السلام عليكم ورحمة الله وبركاته
شحالكن بنات؟؟انشالله كلكن بخير
آآه والله اشتقت وايد حق هذا المنتدى الغالي
بنات تذكرون قصتي مع حبيبي اللي كنت طارحتنها من شهر تقريبا,,الكثير من بنات المنتدى شارك معاي و نصحوني والحمد لله اني سمعت نصيحتهن و حاولت اتبع كل اللي نصحني فيه
بنات انا بعد ماطرحت موضوعي في المنتدى و لقيت حد ساعدني ووقف معاي حاولت اني اتخلص من هذا الشاب اللي انا حبيته من كل قلبي
و خنت زوجي بس عشان نفسي ,,بصراحه كنت انانيه مادري شو صارلي ,,والله بنات ماحد فيكن بيحس بشعوري يوم كنت مع هذا الشاب والله العظيم كنت انسانه ثانيه,,انسانه واحد يحبها,,يفكر فيها ,,يخاف عليه,,يسأل عنها,,يشجعها على كل شي صالح,,
بنات كان واايد يحبنيه,,انا حيوانه مادري ليش سويت جيه في الريال احس كنت غداره و خاينه ,,عيشته في حلم ,,خليته يتخيل وحده ثانيه مش معرسه و ماعندها اي مسؤوليه ,,والله حرام جرحت مشاعره,,
بنات تدرون تعبت نفسيا من اللي انا اسويه حق هذا الشاب ,,حسيت حرام اخدعه وايد عشان جيه قررت اتركه بدون ماحد يكشفني
تدرون كيف تركته؟؟
الجواب:بعد ماقريت ردود بنات المنتدى و حسيت في امل اني اتخلص من هذا الحب المستحيل قررت اني اخفف من المراسلات مع هذا الشاب و هو حس في شي صاير بس انا قلت له انا لازم اخفف من المراسلات لانه أخواني صاروا يشكوا في الموضوع (لاني انا واااااااايد مع التلفون ما أخلي حد يمسكه) و مرت الايام و خفت المراسلات و الالم في القلب يزيد
وفجأه طرشت له مسج بعد صلاة المغرب ع تاريخ 28/1/2017كتبت فيه حبيبي خبر عاجل (باجر ملجتيه)و هو في هذي اللحظه انصدم لكن تعامل معاي بعقلانيه و نصحني و قالي الله يوفقج و انشالله يكون زوجج احسن مني و يابخت اللي بيتزوجج ,,وانا في هذا الوقت كنت اصيح 
و كتبلي مسج يصيح (في ذمتي انك على القلب غالي..في ذمتي انك مميز عن الناس..في ذمتي انك صدوق و مثالي ..وان الوفا والطيب لك منهج وساس..إنت الوحيد اللي عطيتك مجالي..تامر وتنهي بالمشاعر والاحساس..مجنون فيك عقلي وفكري وبالي..حبك دمي بين روحي و الانفاس..انت حبيبي يالغلا و راس مالي ..وانا معاك انسان صادق وحساس..أرجوك ثم ارجوك اول و تالي ..خل الوصل مابيننا له ذوق واحساس) آآآآآآآآآآآه كتبلي آخر مسج هذا و السموحه إذا اخطيت معاج
وخلاص انقطعت العلاقه وياه,,خلاص رديت مثل قبل تلفوني اي حد يشله ,,قلبي لين اليوم يفكر فيه وكله احس بحزن في صدريه ,,والله بنات اني وااااايد اشتقت له واحس هو بعد اشتاق لي,,بنات والله انه انسان ماحد مثله ,,شخص والله اتمنى زوجي يكون مثله وادري انه مستحيل..
