انا انطوائيه بس مو شيء بشخصيتي ماكنت كذا وانا صغيره
لما دخلت فتره المراهقه صرت ما احب الناس وخصوصا اقاربي
لان امي مسحوره من وحده من اقاربها وهي الان متوفيه اللي اذت امي الله لا يسامحها
ولان كل واحد فيهم بين موقفه معاي …
يعني بمواقف بسيطه بنظره حتى بالتعامل تعرفين مين يكرهك ومين يحبك
باجتماعاتنا ما احب اتواجد فيها امي دايما تعصب من هالشيء وتقولي ليه ماتجين
ماتعبتي من جلسه البيت شمي هوا شوي
بالنسبه لي وناستي اعرف وين الاقيها واكيد مو عند اقاربي انا اغصب نفسي واتحمل
بالاعياد والمناسبات الكبيره اجي اقعد طول الوقت اعد الساعات متى اطلع
لما اكون عندهم محد يكلمني او يقعد معي يستصغروني نظرتهم لي دونيه
وانا اكون مو بطبيعتي يعني تصرفاتي من التوتر والنفسيه السيئه اللي احس فيها بوقت ما اكون عندهم لا اراديه
راح اذكر موقف من مواقف كثيره معهم
لما كنت بعمر المراهقه كنت على نفس الحاله اللي فيها الحين ويمكن الحين اكثر بشوي من قبل
كانوا بنات عمتي ينادوني اقعد معهم انا واختي الكبيره اروح عادي الاقي سوالفهم كلها حش
عن وحده مسكينه معنا بالعزيمه
وانا اكره هالاشياء استضعاف الناس والكلام عن مساؤهم والاستخفاف فيهم وبحركاتهم وكلامهم
قمت وتركت جلستي وقالوا لاختي " شفيها اختك الحمدالله والشكر ليش قامت "
وبرضو فيها استحقار لي مو بس من بنات عمتي بعد بنات خالي خوالي خالاتي
ويبين اذا من الاسلوب ونبره الصوت اذا الشخص يمزح وتمونين عليه او واحد حاقد ويبي بس يهينك قدام الناس
دايما اي شيء سيء يسمعونه عنا ينشرونه للعائله كلها وامي من النوع اللي تثق باخوانها كثير
تحكيلهم اسرارها وهم يقولونه لزوجاتهم وزوجاتهم يملكون حق النشر!!!
وللاسف عائله امي وابوي مرتبطه ببعض كثير خالي متزوج بنت عمي
يعني كأن الشر محوط فينا من كل جهه لا عند خوالي مرتاحين ولا عند اعمامي مرتاحين
يعني مافيهم واحد بس احس براحه لما اكون معه او احس بعفويه معه اغلبهم يحسسونك بالدونيه
كرهت زواج الاقارب لاني كرهت اقاربي وصدق من قال " الاقارب عقارب"
هذي صارت مقولتي بهالحياه * الشر محاوطنا من كل جهه *
الكلام ذا كله مو بصديقاتي احب صديقاتي اللي كانوا معي بالابتدائي تفرقنا لظروف الحياه واتواصل مع وحده منهم فقط
تاثرت بالبيئه اللي عشت فيها مع اقاربي كثير من ناحيه علاقاتي الاجتماعيه صرت اخاف من الناس واظن فيهم ظن السوء
اعاني من هالشيء كثير لان اغلب وقتي انا وحيده ومكتئبه وما اثق باحد ابي حلول تخفف علي على الاقل حاله التوتر اللي احس فيها لما اكون معهم
في تفاصيل اكثر بس ما ابي اطول
وصديقاتك الحين وينهم يعني مو صديقات الابتدائي لا ابي اللي الحين
وبالنسبه لعلاقة الأقارب عادي حبيبتي كلنا نعاني من هالشي
واحيي فيك والله طبعك وخوفك من الله من ناحية الحش والذم
وبعدين عليك بالرقية وقراءة القرآن
وحاولي تشغلين نفسك بالمنتديات اللي فيها خير
ودار تحفيظ القرآن مره ممتازه وانصح فيها كل احد جو ايماني رهيب وبنات فيهم الخير
والله يسعد قلبك ويفرحك
رفع