بين الخطيب والحبيب الأولي -تم الاجابة 2024.

السلام عليــكم يا بنــات

اشحــالكم حبايبــــي

والله ودي افتح لكم قلبي واشوف رايكم بموضوعي وبدون تجريـح الله يخليــكم

انا عمري 21

حبيت واحد واهو حبنــي وطريقهـ تعارفنـا مع بعض أغرب من الصدفه نفسها ويعلم الله انه

كل واحد فينـا كان غرضه لا حب ولا تعارف ولا شـــي ..لكـن شاءت الأقدار انه يطلبني للزواج

وحـــاول بكل الطررق بس ما قدر لأن عند أبووه مبدأ واهو (لازم تتزوج وحده من اقاربك)

عيب يزوجون حد من برا القبيلهـ .. طبعا لما عرفنا مافي نصيب كل واحد ابتعد عن الثاني

بس الصراحهـ اهو ما قدر يبعد واهو جدا بار بأبـوه وامــه وخواتهـ فوق راسهـ.. وصلاته وخوفه من ربهـ من الأولويات بحيـاتهـ يعني خلوق مـاشـاء الله..

امــه كانت تدري باللي فيهـ وبطبع الأم حنونهـ و أحن ع الأبن من الأبو نفسهـ وكانت تقولهـ
ياوليدي لو الود ودي اسير اخطبها لك ولا اني اشوفكـ بهالحـال..كنت اعرف امهـ وخواتهـ
ووحده منهم تدرس بنفس الجامعه اللي ادرس فيها يعنـــي انا عارفه هالإنسـان صادق ومن اللحظه اللي عرفنا فيها بعض واهو يسعــى للزواج منـي وخواتهـ يعرفون وابوه يعرف بس
معارض..

لما عرفت انه مافيه نصيب ابتعدنا عن بعض وتقدم لي اكثر من شخص و وافقت ع واحد منهم واهو كــان ع علم بهالشي عن طريق خواتهـ ومن عرف بالموضوع واهو حـالف ما يتزوج..

لا تقولون بيتزوج لأن من سنتين وهم يحاولون فيه وابوه صاحب ضغط وسكر ويطيح بالمستشفى بسبب المشادات بالكلام بينه اهو ولد ولا يفيد معاه ليومكم هذا

كلمتهـ وقلت لهـ لو كان فيه نصيب كنا خذيينا بعض بس (هذا المكتوب واللهم لا اعتراض)

قال والله لو اقعد طول عمري ما اعرس أو لو تكونين اخس بنت ف الدنيـا ما اخترت حليلة (يعني زوجه) لي غيررج ودامج مخطوبهـ ف الله يهنيـــج مع اللي بتكونين من نصيبهـ
واتممنى لج كل خير بس اناا لا تشغليـن بالج فيني انا ريال واصرف عمري
سويت لأبويه اللي يبا وقعدت اقنع فيه لين انتي يووج الخطاب وانخطبتي وانا فقدت الأمل
وقلت لج وافقي لأني مابي اضلمج مثل ما ابوي قاعد يبني لي حياتي ع كيفهـ
استوا اللي يباه وما خطبتج والحيـن بيستوي اللي انا اباه وما بعرس لو يجتلوني

يابنات انا مخطوبه (ما اكلم خطيبي لأني بفتره خطبهـ) وخطيبي بعد ما ينقصه شي هذا اللي اسمعه من الناس عنه .. بس تفكيري ما وقف عن اللي أحبهـ ويحبنـي ولو نويت اقطع تواصلي بكل شي يخصه غصب رح توصلني اخباره رغم انه ما نتواصل بحكم اني مخطوبه لكن كل شي يووووصل كلل شي يصيير اعرفه

اهو لا يرضا بالغلط ولا انا ارضا بالغلط ويعلم الله شكثر اهو شاريني بس ما باليد حيله ولا ألومهـ لأني ماقدر اخلي ابوه وامه غضابنين عليه لكن اثنينا متعلقيـن ف بعض وانا اللي ذابحني خطيبي شذنبهـ بس قلبي وتفكيري كله مع الشخص الأول

الحيــن قولوولي عطوني رايكم بسالفتي

ظالمه الأول بأنه ما بيتزوج وعلقته فيني ويحلف بالله واكثر من مره طلع من البيت والسالفه كانت الزواج ليـن انا رحت عنهـ وانخطب وللحيـن معاند

وظالمهـ الثاني بأن قلبي يتقطع ع الأول وبعدني احبه وصعب انسـاه لأنه ساعدني بأموور كثيييييره كثيييييييره وانا عارفه انه يحبنـــي ولا يبا يتزوج علشان ما يظلم بنت الناس وياخذها واهو يحب وحده ثانيهـ

اناا لي تواصل مع خواتهـ وصدقووني صح اني اتواصل مع خواتهـ بس كلامنــا كلهـ بعيد
عن علاقة الحب بيني انا واخوهم لأنه رح نتكلم بدون فاايده لأن عارفيـن موقف ابوهم
واللي اهو زواج الأقارب

الله يخليــكم شورو علي شسووي شاللي لازم اسويه شو رايكم بسالفتي

المشاركة الأصلية كتبت بواسطة همس الخـيال و الله حبيبتي موقفك صعب اولا هذا رأيي و يمكن اكون غلطانه لو مكانك اسأله لو في امل ربي يجمع شملنا كي افسخ الخطوبه ؟ و اذا قال نعم و عطاكي سبب فلا تقهري نفسك بالتفكير بالاثنين … لان الحب الاول صعععععععععععب جدا اما اذا كان ما في ولا امل فتوكلي على الله و صلي و ادعي رب العالمين ينسيكي هذا الشاب صراحة موقف لا تحسدين عليه اتمنى ربي ييسر امرك و يفرج ليكي هذا رأي فتاة من بين الملايين و انت ادرى بمصلحتك .

