تجمع للامهات اللي يتعاملون مع اطفالهم بالضرب
مساء الخير اخواتي 
حبيت ابدا بهالموضوع بسبب كثرة ماقريت من امهات يضربون اولادهم بسبب او بدون ضرب مبرح اوخفيف
انا وحده من الامهات عندي ولد الله يحفظه مجنني عمره 3 سنوات ونص عنيد وحركي ومزعج ولازم يعصبني لحد مااضربه موضرب مبرح قرص خفيف وقرصت اذن بس والله والله يااخواتي اليوم اللي اضربه فيه وهو ضربي عادي مااقدر انام واظل ابكي طوال الليل واناظره وهو نايم احس بندم واحس بضعفه لما اضربه بس ماصرت امسك نفسي اذا خرب شي
فياليت نكون يد وحده ونتعاون مانضرب اطفالنا وكل وحده عندها طرق مفيده ومجربتها تفيد مع الاطفال تعلمنا وتفيدنا ياليت تتفاعلون مع مشاركتي وكل مره ندخل ونقول لبعض كيف اليوم ضربتي اطفالك ولا لا ونتعاون مع بعض ايش رايكم يا اخوات
اتمنى تفاعلكم معاي انا ان شاء الله من اليوم ماامد يدي على ولدي مين تنضم لي
اختكم 
ام عزوووز
حبيتي ام عزوز انا مثلك بنتي عمرها 3سنوات ومجننتي وتضرب اخوها بس ما اعرف كيف الحل
سكني قلب زوجي والله كنك تتكلمين عن حالي مع ولدي الله يصلحه
انا واجد عصبية واقل حركة من بنتي تنرفزني واضربها و عقب يعورني قلبي عليها امبي اوقف عن ضربها احس روحي تعودت على ضربها 🙁
اهلين اختي الله يعينك ويعيننا والله لما نضربهم نحزن عليهم انا عندي بنت عمرها سنه واربعة اشهر بس مزعجه صياحه وعنيده احيان تعصب بيا اباها تسكت ماتسكت اضربها تزيد تعبتني ولو طنشتها ماتسكت بالساعات والله تعبت معاها
تكفون اللي تلقى حل تقولي …
تكفون اللي تلقى حل تقولي …
اختي الرحالة الصغيرة بنتك بعدها صغيرة على الضرب انا قبل عمر السنتين ما اضربهم لانهم ما يفهمون احنا ليش ضربناهم حاولي تكونين هادئة معاها في تعاملك معاها و العبي معاها صدقيني راح تهدا انا ولدي تقريبا بنفس عمر بنتك 1 و خمسة شهور و نفس الحال دائما يبكي و يخرب بس احاول اكون هادئة معاه
اسمعي يا اختي انا زيك اذا غلط واحد منهم اعصب واصرخ عليهم بس احاول قد مااقدر اني ما امد ايدي عليهم
في البداية نسأل الله عز وجل أن يبارك لنا في أبنانا ويجعلهم قرة أعين لا تنقطع.. جميل منك هذا الاهتمام والحرص على الابناء..أنصح كل اخواتي بعدم ضرب الاولاد لان الضرب لا يزيدهم الا عناد وعصيان والراجح ان كل أم عصبيه متوتره يكتسبون اولادها منها العصبيه وكل أم هادئه يكتسب اولادها منها هدا الهدوء..فاولادنا مرأة لنا تعكس كل طباعنا.. هناك قاعدة تربوية عظيمة في كلمات قصيره عن تربية الأبناء والبنات تُعتبر جامعه وشامله ومُختصرة يقول أحد السلف :
" لاعبوا أبناءكم سبعاً ، وعلّموهم سبعاً ، وصاحبوهم سبعاً "
ولكن مني كل التقدير..
" لاعبوا أبناءكم سبعاً ، وعلّموهم سبعاً ، وصاحبوهم سبعاً "
ولكن مني كل التقدير..