بسم الله الرحمن الرحيم
السلام عليكم ورحمة الله وبركاته
كيفكم ياحلوين
ودي اطرح موضوعي او بمعنى اصح مشكلتي بينكم
انا تزوجت رجل مطلق
تزوجته وانا صغيره وكان عنده بنتين وولد من زوجته الاولى
واخذتهم أم زوجي بعد ماتزوجت امهم كانو يخافو عليهم مني علما ان اعمارهم وقتها5 سنين و4 سنين وسنتين
وانا بنفسي كنت طفله لما تزوجت <<15 سنه
اخذني زوجي وسافرنا وكان يصرف على عياله وكل شي ويزورهم بالاجازات وكل شي تمام
وتزوجو بناته بعد ما صار عندي بنتين وفي وحده منهم زوجها طلقها بعد الملكه بسنه
وفجأه اكتشف ابوها انها تكلم شباب وترسلهم هدايا وتغازل على كيفها
والله اني دريت بالموضوع قبلهم بس خفت اتكلم ويقولون عمتها تكرهها
وخفت اسكت ويصير ذنب علي وتضيع البنت وافكر ماوصلت لحل ودعيت ربي انه يحل الموضوع من عنده
وقعدت افكر
ورحت للبنت وقلتلها حرام وعيب ومايصير الي تسوينه
ومافيه فايده صارت تكلم قدامي وقالتلي بالله لاتعلمين ابوي
قلتلها لمصلحتك تتركين الي انتي فيه انا ماراح اتكلم بس راح تندمين
ماأهتمت بكلامي وكانت واثقه فيني لاني ماقد اخلفت معها باي وعد الحمد لله
وماهي الا ايام ولا عمها يجي عند زوجي معصب ومقهور شوف بنتك وش سوت فينا وكذا وكذا وكذا وعطاه السالفه كااااامله
تبون تعرفون كيف عرف سبحان الله الولد الي هي تكلمه هو الي فضحها وقام ابوها وضربهاوبغى يذبحها وعمها ضربها واخذو منها الجوال وكسروه وحبسوها في البيت ماتطلع مره<<وحتى امها تقول والله اني عارفه بنتي
والله حتى في الاعياد مايخلونها تطلع زي الخلق وقلت لزوجي حرام عليكم انسو شوي
خلوها تطلع مع الناس رفضو وبشده
علما اني ادري انها تطلع من وراهم وتروح مع صديقاتها الفاشلات والله صاحبتها تقابل شباب وانا قد شفت بعيوني
وذحين قامت تطول لسانها عليه وعلى ابوها وتقول لأبوها اصلا انت تحب زوجتك وبناتك وبس ماتحبني ولو نروح نسوي فحص دي ان اي طلع مو بنتك <<<قويه هالكلمه <<وضربها لين بغت تموت في يده
وتقوله بناتك لما يكبرون راح يسوون اكثر مني
وهالحين قامت تحش فيني وتقول كلام زي السم وعطت رقم جوالي لخويها وصار يزعجني ويرسلي رسايل مثل وجهه <<منتهى قلة الادب
ويسميني بأسمي بس غيرت رقمي وما عطيته لأحد
يشهد ربي عليه اني وقفت معاها وقفات ماتوقفها ام مع بنتها وذحين ابغاكم تشورو عليه اش أسوي وكيف تنصحوني اتعامل مع هالعايله الصعععععبه علما اني اسمع كلام زي السم واسكت
وتخيلو حياتنا صارت مشاكل في مشاكل مانطلع نتمشى ولا نزور اهلي لان الاب حارس على بنته
وش اسوي يااااعاااالم
ملااااحظه زوجي نفسيته زفت الزفت ويقول انه متفشل من نظرات الناس وش اسوي وارجعله ثقته بنفسه
والله خايفه عليه
اما زوجك فحاولي تعينينه ولا تضغطين عليه وربي احسه في دوامه وذكريه يدعي لهن بالهدايه ويزوجها بسرررعه يمكن تلتهي بالحياه وتحمل وتولد ويفتك منها
والله يعينك
وتراه زوجها قبل سنه وماقعدت مع زوجها سوت معاه مشكله وطلقها وذحين تقول والله ماعاد تتزوج وهو صعب انه يغصبها ولا يجوز اساسا
ومن فتره وانا اقوله تراها تغيرت وفيها الخير ان شاء الله
بس مو راضي يسمع ولا يفهم
احس المشكله مسيطره على تفكيره يقول لو اموت وش بتسوي اكيد بتسوي كذا وكذا
والله حالته تقطع القلب
صدقيني حاولت بكل طريقه
بس مافيه فايده والبنات الي من سنها للاسف كلهم زيها ويجيبولها شرايح وجوالات من ورانا
وزوجي ان شاء الله ربي يفرج همه وكربه
ابوها مو راضي انها تجلس مع خواتها مسكنها مع جدتها في الشقه الي جنبنا ويشيك عليهم كل شوي
ووقت مايقابلها طوالي يضربها ويهزءها
وسالفة ان صديقاتها يجونها ترى انا الي ادري بس زوجي مايكون في البيت
وخالتي ام زوجي تجلس تترجاني لاأعلم ولدها انهم جوها وش اسوي ياربي
وبصراحه ام زوجي انسانه طيبه ومحترمه وماعمرها زعلتني وانا ماأبغى ازعلها
ودائما استودعي بناتك بحفظ الله ..وفقكي الله وبارك بحياتك