تكفون خدامتي بكت على سفر زوجي ارجو التفاعل . -تم الرد 2024.

السلام عليكم ورحمه الله وبركاته اخواتي اليوم جيت وحابه افضفض لاخواتي في هذا المنتدى الرائع بلمتكم اخواتي انا زوجي سافر خارج المملكه لدوله عربيه (……)مااحب اذكر اسمها المهم هو يقول عنده دوره مدتها 14 يوم من عمله انا صدقته المهم هو اول مره يسويها احس انه مهتم ووفر لي انا وعيالي اغراض البيت وطلعنا ومشانا المهم جاء اليوم يبي يروح الساعه 12 ظهر انا قمت جهزت له الفطور والقهوه واحنا جالسين انا وعيالي هو لابس وكاشخ بلبدله وانا بموت قهر قلت له خلاص.. لااوصيك باالصلاه وانتبه من الاماكن المخله بلادب وانتبه من الحرام ترى بيني وبينك عهد امام الله …هو سمع هل كلمه يابنات والله قام من على الفطور زعلان وقام يسب ويشتم ويقول انتي قليله ادب ماتختارين الوقت المناسب المهم زعل واخذ شنطته وسلم على العيال وسافر وانا يوم شفته راح انقهرت انا ماني جدار قمت اتصلت عليه وقلت له الله لايسامحك ولايوفقك وسكرت في وجهه المصيبه يابنات والله العظيم الي زاد قهري عندي شغاله مسويه انها ماتفهم حاجه ودايما تحاول تتظاهر انها دينه ومحترمه المهم انا سكرت من هنا واخش المطبخ والاقيها تمسح دموعها وتحاول تخفيهم عني طبعا على فراق زوجي والله العظيم ان الدنيا سودت في عيني وقمت ارسلت بنتي قلت تاكدي منها هل فعلا كانت تبكي عشان مااظلمها والله العظيم يابنات اسودت الدنيا في نظري وصرت ماني عارفه حاجه المصيبه لما اقله سفرها احس يتحجج بحجج واهيه
هي لها معايه سنتين وجدد اقامتها سنه وش تشورون عليه يابنات انا محتاره اذا اتصل كيف ارد عليه مع العلم اني قفلت جوالي وتلفون البيت علشان ماابي اسمع صوته صحيح انا غلطت يمكن في اختيار الالفاظ والوقت لاكن يعلم الله اني ترددت اقولها له الى اخر لحضه وقلت احرجه على الفطور لعل وعسى يتذكر كلامي ويبعد عن الامور الي انتو تعرفونها يااخواتي تكفون شورو عليه فيه وفي هل بلوى الي حزنت على فراقه ….اسفه اطلت لاكن اعذروني.

المواجهة والكلام اللي دار بينك وزوجك اثناء الفطور حبيبتي المفروض ماتحكيه بالطريقة هذي وخاصة انه وقت سفرة المفروض تقولي كلمة حللوة اكسبيه خليه يوحشك اكثر خليكي غاليه ويفكر بكلامك وهو رايح يسافر اكيد الرجال ماراح ينسى اللي قلتيه سافر زعلان وقفلتي كل شيئ الله يهديكي بس كدا انتي خسرتيه بدل تكسبيه وحرام عليكي (ايما امرآة ماتت وزوجها راضي عنها دخلت الجنه )
اختي اسرعي واعتذري له عن كلامك ولا تكرريها ولا تخربي بيتك بيدك ….الله يستر عليكي ؟تحياتي

الله يطمن قلبك ويهدي لك زوجك

المشاركة الأصلية كتبت بواسطة تمارا السلام عليكم ورحمة الله وبركاته عزيزتي محبه نبيها اولاً اذهبي وافتحي جوالك وتلفون البيت ولا تجعلي الشيطان يدخل بينكم ويهدم حياتك من شيء لا يستحق ,, اذا تحدث معك تحدثي معه وكأن شيئاً لم يكن بمعنى خلي امورك عاديه جدا ولا تذكر الموضوع السابق له ,, لما يا أختي الدنيا اسودت في عينك شيء اكيد اي انسان يودعنا نشعر بالحزن على وداعه ,, وخاصه وهي معكم سنتين اي اصبحت كــ واحدة منكم ,, عزيزتي ابعدي الوساوس ولا تهدمي حياتك بشيء وهمي نسأل الله ان يرجعلك زوجك بالسلامه وترجع المياه الى مجاريها الله يهديك ويهدينا جميعاً تحيتـــــــــــــــي ,,, ……………………………………..

