تجربة أختي التي بهرت جميع الناس و خصوصاً زوجها !! -رجيم 2024.

السلام عليكم ورحمة الله و بركاته

بقول لكم قصة اخت صديقتي كانت تقوول اختي طبعاً متزوجة من 3 سنوات و عندها بنت الله يخليها لها ان شاء الله ، اختي وزنها 80 كليو يعني دبدوبة شوي ودائماً تتحسر لما تقعد اطالع بنات اجسامهم رشيقة و تتعب نفسيتها و خصوصاً ان زوجها يحب الجسم الرشيق والخصر المرسوم وكان يلمّح لها بأنه يبغيها تضعف جسمها شوي وهي ما تقول له اني متضايقة من جسمي و متعقدة لأن تعرفون الرجال لما تقولين له اني متعقدة من جسمي و لايعه جبدي من الكرش تفتحين عيونه على عيوبك ويقعد يفكر ويكره جسمك فهي ذكية ما شاء الله و عاقلة دائماً تقول له جسمي حلو وعاجبني بياض وتربرب و كلي لحم وهو يستانس خب الرجال مثل الطفل المهم هو يدرس بالخارج في كندا ويروح ويرجع ومرة من المرات قبل لا يسافر بأسبوع كنا رايحين عرس و ماشاء الله اجسامهم روووعة كل وحدة تقول الزود عندي اللي خصرها يهبل و اللي واللي وهي اطالع وتتحسر وودها ذيك الحزة تقتل روحها ، لما رجعنا البيت اتصلت فيني كنت أنا مخطوبة حزتها قالت لي سمعي أنا قررت اعمل ريجيم لايعة جبدي خلاص احس اني دفشة و مو حلو جسمي واتحسر لما اشوف وحدة رشيقة قلت لها والله مبادرة حلوة يالله من باجر قالت لي لا مو باجر لما يسافر زوجي كلها اسبوع و بيسافر الله يرجعه لنا بالسلامة وبعدها بتفرغ لنفسي قلت اوكي صار ، المهم بعد اسبوع سافر زوجها وأنا و أخوي قررنا نروح تقعد معاها لأنها حرمة وفي بيت مي عدله تقعد بروحها ورحنا على بيتها و كان زوجها عنده دوره 3 شهور في كندا وأول يوم سافر زوجها ما كلت شي بس شربت عصير برتقال طبيعي لما راحت توصله بمطار بالبحرين لما رجعت من المطار قلت لها خلاص قررتي ؟ قالت اي قررت خلاص بسوي لي برنامج وبمشي عليه بس أول بروح المستشفى حق أسأل اخصائية تغذية قلت لها يالله ورحنا المستشفى ودشينا على اخصائية تغذية قالت لها اي شخص بيسوي ريجيم أول شي يحاسب لفصيلة دمه كل فصيلة دم ولها دايتها الخاص وكانت فصيلة دم اختي أي + وهذي الفصيلة يناسبها جميع انواع الفواكه و الخضروات و العصائر والألبان خالية الدسم و الشوربات و الابتعاد عن النشويات و الكربوهيدرات و الدهون وقالت لها اهم شي الرياضة وخصوصاً رياضة المشي وبعد ما طلعنا من المستشفى مريت معاها السوق و اشترت لها فواكه و خضروات و عصاير و ألبان خالية الدسم ورجعنا البيت حينها قررت انها من هذي اللحظة ما تآكل اي شي فيه دهون و تبتعد عن الرزوالمعكرونات نهائياً وقعدت معاها و اخذت دفتر و رسمت جدول لمدة 3 شهور طول ما زوجها مسافر وكل يوم يعدي تحط صح وتمارس الرياضة كل يوم طبعاً هي عندها جهاز المشي مال زوجها و كتبت برنامج غذائي لها وهو كالتالي : وجبة الفطور كوب شاي بالحليب – قطعتين بسكويت و احياناً لبن و تمر . وبعدها مشي لمدة نص ساعة بالجهاز – وجبة الغذاء برتقاله واحدة – شوربة بالخضار – و بعدها نفس الشي مشي لمد ساعة بالجهاز وجبة العشاء لبنة قليلة الدسم وخبز اسمر – وعصير طبيعي أي نوع من الأنواع – وبين الوجبات بعد ما تخلص رياضة بالجهاز تاكل لها تفاحة او اي شي من الخضروات و الفواكه وكانت تشرب ماي بكثرة .. بعد اسبوعين حسيت ان بشرتها صارت صاااافية وحلوة هذا لأنه من الفواكه ترى الفواكه تخلي البشرة صافية و صحية ومرة من المرات ضعفت إرادتها و قامت تصيح قلت لها شفيك قالت لي جوعانه موب قادرة المسكينة قطعت قلبي بس قلت لها هذا حلمك مو انتي تحلمين بجسم رشيق تفاجأين به زوجك لما يوصل قالت لي اي بس مو قادرة اتحمل قلت لها تدرين بسوي لك شوربة و سويت لها شوربة بالخضار و لما شربتها قالت لي اشوى منعتيني وما اكلت جان الحين حسيت بالذنب ونفسيتي تعبت وقامت و كتبت في الدفتر 1- بصبر و بتحمل لما اكون رشقة
