بنات مابطول وبدخل فالموضوع..
انا متزوجة صارلي سنتين تقريبا..
والله رزقني بولد من سبع شهور..ومن يومها كل شي تغير فحياتي..
اولا..علاقتي فزوجي تدهورت..صرت اخاف من العلاقة بسبب الالم.. وهو صبر وسايرني كثير على امل اني اتغير بس للاسف تعقدت والله حاولت وماقدرت ضغطت عنفسي بس فالاخر كنت اتعب واخرب كل شي واضايقه معاي..احس بالم فضيع ما اقدر اتحمله….وزوجي صابر لليوم بس ترا الموضوع زاد عن حده ..زوجي واعرفه مايتحمل..بس مابيدي والله تعبت…
ثانيا..انا متزوجة بطريقة تقليدية..يعني شخص ما اعرفه من قبل ولاحتى اهلي يعرفو..ساكن فمنطقة بعيدة تبعد اكثر من 5 ساعات بالسيارة.. طبعا سالو عنه وماسمعنا غير الخير..المشكلة: كنت ساكنة مع زوجي بعيد عن اهلي وعن اهله بس بعد ماربيت رجعت بيت اهله لان الشقة الي كنا مستاجرينها ماكانت تنفع للعيش بوجود طفل بسبب موقعها..المهم رجعت لبيت اهله بس ماقدرت اتاقلم معاهم لان عاداتهم غير وحياتهم غير وحتى اكلهم غير..عمتي طيبة ومتعلقة فابني كثير واحيانا احس انها تحاول تسرق ابني مني واحس بالغيرة بس هالشعور تاقلمت معه وصار عادي.. وما ادري ليش خواته ما ارتحتلهن؟؟
يعتقدن اني غبية وما عندي شخصية والسبب اني بطبعي ما احب المشاكل فاجامل على حساب نفسي واكتم فداخلي كثير..مثال: انسرق ذهبي من غرفتي ومو مرة وحدة..كل مرة كان يختفي شي والغريب انه الذهب كان فصندوق مقفول برقم سري والرقم ذكرته مرة قدام خواته..رغم هالشي ما تنازعت ولاسويت مشاكل ولا اتهمت حد عشان ما اجرحه والسرقات توالت لحد ما اختفى الذهب كله
احس بضيق وما قادرة اتحمل حياتهم وتعبت من المجامل..شو اسوي؟؟
ثالثا ..قبل ولادتي كنت اخاف اترك اي فرض وكنت اصلي واقري قران بس بعد الولادة ما اعرف شو صارلي صار عادي عندي ما اصلي ولا ركعة رغم خوفي وقت الاذان واذكر نفسي انه وقت الصلاة واخاف اموت وانا ما اصلي بس ما اعرف احس انه ضميري مات وما اعرف شو السبب؟؟ حاولت اخوف نفسي بمحاضرات وكتب بس مانفع والحمدالله صارلي فترة مواضبة بس مو مثل قبل.. بنات والله محتاجة لدعائكم ..الله يهديني
فمن رأي الشخصي الحل الوحيد انك تقنعي زوجك بالإستقلال في بيتكم لوحدكم حتى لو غرفة ومطبخ وحمام اسمه بيتك لوحدك
اما حكاية انك بتتألمي من العلاقه طالما انك حاولتي وضغطي على نفسك وماقدرتي طيب ليش ما تروحي للدكتوره وتحكيها الوضع مافيها شي بالعكس يمكن سبحان الله يكون عندها الحل الي يريحك ويبسط زوجك لأنه ياعزيزتي زوجك لو صبر عليك فتره ما حيقدر يصبر اكثر فحاولي تستعجلي في روحتك للدكتوره.
واخيرآ يارب يسعدك ويسهل عليك امرك
ودمتي
يعني من سكوتك كانك راضيه بالي صار
وبالنسبه لبعد ولادتك … هذا يسمونه ( اكتئاب بعد الولاده )
بعض الحريم يتطور معاهم الى حاله نفسيه ،،، وبعضهم يسيطرون عليه وترجع حياتهم طبيعيه ~
اسال الله ان يسعد قلبك ويوفقك في الدنيا والاخره ،،،
لازم يكون عندك منبه و تطلبي من زوجك يساعدك في الصلاة و القرآن
اذا بدك ممكن يكون عندك مسجل و عندك ختمات لشيوخ تحبي صوتهم
وان شاء الله اكون افتدك