لقيتك صدفة في العينين ولقيتني ليك حسيت حنين
جاييني ف زمن قاسي زي نور مضئ وسط الظلام
زي شمعدان دايب هيام زي طيف جميل غاشي المنام
إحساس عيون من دون كلام
زي شوق شديد برمي السهام وعتاب طفيف شايل ملام
أرمي السلام خلينا نروي اللوعة في الشوق والغرام
زي القمر وسط الزحام تلقاهو زي بدر التمام
زي الجرح بعد التئام زي بسمة الحب والوئام
نظرة عيون جوة المرام زي حب عنيف بعد الخصام
زي الخطاوي اللأمام لمحة أمل نص المرار حر الآلام
رقراق شمس بين الغمام وملاك بغرد للسلام
ووشاح جميل لون الغرام
أنا كنت ببكي مع الغمام جيت إنت غيرت القدر
أنا تاني ما بحزن حرام
أنا كنت ببكي مع المطر جيت إنت غيرت القدر
زي طيف رقيق وحلم جميل منديل حنان وقت الدموع
معطف أمان عز الشتا
نظرتك روت عطشي وبسمتك كانت لي دواي
معقول تكون حظي الرفيع؟ معقول تكون زايرني من حلم الربيع؟
معقول تكون زاير مقيم؟ معقول طبيبي تكون عيونك وبسمتك وسط الجروح؟
معقول حقيقي تجي وتبوح؟ معقولة عطر الحب يفوح؟
معقول؟ معقول تكون توأم الروح؟
قوليا ومتع إحساسي خلي العيون تحكي وتبوح
خلي الغرام يسري ويفوح
الله ! الله يا أنقي بسمة عبرت واختصرت كل الإحساس
روحك غير عن كل الناس سحر بس يخطف الأنفاس
يغشاني هسي شعور رقيق شعور يمكن يكون حساس
أرهف مشاعر ليكا وحدك في الفؤاد أسابق الشمس وأسابق الجياد
وأحلم وأعيييييش
أنا عايزة أعييييش….أنا عايزة أعيش كل الثواني بينات عينيك
والمتاهات في عينيك دي الحياة موجودة فيك
كل الدروب بتأدي ليك أنا عايزة أعيش منك وليك……
رهام خالد
شكرا لكي
وأخيرا عدتي لنا
يتوج بالنجوم
|
المشاركة الأصلية كتبت بواسطة حرق قلبي
 روووووووووعة ورمانسي
شكرا لكي |
يسلموووو أسعدني مرورك
|
المشاركة الأصلية كتبت بواسطة نهى وان
حلوه كثير يسلمو
|
ثانكس ع المرور اللطيف