2- بخلي زوجي ينهبل فيني وبفاجأه وما بخليه يطالع غيري
3- بحس بالراحة و الثقة بالنفس وبفوشر بخصري و بلبس كل اللي يعجبني من فساتين و جينزات
قريت اللي قاعدة تكتبه و أنا اضحك اقول لها شقاعدة تكتبين قالت لي هذي الورقة بقعد اقراها لما تضعف إرادتي و أجي بآكل ، هذ الورقة بتعطيني الأرادة و العزيمة و القوة والله حسيتها مجنونة خخخ وقلت لها انزين المهم تمت على هالحال شهرين والله العظيم شهرين وما تآكل شي و كلما تضعف إرادتها تقعد تصيح و تقرأ اللي كتبته وما حسست زوجها بشي طبعاً زوجها كان يكلمها في التلفون كل يوم و في الماسنجر بس ما قالت له حتى يقول لها قومي تعشي تقول له اوكي و لما ترجع يقول لها شنو عشاكم ؟ تقول له أكلت بيتزا و معكرونة ووو طبعاً هذا كان عشاي خخخخ و في هالشهرين حسيتها نحفت واااااااااايد صارت باقي شوي و تصير مثل جسمي وكرشتها اختفت استانست وااايد و طارت من الفرحة بس ما كانت تقيس وزنها هي مقررة انها ما تقيس الا قبل ما يرجع زوجها بيومين ، وقبل بيومين على عودة زوجها من كندا لبست فستان لي وهذا الفستان ضيق علي شوي تخيلوووو لبسته و انصك السّحاب بسهوووولة بطلت عيوني انقهرررت خخخخخ اقول شلوون جذي وامي و خالاتي كلهم تفاجأوووو …
بعدين رحت معاها الصالون وصبغت شعرها بني وتحنت كانت تبي تغير اللوك عشان يتفاجأ زوجها وبعد ما صبغت و خلصنا مرينا محل بالسوق يبيعون موازين وقالت له ابغي أوزن وزنت و الصدمـــــــــــــــــــــــــة الكبرى
كان وزنها 80 كليووو صااااااااااااار 55 كيلو
حسيتها بيغمى عليها ما شفتها الا حاضنتني و تصيح خخخخخ وراعي المحل يطالع ما يدري شسالفة و طلعنا بسررعة و أنا ميته من الضحك و الوناسة حتى قالت لي انتي سوقي السيارة موب قادرة اسوي شي يعني خلاص أنا صرت رشيقة ؟؟؟؟؟؟؟؟ هني مت من الضحك وبعدها بيوم و هاليوم هذا اللي بيرجع فيه زوجها من السفر لبست فستان احمر قصير ضيييق وعملت لشعرها استشوار وحطت لها حمرة أحمر و بلشر ولبست ذهبها وحطت لها ذاك العطر اللي ريحته تهبل وخلت اخوي يروح يجيبه من المطار وفعلاً راح اخوي المطار و استقبله هناك و جابه البيت اتفقت مع اخوي ان اول ما يوصل قبل خمس دقايق يسوي لها رنة عشان توقف صوب الباب و قبل لا يوصلون سوى لها رنة ووقفت صوب الباب وحطت يدها على خصرها أنا لما شفتها حاطه يدها على خصرها مت من الضحك قامت وفلت عليي علبة الكلينكس وقالت لي براويك صبري وشوي الأ زوجها مبطل الباب وقام يطالعها والله العظيم ما عرفها قام يطالعها 5 دقائق من الصدمة وهي حاطه يدها على خصرها فجأة قال لها شسويتي بروحك ؟ خاف انها مسوية عملية شطف او شي قامت تضحك قالت له شفيك مو مسوية شي قال لها فلانة لا تجننيني قولي شسويتي بروحك والله قلبي يرجف من الخوف قالت له ما سويت شي بس من رحت لما رجعت ما اكلت شي هههههه قال لها يا فلانة شصاير ؟ شسالفة خوفتيني حبيبتي لا تقولين لي فيك شي والله بموت قالت له بسم الله عليك عسى يومي قبل يومك الصراحة انا سويت رجيم 3 شهور ورحت لأخصائية تغذية وعطتني قائمة اطعمة و سويت لي برنامج عشان افاجئك حبيبي هني ارتاح و قال لها الحمد لله تعالي بحضني وحشتيني وألخ ….
وتقول ان زوجها مرتااااح واايد ومستانس بجسمها وتحس بثقة وخفة وصار كل شي تلبسه حلو عليها ..
وبعد كم شهر صار عندنا زواج و تعدلت لبست فستان ابيض مخصر وشنطة سهرة سودة ورفعت شعرها وكانت تمشي و تتبختر وااااااااي صارت تهبل والكل بطل عيوووونه قولووووو ما شاااااااء الله

الله يحفظها من كل عين

أنا بجد بستغرب

عارفة حبيبتي مسألة الوزن هاي مسألة نسبية

يعني أنا في قبيلة بيحبو البنت اللي وزنها زايد

الله يحميكم يا رب

وبعدين هي زوجها غاب 3 شهور انا كيف اطلعه اسبوع بس من البيت !!؟؟ صعبه