السلام عليكم ورحمة الله
كل عام وانتم بخير
بنت الصحن حلوى يمنية قديمة من التراث اليمنى
المكونات:
3 ونصف كوب دقيق
ملعقة صغيرة خميرة فورية
بيضة
فانيليا
نصف كوب سمنة سايحة
ماء دافئ للعجن
2 كوب بندق مطحون للحشو
بيضة مخفوقة وفانيليا لتلميع الوجه
نصف كوب عسل نحل
ملعقة كبيرة حبة البركة
الطريقة
فى اناء هنحط كل المكونات مع بعض ماعدا السمنة السايحة وهننقص كوباية دقيق
ونخلطهم ونضيفلهم ربع كوباية السمنة وكوباية الدقيق اللى شلناها فى الاول وربع كوباية السمنة اللى فضلت هندهن بيها العجينة واحنا بنفردها
ونعجنهم كويس لغاية ماتتجانس كل المكونات
ونغطيها ونسيبها تخمر فى مكان دافى لمدة ساعة
ونقطع العجينة ل10 او 12 قطعة
وجبت صينية مقاس 26 وممكن اكبر او اصغر دهنتها سمنة بربع كوباية السمنة اللى فضل وفردت فيها قطعة العجينة وحطيت عليها بندق مطحون
وحطيت فوقها القطعة التانية ودهنتها سمنة
وحطيت فوقها بندق مطحون وهعمل كده مع كل قطعة عجينة لغاية مايخلصوا واخر طبقة عجينة هدهنها بالبيض والفانيليا
ودخلتها فرن حرارته هادية عشان العجينة من جوة تستوى كويس ولما خرجتها من الفرن حطتها على طبق التقديم وعملت فيها ثقوب بس برفق عشان عسل النحل يدخل جواها وحطيت عليها عسل النحل وحبة البركة
وعلى فكرة ممكن بنت الصحن متتحشيش بندق زى مانا عملت وتبقى سادة وهما غالبا بيعملوها كده فى اليمن وبردو هتبقى طبقات ده حسب رغبتكم
وده شكلها النهائى
وده شكلها بعد التقطيع
وبالهنا والشفا
جميله و لذيذه جداً جداً
تسلم الأيادي حبيبتي
طبق طيب من مكوناته وشكله
الله يحفظك ويرعاك
لاعدمناك يا رب
بانتظار جديدك بشوق
عيون قصيمية
