السلام عليكم و رحمة الله و بركاته ..
أولا ً
اذكـــروا الله
ثانيا ً
صلوا على محمــد
عليه الصلاة و السلام
.
.
.
بنات أنا شعري حاسه الفترة اللي طافت حالة مو طبيعية من الجفااااف
و صار ناشف بقوووة و يتعقد بسهولة و اللون اللي كان يفتح النفس من الحنا
انقلب بسبب الإهمال إلى لون رمادي ، يجيب الغاااامت ..
المهم أهلي ذبحوني كل من شافني قال شفيييه شعرج جذي !!
و قاموا أختي و بنت خالتي يتطنزون عليه
و يقولون اصبغيه خلاص راح اللون الحلو ومن هالكلام ..
قمت من القهر
وقلت لااا مستحيل أوصل لهالمرحلة و بعد أصبغه لا لا !!!
المهم ذاك اليوم قاعدة بريحاتي بالبيت ،
ما رحت لجمعة أهلي و السبب هالشوشة
عاد دخلت المطبخ جوعااااانه
و مااا لقيت أكل أبشركم هههههههههههه
يوم جيت أطلع وتطنّ براسي فكررررة
قمت حطيت كل ٍ مما يلي :
زيت زيتون الكمية اللي تكفي طول شعري
عصير نصف ليمون
ملعقتين كبار عسل
>> ما كان عندي طبيعي حطيت العادي اللي من السوبر ماركت
و خلطت المكونات وحطيتها على شوشتي الأمورة
ولفيته عادي بالشباصه بس ما غطيته بنايلون و لا شي
و نمـــــــــت وطبعاً يوم صحيت اخترعت من شعري
كان ياااابس من الخلطة تقولون خشبه مو شعر !
المهم تحممت و يوم مشطت شعري حسيته استصح شوي
و لا فيه تعقيدات و لا شي الحمدلله
و خليته ينشف بروحه بدون سشوار
و الله بنات ماشاءالله تبارك الرحمن
اللمعـــه صارت خياااااال، و معاها نعومه وخفّت تموجات شعري والتعقيدات بححح ، واللون الرمادي افتكيت منه..
طبعا العسل فايدته للكثافة ، يعني لازم استمر عليها مره اسبوعيا ً عشان أشوف فايدة العسل بالتكثيف ..
الزبدة :
اللي تبي نعومه + لمعه + التخلص من اللون الباهت
تجرب هالخلطة و تدعي لي
و نتيجتها تبين من أول استعمال بإذن الله
منقوله لعيونكم يالغوالى
ننتظر جديدك المميز