أنا صاحبه المشكلهـ يا أختي … انا مب عارفه شسوي انا متضايقهـ لأني بظلم الأثنين

ف وقت واحد

مثل ما ذكرت ..الحبيب الأولي.. مب راضي يتزوج وبكون ظالمتهـ لأني انا السبب ف أنه ما يتزوج والله حرام اللي يصير له من ابووه انه قاعد يبني حيات عياله ع كيفهـ وابوه كبير ف العمر يعني صعب التفاهم معاهم ومن اللي متمسكيـن ف معتقداتهم الأوليــه

وبظلم الثاني بأني وافقت عليه وانا قلبي مع الأول

وبصراحهـ اثنينهم ما عليهــم زود وماشاء الله عليـهم

وانا والله ما ابالغ ف الوصف

المشاركة الأصلية كتبت بواسطة نهى نونه موقف لاتحسد عليه طيب خلي اهله يحاولوا مع اوهم ولو لاخر مره ويقولوا له انه مش عايز يتزوج غيرها ربنا يفرج همك يارب وينور لك بصيرتك

انا صاحبة المشكله اختي

اناا والله أحس ان اللي قاعد يصير ف أخوي قاعد يصير له ووالله جد الدنيااا تدوووور تدوووور

سبحـــان الله اخووي كان يحب وحده وأبوي ما رضى وهالموضوع من سبع سنيـن والبنت تزوجت واخوي ليومكم هذا مب راضي يعرس ولا راضي ينسـى البنت اللي تزوجت واهو ف بداية الثلاثين وطبعا ابوي رفض لأسباب وايدهـ ومقنعهـ بعد..انا مابي يصير لهالشخص مثل ما صار لأخوي

مابي يحرق قلب ابوه وامه مثل ما اخوي قاعد يحرق قلب ابوي وامي لأن مب راضي يعرس

واحس اللي صار مع اخوي رح يصير مع الشخص اللي انا احبهـ جد أحس الأحداث قاعدهـ تنعاااد

اناا والله أحس ان اللي قاعد يصير ف أخوي قاعد يصير له ووالله جد الدنيااا تدوووور تدوووور

سبحـــان الله اخووي كان يحب وحده وأبوي ما رضى وهالموضوع من سبع سنيـن والبنت تزوجت واخوي ليومكم هذا مب راضي يعرس ولا راضي ينسـى البنت اللي تزوجت واهو ف بداية الثلاثين وطبعا ابوي رفض لأسباب وايدهـ ومقنعهـ بعد..انا مابي يصير لهالشخص مثل ما صار لأخوي

مابي يحرق قلب ابوه وامه مثل ما اخوي قاعد يحرق قلب ابوي وامي لأن مب راضي يعرس وامي كل مره تنزل منها الدمعه

واحس اللي صار مع اخوي رح يصير مع الشخص اللي انا احبهـ جد أحس الأحداث قاعدهـ تنعاااد

كيف تظلمين الاثنين تفكيرك خطاء

الاوالي ابوه الي راح يظلمه مو أنتي

وخطيبك اكيد يعرف انه الزواج قسمة ونصيب

لكن الي صدق راح ينظلم اذا تركتي خطيبك وجلستي تنتظرين سراب

هو إنتي ….

بتكوني ظلمتي نفسك

روحي في حال سبيلك أنتي بنت والبنت تكبر ومن عقب

تقل عندها أشياء كثيره من ضمنها فرص الأنجاب

وما كل ما يتمنه المرؤ يدركه

ناس كثير تمنى شي وطلع نصيبهم شي ثاني

والحياة ماشية

ولازم نمشي معاها ما نوقف نناظر على الأطلال

وأخوكي للأسف غلطان ومحد خصران غيره

لازم يكمل نصف دينه مثل ما البنت تزوجت وعايشه حياتها مع زوجها واولادها

اما انك تقولين راح يصير معه مثل ما صار مع اخوي يعني بذمتك

الي سواه اخوك صح طيب إذا الثاني ماراح يفكر ويعرف انه كل شي نصيب

وبأمر الله فهو الجاني على نفسه

يقدر يجلس من غير زواج وما يقدر يخلي ابوه يوافق على زواجة

هو رجال مو بنت شي محير

بعدين ايش ضمنك بأن ابوكي راح يوافق على الي يحبك مو رفض بنت الناس الي يباها اخوكي توقعي نفس الشيء بعدين انتي مخطوبه هل بكل بساطه تكنسلين الخطبه وابوكي يوافق ؟؟؟

في الأخير إن شاء الله تتوفقي في حياتك