السلام عليكم ورحمة الله وبركاته
انا جيه هنا ومني مسجله بالمنتدى بس ان شاءالله قريب اسجل
حبيباتي الله يسعدكم احتاج استشارتكم مره ضروري
حتى لو ماقدرتو تحلولي المشكله ع الاقل فسرولي اش اللي فيني بالضبط
لاني وربي تعبت وابغى حل لحتى افتك من التفكير هذا اللي قاتلني
اول شي انا عندي تبلد بالمشاعر والأحاسيس
وربي ما ادري اشك انو اللي فيا اكتئاب ولا اش مدري استغفر الله , نفسي ارجع زي اول
وربي كنت غيير مره مره
كنت مره حبوبه ودايما مبسوطه وبسمتي تخرج من قلب واححب اساعد الناس واببداا ماجرح احد
كننت استغرب اصلا من اللي يطاوعهم قلبهم ويجرحو بدون ضمير ومدري كيف ينامو
لحد ماجاا هذا اليوم , كان عندي زميله اتعرفت عليها اولى متوسط شفقه عليها لأني لاحظت انها دايما وحيده قلت بصادقها وتم الحمدلله , المشكله انو البنت دي اتعلقت فيا بشكل مو طبيعي وميييته فيا يابنات والله مدري ليش , المشكله مامر اي موقف بيننا يخليها تطيح فيا كذا ..
من ربي حبتني ومن ربي كرهتها من اللصقه الزايده فيا , واكتم فقلبي وكنت اسكت , وسارت تسحبني من صديقاتي تباني اقعد معاها ,اقلها تعالي معانا انتي احلى نكون جمعه سوا , وياليتني ماناديتها جات وتمشكلت مع 2 من صحباتي ورفع اصوات وحاله , واكتم فقلبي وكننت اسكت , حاولت ابينلها اني ما اباها واني قرفانه ومضايقه منها بس سبحان الله اكتشفت انو في ناس ماتفهم لو اش مابينتيلها , كم مره ابغاها تنجرح وتزعل ولا اصالحها واسيبها بس حححبها ليا مايخليها , بسم الله وانا مدري الحب جا من فين
المهم اني تحملتهاا 3 سنيين بكبرها وانا ادعس ع قلبي عشان مابدي اجرحها وفنفس الوقت كاارهتها ابغاها تروح ولا عاد ترجع استغفر الله ياربي .
وفي السنه الرابعه اللي هيا اولى ثانوي نقلت من مدرستي قلت الحمدلله افتكيت الا صارت تتصل ع جوالي ككل يوم , قلت مافي مشكله دام ماتسحبني من صديقاتي ولا تنشبلي , الا وانا اكلمها صاررت تفتن بيني وبين صديقاتي اللي اعرفهم من الابتدائي , تقول انهم يقولو فيكي كذا وكذا انتبهي منهم , واكتم فقلبي وكنت اسكت , كانت في بنت كنت معجبه فيها وقتها , وكانت صديقة زميلتي هذي , فحبيت اسأل كيف شخصيتها لان مابيني وبين صديقتها دي الا السلام , قالتلي شخصيتها ف البدايه وبعدين قالت ترااها حقت اولاد واول كنت اكلمها عنك وقالت انها ماتحبك (كلام مايدخل العقل ياعالم ) مشيتها اقلها اما تقلي وورببي تقولي مدري كيف تحبي فلانه (انا) ومدري ايش , انا سكت ودعست ع قلبي ك العاده , لحد ماجاا يومم انفجررت فيها وطلعت كل بلاويها فوشها وسارت تتصل تبا تفهمني وانا مارد وربي يابنات احس قلبي عافها خلاص ومني قادره اتحمل رجعتها .
المهم اني ترركتها الحمدلله ربي فكني بس المشكله هناا يابنات , انا سرت كذا اجرح ومايهمني ع اساس اني افهم الصديقه عيوبها من البدايه حتى ما انفجر فيها ,
واللي كنت معجبه فيها سارتلي معاها مواقف وبكيت لما قلت بس وصاار فيني تبللد مو طبيعي .
المشكله اني سرت اعز صحباتها دحين , وتجبلي وتسويلي اشياء كنت اباها منها ايام ماكنت معجبه , بس دحين اعتبرها صديقه تكون معي طول الوقت يعني .
صحيح احبها لسى وتقدرو تقولو دا الشي الوحيد اللي احس فيه بس وربي ماا ادري مو بقلبي , احس انو خلاص معيزه احب مره ثانيه ولا ابغى اصلا .
دحين ماعدت اهتم زي اول , ف البدايه كنت اوقف جمبها ايام الاعجاب ودا اللي حببها فيني , كنت اساعدها برغبه وحب فيا من جد , بس دحين لا , والبنت طلعت مهي حقت شباب ولا شي الله يسامح الله كانت بتفتن بيننا .
