طبعا ناس هتستغرب … الحمام ليه اتيكيت كمان؟؟
كلنا فاكرين الاتيكيت ده للمطاعم ….للفنادق… للزيارات…. الرسمية
انا شايفة ان كلمة اتيكيت معناها الاصول والقواعد اللى بيحكمها الزوق العام
..صح؟
يعنى مفروض تكون فى كل حياتنا وتعاملتنا اليومية …مش بس ادام الناس الغرباء !
احب اقولكم يا فتوكاتى فى الاول ان الموضوع ده مش منقول
ده اجتهاد شخصى متواضع منى
بس لقيته موضوع مهم جدا
كام مرة دخلتى حمام فى مكان عام … او فى بيت حد تانى … وكنتى مش مرتاحة انك تستخدميه؟؟
فيه ناس مايفرقش معاها الموضوع ده للاسف لانها ما تعودتش او ما اتعلمتش من صغرها ازاى تستخدمه بشكل نظيف…
مهم نعلم اولادنا اسلوب التعامل مع الحمام عشان يبقى اسلوبهم طول عمرهم وكمان هيريحنا احنا من تنضيفه كل شوية
والاهم لما يتجوز ان مراته هتدعيلك لو كان ولد
فاهمين طبعا ان الرجالة اقل اهتماما بالامور دى
وده اللى بيغيظ الستات ويطلع روحهم
مش كل الرجالة عشان ماحدش يزعل … اوكى!
خلاصة اللى هاقوله … انك تعلمى ابنك انه لما يخرج مالحمام … يبقى كانه مادخلوش
…..هههه …..فهمتوا حاجة
مش بيقوله دخول الحمام مش زى خرووووجه ؟ ….. ده بالنسبة للشخص اللى دخل
لكن بالنسبة للحمام …. لاااااااااااااااااااازم يكون العكس تماما
مافيش حد مننا مش بينبسط وقلبه ينشرح لما ندخل حمام فى غرفة خاصة بالفندق مثلا
لانه باستمرار نضيف …. صابون جديد … كانه مش مستعمل قبل كده … معاااايا؟
طيب ندخل فى الموضوع
1- علمى ابنك لما يستعمل التواليت … لازم لازم لازم يشد السيفون
حتى لو مجرد بول … سامحونى من التكرار …لان ناس كتير بتعتقد ان السيفون للحاجة التانية بس!
2- مهم جدا يتاكد ان قاعدة التواليت نظيفة تماما بعد ما استخدمها ولو حتى لقى عليها بقايا ماء من التشطيف العادى
لازم يمسحها كويس بمناديل التواليت ويرميها بالباسكيت اللى فى الحمام
واخيرا ينزل غطاء التواليت
3- خلاص خلصنا التواليت … هيغسل ايده فى الحوض
بعد مايخلص … لازم يشطف الصابونة …!!
مايسيبش عليها رغاوى … لازم تبقى نضيفة وفلة
لو كان بيغسل ايده بقى من اى شئ تانى زى بعد الاكل مثلا او تراب او ماشابه
يبقى لازم يشطف ايده بالماااء اولا قبل ما يمسك الصابونة
والله بتبقى حاجة مقرفة جدا .. لما تمسكى صابونة مفروض تنضفى بيها ايدك … تلاقيها هى مش نضيفة
عليها بواقى اكل وقذارة …. ولا شعر مثلا ….. يييييييععععع
واااضح !
4-بعد ما يغسل ايده نعلمه يشطف الحوض … مجرد انه يملى شوية ميه فى ايده ويدلقها عالحوض لوفيه بواقى رغاوى او معجون اسنان أو …
بليز ماحدش يقرف من اللى هاقوله
فيه ناس ساعات بتستنشق مثلا او بتتمضمض … مش هاقدر افسر اكتر من كده
وبتنسى تشطف الحوض …. يييييعععع بردو ….
وماينساش يشطف ايد الحنفية لو جه عليها صابون او يغسلها بالصابونة اذا كان مسكها وايده مش نضيفة او فيها زفارة
5- بالنسبة للاستحمام … نفس الشئ بعد الانتهاء نتاكد ان زجاجة الشامبو نظيفة بدون رغاوى او شعر
وكذلك الليفة … والصابون لمن يستخدمه … مع شطف ايضا للبانيو والحائط اذا لزم الامر من اى رغوة … او …او
6-كل شئ لازم يرجع فى مكانه زى ترتيب ربة البيت
7- اخر حاجة … لابد من تنشيف ارضية الحمام … ماينفعش يكون عليها نقطة ميا
وده دور ربة البيت توفر اداة سهلة مناسبة للطفل … وللكبير بردوووو هههههه
خلاص … يارب ماكنش نسيت حاجة وارحب باى اضافة
لا استنووووا ….
احب اضيف …هههه
لا ننسى نعلم اولادنا اذكار دخول الحمام طبعا
كل فرد له ادواته الشخصية … زى ليف الاستحمام وفرش الاسنان طبعاوالفوطة
طبعا ستات البيوت … مهمتها تنظيف الحمام دائما بالشكل اللائق وترتيبه
وامداده بالمناديل الخاصة وادوات النظافة المطلوبة والمعطرات
موضوع رآئع عزيزتي
وخفيف
ربي يسعد أيآمـــــــــك 00
موضوع مهم جدا
وصحيح كل ما قلتيه
واختيار العنوان جذاب ههههههه
تسلم ايديك
حتى لو كنا نعرف الاشياء هذي بننساها وان شاء الله بس تكبر بنتي اعلمها النظافه والترتيب ان شاء الله ويسلمو يدينك عن كل نصيحه قلتيها