السلام عليكم ورحمة الله وبركاته
كيفكم ان شالله بخير
انا صاحبة الموضوع ..> محتارة بزواجي تكفوون
أبــــــــــشركــــــــم
قبل اسبوع تمت الملكة والحمدلله ..بس بقولكم شي وصاحبات الخبرة واللي مروا بهالمواقف ينصحوني استحي اقول لخواتي ومالقيت غيركم لاني شفت تفاعلكم معي فالموضوع
واشكر كل خواتي اللي ردوا علي ودعولي الله يجزاكم الجنة ويفرح قلوبكم يارب
ويرزق كل وحده ماتتمناهـ..
انا بطبعي خجولة ومااحب حركات الرجال اللي خبركم وزوجي متهور بهالاشياء من اول يوم فالملكة لما دخل وتصورنا لاحظت ان عينه زايغه يناظر كل شي فيني بالتفصيل ويدقق بكل شي عيونه طويييييلة مرة وايده اطول من يومها لما جلس جنبي يمسك ايدي مرة وكتفي وظهري ويقز قزز
ولما جا يزورنا قبل يسافر حاول معي تعرفون حركات الرجال بوس وضم ومدري شنو والله انا منحرجة وانا اكتب بس ابي نصيحتكم.
هو زوجي وانا ماسويت شي حرام بس بنفس الوقت موحلوة فحقي استسلم ماابيه يقول خفيفه ذي ماصدقت كل مايقرب مني ابعد واحاول اخلي الباب مفتوح واجلس قدام الباب يقول تعالي جنبي اجلس جنبه كله يلعب فايدي وشعري ويتلمس جسمي مع اني البس لبس محتشم واحيان بشرشف الصلاه اقابله عشان مايتهور بس مايفهم اقوله لا مايصير يقول انتي زوجتي شرعا واذا مستحية من اهلك ناخذ لنا فندق…………انا هنا انصدمت قتله وش نسوي بالفندق صبرت كم شهر ماتقدر تصبر شهرين قال لا مودخله بس ابي شوية حنان قبل السفر .قتله عيب فحقي تقول كذا انت ماترضاها علي ولاعلى نفسك قال لا امزح ..
انا والله مو راضية باسلوبه بس موعارفه اتفاهم معه للحين ماعرفت طبعه .صح زوجي شرعا بس غلط اخذ راحتي معه قتله انا محسوبه على اهلي للحين ماطلعت من بيتهم وبرضو خايفه من العدوى تنتقلي..اخر مرة قبل يسافر طلب يضمني وجيت اركض بطلع برا الغرفه سكر الباب وشدني بقوة وقبلني بالغصب هوماشالله طول بعرض وجسمه راياضي وانا عصلى ماقدرت افك نفسي منه..خفت من العدوى وبنفس الوقت انحرجت تلخبطت ماعرفت اتصرف ..خااايفه ينتقلي المرض قتله لاتقرب مني لما اخلص تطعيماتي انا اخذت وحده وباقيلي 2 وبعدها لازم احلل عشان يتأكدوا من المناعه خايفه يكون انتقل من القبله لانه بسوائل الجسم ..يقول لامايعدي وانا بحثت فالنت وسألت دكتور قال لازم تخلصي 3 تطعيمات مدري هو مايدري صح والا يستهبل علي؟
برايكم يابنات كيف اتصرف معه ؟والله ماني عارفه وش اسوي قمت اهوجس خايفه اروح احلل وانصدم؟
للتذكير اللي ماعرفوا بموضوعي .. زوجي معه مرض الكبد الوبائي B هو يقول انه خامل والاطباء فديرته قالوله خامل وفتحاليل الزواج مايبين يعني انا ما ادري هو خامل والا نشط بس في كلا الحالتين يلزمني تطعيم وتأجيل للدخله وهو الله يهديه تلقف وقبلني كم مرة
وغير كذا احس في شي غامض لما اجلس اتفاهم معه على امور الزواج وكذا مرة يغير السالفه مرة ينكت مرة يقول اصبري اول اشوف البيت احيان احسه يتهرب ومايبي يتكلم فشي وارجع اتعوذ من ابليس .وفي تصرفات غريبة تصير منه انا مابي أبدأ حياتي بشك بس ابي نصيحه منكم يقولوا الي اكبر منك بيوم اعرف منك بسنة والخوات اللي مروا بهالشي لهم خبرة وانا محتاجه خبرتكم انصحوني لوجه الله والله يجزاكم عني كل خير ومابنساكم من الدعاء
طلبتكم يابنات ساعدوني الله يوفقكم
والله يختي باقي ماتزوجنآ ولا عندي خبره بهذي الاموووور
ان شآآء الله خواآتنآ المملكآت والمتزوجآآآآآآآآآآآت مايقصروون معآآك
ربي يكتب لك الي فيه الخير ويسعدكك خيتوووو انتي اتركيه كل الامور لسبحآنه وتأكدي مآبيصير الا يسر خاطرك والي بمصلحتكك
موووفقه
بارك الله لكما وبارك عليكما وجمع بينكما بخير
الف مليون مبروك
وعقبال الليله الكبيره بخير وسلام
ي حبيبتي
انا مادري وش عاداتكم
بس احنا عندنا الرجل يملك ويمشي ولا نشوفه الا بيوم الزواج
عاد انتي اذا هالحركات تضايقك
خلي احد يحضر الزياره عشان رجلك يحشمه
مثل امك او اخوك ولو احد صغير
والله يوفقكم ويجمعكم على خير
شي عادي انو تقربو من بعض ويكون في لمسات منشان تتعودو بس لانو نحنا مجتمع شرقي بنخاف انو الطرف الاخر ياخد فكرة غلط
بالنسبه للمرض تبعو هو بينتقل عن طريق العلاقه الجنسيه وادوات الاكل(الفم) يعني احتمال اصابتك بس ع قولك انك اخدتي وحده من التطعيمات مو ال 3 يعني روحي واعملي فحوصات وتاكدي ويا رب تكوني سليمه
والله اعلم
موفقهه
والله ماادري اذا انتقل المرض او لا بس ضروري التحليل
يااااااارب ماينتقل لك وياااااارب اتزوج
كل من وقع عينه ع ردي يدعيلي اتزوج
يدعي لجواهر بالزواااااااااج
وربي اتمنى اتزوج
ياارب يسهل امورك