انا جى جى طفلة جميلة وشقية …
كنت اعيش عيشة هنيـــــــــــــة …
مع الخروجات والفسح اليومية ..
كانت احلامى ورديـــــــــــــــــة …
لغاية ما دخلت الابتدائيـــــــــة ..
من هنا جات عقدى النفسية …
من يومها لم انعم بنومة هنية ..
يوميا اصحى من الفجريــــــــة ..
وماما تقولى جى جى عايزة نشاط وحيوية …
ياربى انا تلميذة ولا عسكرى فى الحربية …
وبسرعة البس ملابسى الرسمية ….
ملابس تجيب العقد النفسية ….
ليه ما نلبس بحريـــــــــة …
وبسررعة ماما تديلى السنوتشات والزمزمية …
وتبدا تحذيراتها اليومية ….
جى جى اوعى حد ياخد منك سندوتش او يشرب شربة مايه ..
عيب ياماما اللى هتقرب منى هديها ضربة قوية …..
وبسرعة احمل التهمة المدرسية …
قصدى الحقيبة المدرسية …
دى محتاجة حامل احمال بدنية …
ليه ما يعملوش كتب الكترونية …
ربنا يقوينى على ايامى اللى كانت مستخبية …
والمصيبة والبلية القوية …
فى الكلاس عندنا ميس كشرية …
دايما تدى اوامر عسكرية …
غير واجباتها المنزلية ….
دايما علينا مستعفيه …
والنهاردة صرخت صرخة قوية …
مين هيشترك فى الدروس الخصوصية …
الكل رفع ايده حقنا للدماء البشرية …
خوفا من ركلة او ضربة من ميس مستقوية …
ياربى هى ميس ولا اّكلة لحوم بشرية ….
كانت لى احلام وردية …..
اكون طبيبة او اعلامية …
دلوقتى اّخرى مريضة فى مستشفى الامراض النفسية …
بسبب مدرسة نكديـــــــــــــــــــــــــــــة ….
عذرا ياشباب الحريـــــــــــــــــــــــــــــــــــــــــــــ ــــــــة …
نسيتوا مطالب جى جى وزميلاتها بالابتدائية ….
تسقط المدرسة النكدية ….
تسقط الدروس الخصوصية ….
دى كانت حاجة بسيطة من مشاكلنا بالابتدائية …
كفاية عليكم منعا للعقد النفسيــــــــــــــــــــــــة ..
توقيـــــــــــــــــــــــــــــــــــــع
جى جى بالمدرسة الابتدائية 
يسلموا حبيبتي
وربي جي جي عسل ههههههههههههههه
مي آدم يعطيك مليون عافية على خاطرة جي جي المسكينة هههههههه بس عسولة صراحة دمها خفيف
أشكرك على هل الكلمات المبدعة منك …
تقبلي مرور أختك نور الدروب..
…….
لاتنسي نحن في انتظار الجديد منك
لكن الحقيقة هي أن الكبار هم الذين يجعلون الطفل البرئ يكره المدرسة ، بسوء التصرف معه
أو رداءة المناهج وأساليب التعليم وغيرها، أعانهم الله على التعليم حتى يكبروا ويتخرجوا بسلام.