دحين لما اوعد صديقاتي بشي اقول طيب وما اسووي , ليا سنتين مانفذت الا كم وعد استغفر الله
ولما وحده تتضايق احس انو مايهمني , ولما اضحك معاهم ورببي اتصنع ضحكتي , ماقد ضحكت من قلبي .
وكل وحده من صديقاتي اعاملها بشخصيه مختلفه , واللي كنت معجبه فيها اعاملها ببروود مو طبيعي , احس غصب عني تطلع شخصيتي قدامها , وهيا وربي تحزن احسها من جد حبتني بس بعد ايش .
سرت ما اعير كلام اهلي اي اهتمام , كللو احس ببرود ولا مبالاه , هل اللي فيا اكتئاب ؟؟
وسرت ما اصلي استغفر الله , لحد ماعرفت اني معيونه من صغري , وصارت تجيني كوابيس والجاثوم كثر معي بسبب تركي الصلاه .. وغرفتي بسم الله احس فيها شي من قبل ما اعرف عن العين وما انام فيها .
وتجيني امراض الله لا يوريكم , السنه اللي راحت (اولى ثانوي ) يمكن كملت بس 4 اسابيع للأخير من كل السنه . كل اسبوع اغيب من تعب بطني
وسرت ما ابكي ابدن , حتى جدي قريب مات وربي ماحسيت بحزن ولا نزلت مني دمعه , بس تجيني حالات وانا جالسه فغرفتي ولا مع اهلي فجأه ابكي بشهيق بسم الله .
وصرت آخد حبوب اكتئاب قبل ماروح المدرسه ومحد يدري من اهلي غير ماما الله يحفظها
بس ما احس سوت فيني شي
بنات .. هل اللي فيا صح اكتئاب؟
وكيف ارجع لطبيعتي اللي ابكي دم اني غيرتها ؟
وكيف ارجع اصلي وربي لو جا ع بالي اصلي يمكن صلاتين فاليوم بس يارب ارحمني برحمتك ..
وكيف اتصرف من الان وصاعدا تجاه الناس؟ وربي التجربه احسها مأثره فيا وبقوه لان كانت اول مره اجرح احد بحياتي ..
الله يخليكم نزلو موضوعي وربي محد حاسس بالألم النفسي اللي فيا غير ربي وحده , تخيلو لكم سنتين تحسو انكم ماتدرو انتو مين ! الله لا يوريكم احساسي بيوم
شوفي حبيبتي أكيد الموقف أثر عليج بس مو هذا السبب الرئيسي للتبلد اللي تحسينه ..الانسآآن يوم ينجرح كثيييير وأكثر من جرح وبنفس الوقت ومن اشخااص يحبهم ويعزهم ينصدم منهم يصير كذا /
يصير متبلد وما يهتم بشي ولا يشغل نفسه بالناس ويحس باحباااط وما يحس بالسعآآده حتى لو ضحك ويكون عادي عنده ومتوقع كل شي سيء ,,
أنآآآ حااسه فيج وكل شي تحسين فيه أناا مريت فيه وأكثثثر وللحين مأثر فيني من الدآآخل ..
بس قررت أتغير وأرجع مثل قبل وأحسن والحمدلله كنت وين وصرت وين بس لازم تحبين الحيآة وتحبين نفسج وتثقين بنفسج وتقرين قرآآن وتحافظين على صلاآآآآآآآآآآآآآآآتج ودايما تذكرين الله وتستغفرين تقربي لله ورآح تحصلين السعآدة واللذة بقرب الله دايمآآ أدعي ربج وخليه راضي عنج عشان هو يرضيج ويسعدج بدنيتج ,,
وبخصوص معجبة وما معجبة تتكلمي عاادي وفري ولا كأنه شي غللللللط !!!!
بلا اعجاب بلا مشمش بلا عوآآر رآآس أصلا حراام هالعلاقات ولو هي حقت اولاد ع الاقل احسن من حقت بنات لأنها على الفطره الذكر يعجب بالانثى والانثى بالذكر مو العكس !!!!!!!!
أتركيها نهاائيااً من تعلق قلبه بغير الله أذاقه الله مر التعلق به ولا تعلقي قلبج بغير ربك لا ولد ولا بنت كل هالعلاقات مامنها غير الهم والحرام وما بني على باطل فهو باطل تدري يوم نحب شخص ويجرحنا بقوة خلاص نصير كذا متبلدين تجاهه وهذا اللي تحسين به تجاهها لأنج مجروحه منها بداخلج ما راح الجرح وما نسيتي انها سببت لج ألم وبقولج عبآآره واايد أحبهاا :
" من علق قلبه بغير الله عذبه الله به "
حبيبتي غيري تفكيرج وأبني ذاتج من جديد,غيري نظرتج للحيآة والناس وشوفيها بنظرة تفاؤل وطموح وحب وأتركي الأمور اللي عارفه من داخلج انها غلط ومع ذلك تسوينها / حبي الله ورسوله وأرضي ربج وأخيراً قال تعالى :
(( ومن اعرض عن ذكري فان له معيشة ضنكا )) ………. وهنا ينتهي الكلآم
مع ودي