انا طول اليوم ابكي من قهري ومن الظلم ومن سواء المعاملة الي شفتة من الدكتورة بعد ماسحبت مني الي تقدر علية من فلوس و لاكملت لي العلاج انا بقول الي صارلي للفائدة وعشان تنتبهو من كثير من الدكتورات الي يستغلون ضعفنا ..
انا جالسة اعالج للحمل وبديت بالابر المنشطة لي اكثر من اسبوع تقريبا عند الدكتورة هدى البيلي (حسبي الله عليها) بمستوصف الورود الطبي بالعلياء ..طبعا على طول خلتنا نسوي تحاليل بمبلغ مايقارب الفين وكنت اقولها بعض التحاليل انا قريب مسويتها تقول لازم عشان اتطمن وطبعا سويتها مع اني متاكدة ان الفائدة لها هي مب لي من هذي التحاليل
وتخيلو و انا بنصف العلاج ورحت اليوم وكنت جالسة بانتظار احتري دوري وطبعا انا حاجزة قبل المهم تاخر ت علي وبعدين دخلت وحدة المفروض اكون قبلها المهم انتظار وحوسة وحنا جايين من مكان بعيد ويوم دخلت سكت ماقلت شي قامت ناظرتني وعيونها كلها شر وتقولي فية اية مالك؟ قلت انا جالسة انتظر ودخلتي وحدة مكاني وقبل اكمل كلامي.. فجاه ترفع صوتها وتقول انا مش شغاله عندك وماتشخوطيش فيا وانا مش حراعي مشاعر كل مريضة اخر شي قالت يلة خذي ملفك مب مكملة العلاج روحي عند دكتورة ثانية ..طبعا انا مب كنت منصدمة ولا منذهلة لاحسيت اني بحلم قلت طيب ماصار شي خلينا نكمل بس اصرت على موقفها انا كل الي قدرت اسوية انهرت وجلست ابكي لين ورمت عيوني بعدين طلعت انا وزوجي من المستوصف وحنا مب مستوعبين الي صار والله جلست ابكي طول الطريق وحتى وانا بالبيت وهقتنا كيف بنكمل الحين كاني بفلم مصري وزي الي لبسوه تهمه وهو مايدري وش السالفة!! طيب كيف بكمل العلاج؟؟ ولازم اذا دكتورة جديدة لازم عندها خلفية عن حالتي من الالف الى الياء ..بعد ماسحبت منا الي تقدر علية بكل بساطة قالت مب مكملة ..بس حبيت انصحكم وانبهكم من هذي الدكتورة الظالمة الي ماتخاف الله وحسبي الله ونعم الوكيل عليها,,لهذي الدرجة همها الفلوس فوق صحة الناس حسبي الله ونعم الوكيل.
لاتنسوني بدعوة والله اني بحاله لايعلمها الا الله
ثانيا .. الله يخلف عليك ما خسرتي … وعادي حبيبتي خذي تحاليلك وروحي للطبيبة ثانية
ويمكن اللي حصل لك خيرة من رب العالمين
واذا تبغين دكتورة شاطرة وغير استغلالية في كثيررر
عندك نعيمة ابالخيل عيادتها مقابل اليومارشية
وفي انور جيهان هندية بس عيادتها يسيطة جدا وكثير عالجو عندها وحملو باذن الله
اذا كان سبب تاخر الحمل منك انتي مش من زوجك لان اذا كان من زوجك لازم تروحي مستشفي كبير مثل الحبيب وما شابة
الله يرزقك ويعوضك كل خير يارب
بس كان المفروض زوجك وقت المشكله راح لمدير المستوصف واشتكى على هذي الطبيبه
ترى كمان صاحب المستوصف ماعنده استعداد يخسر سمعة المستوصف علشان طبيبه مثل هذي
لأن مصلحته فوق الجميع ومع الاسف صارت بعض المستوصفات والمراكز معموله للتجاره فقط لا غير00
حسبي الله ونعم الوكيل
وانا متأكده ان مدير المستوصف كان راح ينصفكم مو من زود الاخلاق 00ولكن علشان سمعة مستوصفه
وبعدين تقدرين تسحبين ملفك كامل وتروحين تكملين عند اي طبيب آخر 00وتاخذين معاك كل وصفات الابر والادويه اللي اخذتيها من اول ما ابتديتي لغاية آخر ابره اخذتيها 00حتى مايصير في لخبطه بعلاجك وبعدين تأثر عليك لاسمح الله
وربي يرزقك ويرزقني ويرزق كل اخواتنا من واسع فضله آآآآآآآآآآمين يارب
الله يرزقك ويعوضك كل خير يارب
|
المشاركة الأصلية كتبت بواسطة hema3
 لا حول ولا قوة الا بالله
الله يرزقك ويعوضك كل خير يارب |
امين وجزكم خير جميعا
يمكن خير الك انك تركتيها والخيرة فيما اختاره الله
ولا تحزني وربنا يعوضك خير ويرزقك بالذرية الصالحة
ماحد دارس غيرها
لو انا مكانك كان رحت اشتكيت عليها او اقل شي كسرت العيادة فوق راسها
ما متربية ولا تحترم زبوناتها الي تاكل وتشرب من فلوسهم ما عليكي من خايسة زيها