مشكوره حبيبتي على هذا الكلام الي ياريتنى سمعته بعد ماصارت المشكله ويعلم الله اني ماقلت هذا الكلام الا اني عارفه زوجي فهو مقصر في الصلاه وانسان سهل ان يستولي عليه الشيطان والصاحب ساحب يااختي وانا مااعرف اصحابه لاكن من كلامه انه مره مستهتر عشان كذا انا طلعت مني هل كلمات مع اني لم اعرف انها سوفى تغضبه بهذه الصوره والخدامه يااختي والله ان الاندنوسيه لاتامنينها ويعلم الله اني انصدمت واحس انها تغيرت بعد مامشى لاكن على قولتك اختي احسن الظن ومشكوره ياالغاليه الله يسعدك دنيا واخره .

المشاركة الأصلية كتبت بواسطة فيفي روز اختي اسمعي كلام اختي تمارا الله يسعدها المواجهة والكلام اللي دار بينك وزوجك اثناء الفطور حبيبتي المفروض ماتحكيه بالطريقة هذي وخاصة انه وقت سفرة المفروض تقولي كلمة حللوة اكسبيه خليه يوحشك اكثر خليكي غاليه ويفكر بكلامك وهو رايح يسافر اكيد الرجال ماراح ينسى اللي قلتيه سافر زعلان وقفلتي كل شيئ الله يهديكي بس كدا انتي خسرتيه بدل تكسبيه وحرام عليكي (ايما امرآة ماتت وزوجها راضي عنها دخلت الجنه ) اختي اسرعي واعتذري له عن كلامك ولا تكرريها ولا تخربي بيتك بيدك ….الله يستر عليكي ؟تحياتي

هلا اختي واشكرك من قلبي وانا طبعي حار مره وانا مادري كيف طلع الكلام مني لاكن والله يااختي ان الرجال ماعليهم امان وانا زعلت منه
لاني ابغاه يحس بغربه وطن وغربه مشاعر لانه لم يقبل كلامي بدافع
الغيره والنصح له من زوجته المحبه ولاكنه اخذه من جانب كرامه
والله يهدي من ظل واشكر تفاعلك حبيبتي .

المشاركة الأصلية كتبت بواسطة همس الحزن هلا فيك اختي : محبة نبيها اختي قومي وسمي باالرحمآن وتعوذي من ابليس وصلي ركعتين ولا تخلين الشيطان يضحك عليك وأفتحي جوالك عادي وأرسلي لزوجك رساله غراميه وانسي كل اللي كان وشوفي اذا خادمتك طول فترة اللي جلست عندكم ماشفتي منها لفه يمين ولفه شمال…. لاتظنين فيها ظن السوء يمكن حزينه عليكم علشان اتهاوشتو مع بعض يمكن فيها حاجه…. والله احنا لونتعوذ من ابليس على طول كان احنا بخير الله يطمن قلبك ويهدي لك زوجك

مااحلا كلامك اختي الحبيبه ويعلم الله اني لااطيق ان اسمع صوته تخيلي اسبوع كامل وانا معاه نحضر لسفره وماحاولت افسد عليه هاذي السفره وفجئه لما احب اني اقول الي عندي قبل سفره يعصب ويثور ويجي بجنبي ويتجاهلني ويسافر والله العظيم انها تقهر مره وكمان الي زاد الطين بلله هل الشغاله وهي اصلا ماتدري وش صار بيننا صراحه الحياه صعبه واصعب مافيها انك تتحملي جفاوه شخص تحاولي ان تسعديه وعندما يبدر منك زله في كلام او غيره يتجاهلك وكئنك لاتعنين له شئ
اشكرك حبيبتي الله يسعد قلبك واتمنى ان تدعين لي بظهر الغيب ان الله يستر عليه ويفرج همي وظيقتي انا ام عبدالعزيز .