تصرفات زميلتي الغريبه ؟ 2024.

زميلتي بالعمل كنت اعتقد انها تحبني حب اخوي وانها انسانه رومانسيه وتحب هالامور
تعرفون البنات الي يحبون هاي الحركات ببراءه يعني تكون ناعمه وتساعد الناس وتبين لهم حبهم هاذي كانت فكرتي عنها هي حابه تكون صديقتي المقربه بس مو من النوع الي على مزاجي البنت تجي تبوسني على خدي القاها مسويه لي فطور وحاطته على المكتب وما تخليني انزل اجيب الغدا تحلف هي الي تجيبه لي و بعض الاحيان ما تاخذ حقه والقاها حاطه لي ورد على المكتب و اكثر مره اشوفها تنظف مكاني في المكتب وبعض الاحيان تطلب مني تشتغل بدالي طبعا ارفض تعزمني اروح معها كوفي مطعم برى مكان الشغل بعد ارفض و ما اقبل منها كل شي و الا احب هالاشياء اوكيه مره مرتين لو انها صديقتي ماشي بس يعني اعتبرها زميلة عمل لا اكثر وتسوي معي حركات انا اشوفها عاديه انها انسانه تحاول تكسب صداقتي احاول يابنات احاول اني اخليها مقربه مني ما اقدر شو السبب ما ادري كنت قاعده لحالي اسجل النتائج الي ظهرت بعد ما خلصنا شغل حسيت فيه شي فوقي التفت لقيتها زميلتي قلت لها في شي محتاجه شي قالت لا بس كان فيه شي على راسك وشلته لما راحت من المكان جتني السكرتيره وقالت ابي اكلمك بموضوع ولازم اقولك اياه لانها زودتها قلت شو في قالت معقوله انت ما انتبهتي على فلانه ترى مو اول مره تسوي هالحركه قلت لها اي حركه قالت كانت تشمك وكانت تشمك بطريقه مو زينه وانتبهت لها وشفتها من قبل يمكن لانك انت تكوني مشغوله بالشغل الي قدامك ما تحسي ان طاح منك شي تاخذه وتحتفظ فيه و تقعد تتأمل فيك بالساعات وانت تشتغلين وسرحانه فيك و من اول يوم اشتغلتي هنا وهي تحاول تعرف عنك كل شي انتبهي منها شكلها بويه (شاذه)
قلت ليش ما قلت مني قبل وش الي خلاك ساكته طول هالمده قالت لاني كنت انصحها وكنت اقولها ترها بنت مستقيمه ما عندها هالحركات بس هي كنت ترد علي احبها وماعلي منك واليوم يوم شفتها سوت الحركه ما تحملت قلت لازم اقولك والي يصير يصير انتهبي منها ولا تأمني لها و زين انك كنت ترفضي عزايمها برى الشغل شكل مالها امان