سلام عليكم ورحمة الله وبركاته اختي همس اختصر لك مشكلتي وهي في زوجي سافر عند اخته من اسبوع ووعدني انه حيرجع الخميس وانا ماكنت راضيه انو يروح الا بيه لكن ما وافق كا لعاده يحب يسافر لوحده بدوني مع اني والله ما قصر معاه ولا انكد ولا ازعلو الافي النادر زي لمن سافر هالمره حاولت انو ياخذني بكل الطرق لكنو عنيد ويحب يسافر لاي مكان لوحده وانااجلس قمت زعلت عليه ولاودعته يوم سافر علما اني اخاف من اختو ويوم سافر ووصل اتصل في اليوم الثاني اتصل كم مره ومارديت وبعدها بساعه رديت وكلمني بجفا وطلب يكلم ولدو الصغير وسمع صوتو وقفل اليوم الثاني الخميس وهو قايلي انو رح ييجي فيه واتجهزت واستنيناه ولكن ماجاواتصلنا ومايرد على الموبايل وبعدين ادانا مغلق قلت اكيد انو في الطياره لكن قال اطنشها وجا يوم الجمعه اليوم التالي واتصل ولدي عليه حتى يسال عليه ويسالو ا حييجي اليوم ولا لا قام قلو حجي اخر الليل وقفل قمت ارسلتلو رساله قام ارسلي خليك يانكدعلما اني اخاف من اختو ودايم تغير زوجي معايه وكثيرة الشكوى له مع انو زوجها خلوق وطيب وعمرو ما سافر لاي مكان الا بهاحتى الاجازات وياها لكن ما ادري بس احس انها حاسدتني على حب اخوها ليه ودايم تحاول تدقني بالكلام لكن انا مطنشه وما ارد على تلميحاتهااو ابتسم حبيبتي همس الخيال انا اول مره اشارك في الكتابه في المنتديات عشان كذه اسلوبي ركيك في عرض المشكله وجايه ارتجاليه لكن غاليتي ابغى منك اسلوب يخليه يندم على روحتو خصوصا انو راح وولدو تعبان شايفو وانا مني موافقه على روحتو ويندم على طناشو ليه علما انو حييجي ويطنشني وانا مااستاهل المعامله هادي قلت حتبع معاه السكوت والطناش زيو ايش نصايحك ليه غاليتي ولكي مني كل الاحترام والتقدير
اختي زوجك في سفر حاااولي ماتزعليه منك واذا زعل حاولي تعتذري له بشوية تغنج مع كم كلمه حلوه وقولي له : اذا ما رضيت علي تراني بقعد ارسل مسجات الين ما ترضى؟؟؟؟؟
طبعا هو راح يرضى على طول خاصة اذا كان الفواتير عليه
مالك إلا زوجك … اذا بتسمعين كلامي ….
الرجال مثل الطفل … يبي الدلع والحنان … واذا تغلى خليه يتغلى
لآ تزعلين …
اذا انتي ما ريحتيه … بيروح يشتكي لاخته وانتي مثل ماقالتي خايفة منها!!
اذا ما يرد على تيلفوناتك … ارسلي له مسج … كل ما قعدتي من النوم … وهم قبل لا تنامين …
خليها كلها حب وحنااااان …. لا تجيبين طاري الزعل !!
واذا رد حبيب القلب … سويله حفله صغيرة .. في بيتك…
واذا قدرتي … احجزي يومين في فندق انتي وياه … أو شاليه ….
وجيبيله هديه …
والباقي عليك …..
وبعد المصالحها انشاااء الله حاااوالي تتناقشي معه بهدواء عن سباب عدم اخذك وعن اضرر تقفيل جوله في السفر معه واختاري الوقت المناسب….
والله يسخر لكي زوجك ويصالحه