنسبة اله …. فصرت اتجاهله خفت على حالي من الحكي ما اسلم عليه واذا طلب مني اشي بخو الدارسة ارتبك قدامة ……. بعثلي رسالة بحكيلي فيها انه مش ملاقي حد يساعده بمشكلة غيري انه بنت حبته وبده يتخلص منها واعطاني رقم تلفونها لحتى ارن عليها ورفضت كوني ما بعرفها وبررتله انه ما فيني احكي مع حدا ما بعرف حكالي انتي فهمانة فعرفت كأنه نوع من الاختبار الي ….. المهم حاليا دايما بفكر فيه فصاحبتي بعثتله رسالة بتحكيله انه انا جديه معه وبتجاهله بسبب حكي البنات علينا بالاشاعة انه احنا بنحب بعض لحتى اقدر اعرف انا شو عنده …. حكالها انه انا اكثر بنت عقلانية شافها بحياته وعمره ما زعل مني وانه ملاحظ علي لما اكون معه برتبك وانا اخت عزيزة عليه …. هاي الكلمة صعقتني بكتني مش عارف هل يا ترى فكر فيني …. بحيني …. بحترمني
ساعدوني من التفكير بدي ارتاح
وهل اللي بحب الثاني بتجاهله
حبيبتي انسي هالشخص , بعرف رح تتضايقي من كلامي بس مافيكِ تعملي شي مدام أنه هو معتبرك اخت عزيزة
وصدقيني اللي انت فيه مو حب ولا شي , الحب العقلاني مو هيك
أصلاً الحب بعمره ما كان عقلاني , بس الحب الحقيقي هو اللي بكون عقلاني وعاطفي يعني من القلب والعقل سوى
أنا كنت بحب خطيبي , بس صار نزاع بين عقلي وقلبي لدرجة عقلي تعبني كتير وبكيت منه وكرهت عقلي وحتى تمنيت أنه أضرب راسي من التفكير ..
بس الحمد لله بعد ما تركته من شهر لهلق حسيت بقيمة حالي أكتر ووعيت على أهمية نفسسي وماظلمتها مع انسان مابيستاهل تطليعة من عيوني
وأنت كمان , لا تختاري غير اللي يحبك , وشوفي اذا بتقدري تحبيه وبعدها ربنا يوفقك
أما هاد الانسان فرح تتعبي معه , بقلك هالحكي لأني عايشت هالنموذج ..
أختك بالله : " السعادة بإيدنا "