تدرون ريلي مستحيل يتغير او يحس فيني لو شو اسوي,,بنات ارجوكن لاتقولن انتي مقصره في ريلج ,,لا و الف لا وربي الشاهد ,,كل شي حلو اسويه له لكن قلبه صخر قاسي ما ضنه يلين ,,بنات والله بيتي وايد نظيف وانا من النوع النظيف اللي يحب الترتيب والنظام ,,قلبي وايد طيب ,,انا انسانه وايد محبوبه عند اهلي و صديقاتي ,,الكل يذكرني بالخير,,بنات احاول اسوي كل شي حلو مع زوجي بس هو مايعطيني اي فرصه ,,كله يأجل إذا كان في خاطري اروح معاه فندق او مطعم او مول ,,هو رجل اناني مش قد المسؤوليه,,والله العظيم اني اعاني وايد معاه ,,
انا خلاص قررت اسوي اللي عليه من ناحية اني زوجته و ام بنته
و بحاول قد ما أقدر اني انشغل عنه و لا افكر وااااايد فيه لانه مثل الصبخه لو ارشها ماي من اليوم لين باجر ماتروى,,وبوكل كل اموري ع ربي
انشالله ماكون طولت عليكم
مع السلامه
والله اتمنى أختي ملآآآآآآآآآآآآك تجوف موضوعي و ترد علي لاني وعدتها اني اكمل قصتي
لانك كنت راحا تدمري بيتك وبنتك وانت مشي حاسة
عوضي الفراغ العاطفي اللي راكي حاسة بيه باشياء مفيدة ليك ولبنتك
والله يا اختي كتار النسا والبنات اللي يتمنو نص او ربع راجل واو طفل صغير يملا حياتهم انت ربي سبحانو
اعطاك نعم ونتي مكيش حاسة بيها
ربي معاك
ادا كان زوجك صخر مثل ما تقولي اكيد فيه اشياء ثانية كويسة فيه والا ما كنتي تقدري تعيشي معاه
ادن ركزي على الاشياء الكويسة فيه ولا تقولي ليش انا زوجي هيك صخر
فيه بعض الرجال ما يبين حبه لزوجته يعني عيشي حاتك وانت سعيدة وحامدة الله بالرجل والبنوتة الي رزقها الك الله
يعني شوفي نفسك هل انت صح 100 بال100 شوفي شو عملتي كارثة خنت زوجك وتوبي عسى الله يغفرلك يعني لو زوجك كان خانك مع بنت ايش تقولي تقولي يا ريته كان صخر ولا كان خائن
استغفري الله لا يوجد في الكون انسان كامل الا الله
وادكري محاسن زوجك
الرجل بطبيعته مآيعبر عن مشاعره دآئما ويمكن لايستطيع التعبير عن مشاعره !
كوني متفاعله مع احواله وابتسمي دائما بوجهه اقيمي واجاباتك كزوجه ومستحيل راح يظل على طول كذا
لازم يجي يوم ويحس ان اهو مقصر / غلطان وراح ينتبه لهالشي
اولآ :
انتي عندك سلآح نآجح فلمآذآ لاتستغليه بنتك كم عمرهآ اولآ
اذا كانت صغيره بالسن يعني 3 سنين او 4 ..
فأجعليهآ تطلب منه ان تقومون بنزهه وبدون لاتشعرينه انك انتي دازه له البنت
واكيد زوجك فيه الكثير من الصفات الحسنه تغاضي عن سلبياته وفكري بايجابياته
وفي بعض الاحيان ناقشيه بأمور العمل ابتعدي عن الحزن والكآبه حسسيه انك متفآئله وفرحآنه
وسعيده معآه او يمكن مثلا انتي تعرفين وقت رجوعه اعملي نفسك وكأنك مشغوله واكتبي كل مايضايقك وسوي نفسك انك نسيتي الاوراق او الدفتر الي تكتبين فيه اكتبي اشياء مضايقتج وتكون تخصه وسوي نفسك نسيتي وروحي لاي مكان بالبيت ويمكن راح يشوف ويقرى يممكن هالشي راح يخليه يفكر شوي
لان بنت عمتي سوت نفس هاذي الحركه .. ودائما حاولي استخدام الطراء لتكسبي ود الرجل مثلا تمدحي افكاره
فكري ماذا يحب ماذا يضايقه ماذا يزعجه .. وبهذا سوف تستطيعين تغييره واطلبي رأيه في مورك ليشعر ان رأيه مهم وسيدرك انك تحترمين وجهة نظره
ومثلا انتظريه لين مايرجع البيت قولي له كنت خايفه عليك عشان يحس بأهتمامك له وقابليه دائما بأبتسامه مثلا اشتري له هديه واعطيه اياها حاولي مستحيل ماراح يحس لاتيأسي حتى لو كان ( صبااار كله شوك الصبار داخله ماء لازم تشيلين الشوك وجربي شيلي الشوك بسرعه ومره واحده مااراح تجنين الا الالم اما بالحب والحنيه والصبر كل شي يصير حتى لو طولتي تشيلين الشوك راح يجي وقت تلاقينه هو يشيل معاك )
لو كان برع المنزل دزي له رساله على جواله مثلا كتبي له وحشتني او البيت مايسوى بدونك )
وبأذن الله رآآح يحس فيك
الله يوفقك معاه يارب
تقبلي مروري
هدا تشبيه كتير مليح من الاخت ملاك حاولي كما قلن الاخوات مرة واتنين مع هدا الزوج وحتى ادا استمر فانت استنري والكلام الحلو العاطفي لكنت تقوليه عبر المسج لدلك الشخص قوليه لحلالك
حتى ياتيك الفرج ولا تنسي تستغفري ربي كل ليلة وكل دقيقة وتتقربي له في صلاتك واحسن الدعاء عند السجود لله
ولا تندمي ابدا انك تركتي دلك الشخص لانها علاقة والله ثم والله حرام حتى لو قاسيتي مع زوجك فلازم تصبري وتدوري على الحل دائما معه ولا ياس مع الحياة