بيتزا البروكلى من وصفات 2024.

مقادير العجين

3 كوب دقيق – 1 ملعقة كبيرة خميرة فورية – 2/1 ملعقة صغيرة B.B – ملعقة كبيرة سكر – 4/1 كوب زبادى – 4/1 كوب زيت – الماء حسب العجن – 1 ملعقة صغيرة ملح

نمزج النواشف مع بعض ثم نضيف الزيت والزبادى ونخلط كويس لحد ما الدقيق يتشرب الزيت والزبادى ثم نضع الماء بالتدريج حتى تكون عجينة لينة تلزق بالايد شوية ومع العجن ستكون عجينة سهلة التشكيل ولا تلتصق بالايد ثم تغطى وتترك لتخمر لمده ساعة

مكونات الحشو

1- بروكلى نقطعه على شكل الوردات ويوضع فى ماء مغلى به ملح ويغلى لمده دقيقة ونطلعه على ماء مثلج

2- بصل شرايح نخليه يدبل على النار مع شوية زيت صغيرين وان حطيت عليه رشه ملح ورشه سكر

3- نجهز صوص البيتزا وانا ببشر بصلة صغيرة واحطها فى طاسة على النار مع فص ثوم مفروم ولما يدبل احط الصلصة والزعتر

4- نجهز المشروم والجبنه الموزريلا

وان شاء الله الخطوات تظهر فى الصور

نفرد العجين وانا عملتها بان رفيعة ونضيف صلصة البيتزا

نحط البصل المكرمل اللى جهزناه قبل كده
نرص وردات البروكلى

نحط المشروم

اختيارى اضفت رشة من البهارات الايطالى

نحط الجبن الموزريلا

تدخل فرن ساخن على درجة 200 لحد ما الجبن يسيح