السلام عليكم
أنا ترددت كثير اني اكتب المشكله بس خلاص عجزت اتصرف تعبت ماني عارفة القاها من مين والا مين , ساعات اخاف اني اعترض على حكم ربي من كثر اللي يسير تغيرت كثير بهالفتره , مشاكل بيتنا ماتخلص محنا قادرين نعيش زي العالم والناس , ابوي عجزت افهمه خلا الكل يكرهه بتصرفاته معذب امي ومعذبنا معاهم , المشكله بدت من شهر تقريباً كنا بره البيت وطلب من امي بطاقتها وقالت له مو الحين بعدين فجأة قلب علينا كلنا لايهرجنا ولايرد علينا رجعنا البيت وخرج عند شلة الانس ومن اليوم الثاني رضا علينا الا امي محاربها , المشكلة ماني قادره استوعب ابوي الله مديه ليش حاشر عمره بفلوس امي مايخليها تتهنى بالقرش وان بغت تشتري ليها شي قعد يعيب بيه ويقول خلي فلوسك بالبنك احسن (عشان يسحب قد مايبغى) , ادخل غرفتهم القى دفتر الحساب اللي مايفارقه يحط ارقام بالهبل مانعرف على ايش انصرفت ويقول ادفعي , وان اعترضت قوم الدنيا وقعدها (نفس الشي حصل قبل سنين واتذكر كنت صغيره بس للحين اتذكر كيف ضربها ويوم راحت لأهلها اخوانه اللي رجعوها وهو رضى بالبطاقه) واللي مايساعد ان اهل ابوي يعاملونا اعداء بالذات جدتي وعماتي , يحاسبونا على كل شي يدخلون بيتنا ويفتحونه لمين مابغوا وذا كله لأن ابوي مدي الكلمه لامه .
ذا كله في كفه وانه مايجيب اكل للبيت الا بالقطاره وهو يايروح عند جدتي ياكل والا مدري فين حتى السواق موصيه مايجيب لنا شي ادق عليه يقول اذا قلي بابا اروح , واخوي بالابتدائي مايخليه ويقعد يكسر في مجاديفه عشانه ولد امه,
والله قرفنا طول يومه بره ياعند جدتي يا عند اصحابه ومايرجع البيت الا الفجر .هالشي مأثر مرره اخواتي بالذات متأثرين وسايرين يدعون عليه ويكرهونه .
اذا جدتي كانت بعيده واخواته ياناس كل شي يختلف , انا اعرفه يحبنا ومايحب احد يضايقنا بس ليش قاعدين يخربون حياتنا وليش هو يرضى بذا الشي , وكل شوي امي تجي تقول شوفي حل انا تعبت وتفكر تروح لبيت اهلها وهيا متأكده مابيسسون شي .
كلامي حايس والله من القهر حاسه نفسي بنفجر انا مشاكلي تهدني ومو ناقصه اللي يسير والله ..ومتعشمه فيكم اتمنى من جد تدوني حل جربت اكلم معاه مافاد بس يستهزئ بكلامي ابغى حل ثاني ابغاه يتغير ماابغى احد يتدخل في حياتنا
والله مو عارفه وش اقوول لكك
ربي يصصبرك ي قلبي
علـييك بالدعــآء المسستمر حبيبتــي
دعوآتي لكك
كنت متمنية افتح الموضوع القى حلول من عندكم .. دايم اتابع هالمنتدى وارد على المحتاجين مساعده
معقولة ليا يومين ومحد قال حل 🙁