السلام عليكم
انا عمري14 مشكلتي امي رفعت لي ضغطي انا اكبر وحده بالبيت وعندي اخت اصغر مني والباقي عيال صغار المشكله انا محملتني الشغل شغل البيت كله على راسي واخواني وغير كذا تهزء فيني سببت لي اكتئاب علطول شغل مارتاح انظف المطبخ يجون اخواني يحسونه ارجع انظف من جديد وتجي امي تسحبني من شعري وتقول بالله ذي نظافه انتي مامنك فايده وشوفي فلانه وفلانه طفشتني ياحظهم بنات عماتي وخلاتي ماشاء الله مرتاحين ومدللين لاشغل لاهم وهم كبار وانا مكروفه المشكله موب هنا المشكله وقت الدراسه شنو اسوي ادرس ولا اشتغل وكمان عيت علي مادخل نادي تقول الشغل هو التمارين اموت انا ولاشلون تسوي بنفسي وتقولي كاعندك فكه من الشغل الألموت وانا ماجبتك للحياه الاعشان تشتغلين شنو الحل معها
شوفي حبيبتي بس تنظفي المطبخ وتخلصي منه
قولي لأمج تعالي شوفي كيف نظفته
و قولي لها اي حد يوسخ هو المفروض ينظف ويتعاقب
ولو تكلميها في وقت تكون هي رايقة فيه
وتقولي لها انه الشغل كله عليج متعب على الاقل اختج تساعدج بالاشياء البسيطة
ما ادري ليش الامهات في هالزمن صايرة قلوبهم قاسية هالكثر
الله يعينج … وربي يحنن قلب امج عليج
موفقة
استغفر الله العظيم الذي لا إله إلا هو الحي القيوم و أتوب إليه 
خلي حدا من اقاربكم يتدخل بالموضوع ويحكي معها او حتى ابوك لازم يكون له راي بالموضوع
ينص على < مآعليـكِ =)
أي شخص يوسخ ، ينظف الشيء إللي وسخو !
ربي يحنن قلبهآ عليكِ يآرب
واجهي امك انتي بنتها مش خدامه عدها تساعدينها اي بس مو الشغل كله عليها طيب هي شو وظيفتها؟؟
تكوني ربة بيت ممتازه لما تتزوجي ودا تعلمج وانتي صغيره بس مع ذالك ميصر تجرك من شعرك
على شي تافه
قولي لها انك مو لازم تعملين كل شغل بيت يعني قسموها نصفها انتي ونصفها هي
وإذ ما رضا اشتكي منها لابوكي
الله يهديها
كرري من قول لا اله الا انت سبحانك اني كنت من الظالمين