السلام عليكم ورحمة الله
كل عام وانتم بخير بنعاد عليكم
مشكلتي مع بنتي تبلغ من العمر 17 سنة عنيده ولسانها طويل ادري بسن مراهقه الي ابغى اعرفه المراهقة كذا شوفو اايش صار وحكموا
لبس العيد قصير وقلت البسي تنوره تحت العباءة عشان ماتبين رجولك واذا وصلتي البيت فسيخيها مع العباءة ثارت في هذا تخلف كيف كذا انا حريصة على نفسي من باب السياره على البيت سكت شافها اخوها الكبير قال رجولك باينه روحي استري نفسك قالت مالك شغل خليك بنفسك
اول العيد بليل كنا بنخرج حفلة العيد في استراحة قلت لها البسي تنوره ممكن نقابل رجال قالت لا مراح البس وراحت تتكلم انا اعرف مصلحتي وصارت تبكي وقالت خلاص ماني رايحة عصبت عليها مره ورحت لها بالعقال ابغى اضربها ابوها مسكني ورجعت اعطيتها كم كف وشديت شعرها وقلت لها انا متبريه منك لو اشوفك ماشيه عريانه مراح اكلمك
صح انا عصبت مره بس قهرتني ماتسمع كلامي ابدا حتى لمصلحتها حتى لو كنا بسوق اقلها ارفع الغطايه على عينك تقول احمدي ربك اني اغطي حتى عيني ماتبغيها تبان وانا ماني مكحلتها
بصراحة انا مو عارفة اتعامل معها هي طيبه وحبوبة بس لا تكلميها على العباءة
الي عندها بنات بسن بنتي علموني كيف اتعامل معها ولكم مني ارقى التحايا
معروف انه سن المراهقة اصعب مرحلة في تربية الابناء
ولازم تصاحبيها فالسن هذي وما تحسسيها انج امها
واللي تقولينه بتنفذه بدون ما تتناقشون فيه
عندي سؤال لج يا اختي
يعني هي قبل هالسن كان عادي عندج انها تلبس قصير؟؟؟
اذا كانت الاجابة هيه فأكيييييد بتلاقيين صعوبة انها تتقبل تغير لبسها
وكان المفروض من البداية وهي قبل هالسن تفهميها انه البس القصير داخل البيت بس
ودايما ذكريها بالجنة والنار يمكن تخاف شوي
الله يصلحها ان شاء الله
بس خليها تسمع شريط عن عقوق الوالدين وش جزائه
الله يستر بس
أشهد أن لا إله إلى الله و أن محمد عبده ورسوله ..
أما بعد ،
أختي الكريمة ، أشعر بمعاناتك ونحن كلنا
نتمنى يكونون أولادنا أفضل الناس ونحن نقدر
نكسب عيالنا ومن خلال تربيتنا الناجحة
رح نشوف الخير إن شآء الله . ،
ومن خلال تجربتي أنصحك بالتالي
أبتعدي عن الضرب لأن الضرب لايأتي
بنتيجة إيجابية أبدآ ولا الصراخ والهواش
حتى إذا سمعت كلامك بهذي الطريقة
رح تصير تكرهك من داخلها وتحس أنك قاسية ولو
حاولتي تتقربين منها بعدين راح تفشلين
ومن اللي يحب أن يجعل بينه وبين أبنائه فجوة !
كوني لها الصديقة و الأخت وأنسي كونك
أمها وللأسف كثير من الأمهات يعتقدون
أن أبنائهم روبوتات فقط نعطيها الأوامر
طيب ليش ما تحاولين تكلمينها بهدوء
تنصحينها وتبدين النصيحة بالكلام الطيب
ومدحها ومثل ماتقولين هي طيبة بس مع جهلها
و أسلوبك فالتعامل معها صارت تعاند
والحين العناد في مسأله وبكرآ مسآئل فتداركي
الموضوع بس أبدي بنفسك غيري أسلوبك
معها وبتشوفين الخير بأذن الله
أنا معك أنه لازم تتستر بس مو لدرجة تغطية
العيون و تقولك مو متكحله ، وهل العين عورة !
الله يهديكي أختي لا تقيدو أبنائكم هكذا
إذهبي وصالحي البنت وتكلمي معها
وبرري فعلتك بخوفك عليها وإنك لن تفعلي
هذا مرة أخرى لأنها أثمن ماتملكين
إسأليها عن طموحها حياتها
ماذا تريد أن تفعل بها وأخبريها أن الله
ينضر إلى العبد ويحاسبه حتى لو لم
تحاسبيها أسأليها ماذا تريد منك
وقولي ماتريدين منها وصدقيني
هذي المصارحة بتخلي أثر في نفسها
وإتبعي هذا الأسلوب معها دائماً
وأخيرآ ، إذا لا سمح الله ولم يفد
كل هذا أنصحك بأخذها معك إلى أحد
الإستشاريين التربوين و الأسرين
وإذا لم يفد كل ذالك أعلمي أخيتي
أن الله لا يزر وآزره ً وزر أخرآ
اما اللين والكلمة الطيبة مني مناك فتنفع بس مو بسرعه المفعول مرات