السلام عليكم
لوسمحتو قبل كم اسبوع جاني اتصال وظيفه
ورحت سويت مقابله
داومت يمكن 4 ايام وماعجبني الوضع
المهم كلمت المدير وطلبت منه يلغي العقد ووافق وانتهينا
بعد فترة صار يرسل لي رسائل
بانه معجب ومن هالكلام
ارد عليه لكن متضايقه من موضوع الرسائل
فحبيت احط اهلي بالصوره
قلت له ماراح اكلمك .. الين تجي تكلم اهلي فموضوعنا وتتعرف عليهم
وقال لي موافق يعني انتي تبغينا نستمر مع بعض قلت ايه قال موافق متى تبغين اجي واكلمهم قلت متى مافضيت قال حاضر مستعد اسوي كل شي
واانا شاريك ومن هالحكي
مر يوم ماسأل
ارسلت له متى تفضى عشان ارسل لك رقم ابوي رد علي مساء النور وبس
كررت السؤال متى فاضي ؟ سكت مدة طويله بعدين قال
قال متى ماتبين وسكت !
المهم بنفس اللحظه اتصلت عليه على اساس اكلمه بخصوص الشغل واوراقي وبنفس الوقت اعطيه رقم ابوي يتفق معه مارد علي
بعد 10 دقايق
لقيته متصل على الواتس
عصبت
قلت له كان ممكن تكون صريح وجاد معي وتقول لي منت حاب تتم الامور
ماتوقعت انك لعاب وبلك رقمي ومن هالكلام
رد
ليش هالكلام ؟
قلت له لاانك لعبت بأعصابي
رد الله يسامحك !
وكملت انا كلامي انو ليه تخليني اكلم امي واني مو راميه نفسي عليك وووو
وسكت هو
طبعا هالكلام قبل امس
ولليوم ماكلمني ولقيته اخفى ظهوره بالواتس اب بس مابلكني زي ماطلبت
ولسه ماني عارفه هل كنت متسرعه انا اللي غلطت واستعجلت يمكن يكون مشغول بحكم انه مدير وكذا
واذا انا اللي غلطانه وماعذرته ولا اعطيته فرصه
كيف ارجعه بطريقه ماتجرح كبريائي وتحسسه اني ابيه
ساعدوني ماانكر اني انجذبت له
بس هو بارد
وانا حاره
ابيه يسامح بس من غير ماارمي نفسي
| واذا انا اللي غلطانه وماعذرته ولا اعطيته فرصه كيف ارجعه بطريقه ماتجرح كبريائي وتحسسه اني ابيه |
لاحول ولاقوه الا بالله العلي العظيم
الي جذبك له الشيطان مو انتي
قلتيها وسوسه ومن وين تجي من الجيران!
وبعدين يابنتي
ليش راميه نفسك على الرجال وواضح يلعب عليك
وانتي للحين تطاردين وراه
تبين منه شي!
محتاجه له!
بتموتين بدونه!
لا اوراق ولايحزنون الا هذه خطوات الشيطان جالسه تلعبين على نفسك
اجل يقولك معجب حركات اول متوسط
انا اقولك اشري كرامتك ورضى ربك اولا واخيرا ماتجوز العلاقه
وضحتي من البدايه ووضح لك انه مايبيك وجالس يستهبل اجل مساء النور هع قمة الاستهتار
وانتي ترا جالسه تطاردينه ياختي وش هالعلاقه الصاروخيه ماشاء الله
وعلاقه غير جائزه الرزق من الله والنصيب من الله
لو بيجيك بيدل ببابك كما كتبه الله من دون رقم ابوك اصلا
وياختي يمكن متزوج الله يخليك ابعدي عن دعوات المظلومين والله تهلك
تدعي عليك الزوجه وانتي نائمه بالحلام الورديه 
ابعدي عنه والتفتي لرضا ربك علشان ربي يبارك في حياتك
واي شي مكتوب والرزق ماراح نموت الا واكلناه كله
ترجعين كرامتك انك تتركينه والمسامحه تسامحين نفسك عن هالشي وتبعدينه عنك
الله يرزقكك الزوج الطيب الصالح
هاذي علاقه غيرر شرعيه والشيطان وسوس لك وهو يقولك متى ماتبين ليه! انتي بتخطبينه ولاهو جاي يخطب هو من كلامه قاااعد يلعب
او حاب يشوف اذا انك تكلمينه ولا لا
الله يهديك كيف تحطين رقمه بجوالك مين هو من محارمك !!
انسيه والله ي نصيب يجيك سبحان الله
خليه وربي لو نعم كان دق باب بيتكم وكيف معجب هو
شافك !
يعرفك !
يعرف انتي بنت من او انتي تعرفين هو ولدد من !
طنشيه ولو كلمك او قالك انه يحبك وبيموت خلاص لاتكلمينه خلي عنده كرامه
بتوفيق
دعواتك لي
الله يكتب لك الخير امييييين
انتي شفتي حبل وتمسكتي فيه
معجب فيك خلال 4 اياام!!!!!!!!!
صدقيني هو مو مشغول بس يبغى علاقه
وهو موصادق
علاقه وحب خلال 4ايام
ومتى مداه يعجب فيك