سلام عليكم
عانيت من طفولتي ومازلت أعاني التريقة على شكلي
لأنو عندي عيب بوجهي
كم عانيت أيام وأيام وأنا ابكي من القهر
حتى إهلي ألي همه أهلي يتريقو عليا
انا تعبت مو ذنبي يلوموني عشان هادا الشيء جاء فجأة وما راح
لا تقولو أني حساسة بزيادة بس تعبت من المهزلة والتحطيم أي احد يشوفني يسألني ايش هادا
كل يوم اصحى وتحطم من الناس عذبوني
صرت مهووسة بزيادة ما أرتاح اذا ما صرت اجمل وحدة
والله بالأيام أجهز شكلي لطلعة حطموني
حرقو قلبي الله يحرق قلوبهم
ماعاد فيني أتحمل
والله لو كنت ملكة جمال ماراح اصدق نفسي
من التحطيم ألي شفته
انا أبا اعرف ليش أهلي مني وفيني يرضون أني اتحطم فوق التحطيم الي عشته
أبا احد يجرب يكون بمكاني كيف حطموني
كرهت نفسي من كثر ما حطموني
انا بنت ليش يحطموني بشكلي
والله واثقة بشكلي بس ماعاد استحمل التحطيم
مايدرون أنهم اذا حطموني يحرقو قلبي
تحطمت تحطمت والله تحطمت
اختي عايدية قلت لأمي مرا من مزح
صرت اشبهلها قاعده باستهزاء تقول لا والله أختك احلى
ما فيها حبة بوجهها ما تعرف أني حزنت على كلامها
وانقهرت والله ما عرفت ارد
مع أنها دايم تمدحني بكثير أشياء
آه والله تحطمت أحس نفسي ما عندي وجه
لما احد يعيب علي اقعد اسكت أبا ارد ماعرف ايش أقول
والله تعبت قلبي يعورني مني مستحملة الي يصير
ودي أصير ملكة جمال والقهركل من قهر قلبي بس ياليت 🙁
وكمان المفروض اهلك مايسوا كهذا
اسمعني روحي الى دكتورة التجميل وخليهم يدفعون عليك
وانتي حلوووو من ملكات الجمال ولا عليكي منهم
الله معاكي
قولي آلله يلي خلقني وآنآ رآضيه بـ خلقه .. آللهم لا اعترآض على خلقك ..
ترى جمـآل الدنيـآ يروح بـ يوم و بسس جمآل القلب يبقى للآبد ..
تقدرين تزبطين نفسج يعني مثلا تشقرين حواجبج وشعرك وتقصينهم
تشيلين الشعر الي بجسمج ووجهج ، تشيلين حب الشباب بلخلطات وجي
لاكن اني اسوي العمليه معليش هذي مرة قويه وكأنه موعاجبج خلق الله !!!
كل واحد ربي خلقه على هيئه معينه ليش حنا نغيره ؟؟
يمكن انتي حلوة بس هلج مايحمونج عشان جي يمكن قصدهم ان اختج تهتم بنفسها وتعتني بجسمها
وهم يدقونج بالكلام فعاد لاتصيرين واييييد حساسه ولاتدققين بالكلام وايد دخليه من هني وخرجيه من الثانيه
وعيشي حياتج ، اما اذا كل شوي تسترجعين كلامهم انتي الخسرآنه !
والله يسعدج ويوفقج ويفرج همج وكل المسسسلمييييين :"))
آوك تخيلينُ آنو فيه بنت مره حلوهُ مآشآء آلله تبآرك آلله ، طيب لمآ تكبر وتصير مره كبيره بُ آلسن هل شكلهآ رح يتغير ولآ لآ ؟ّ! آكيد بيتغير (رح تصير تجآعيد بوجههآ – ويصير شعرهآ آبيض) رح يتغير كل شيُ ، يعني آلجمآل آلخآرجي مآهو دآئم
وآي بنت تتريق ع شكلك قولين لهآ : آنآ آلله خلقني موب خلقت نفسي ، لآتسمصخرين ع آلي خلقك
وآلحين مآفي شي آسمه آنآ موب حلوه وآنآ مو جميله
يعني نقول مثلآ حلول :
شعرك خشن وحآلته حآله : آستشوآر و فرد ، آو زيوت للشعر وزيوت تنعيم
بشرتك فيهآ حبوب : عندك خلطآت وعندك طبيبآت تروحين عندهم ويعطوك كريمآت
عندك هآلآت تحت عيونك : في قطرآت تحطيهآ تروح آلهآلآت
مآفي مشكله آلا ومعآهآ حل ، آنتي قولين آش مشكلتك عشان اعطيك آلحل ، ولآتخآفي لآنو مآحد رح يعرف من انتي وانتي في ذي آلعضوية
🙂 لآتنسين تدعيلي