السلام عليكم
انا فاتحه مشغل ومن فتحته ماخلتني البلديه اتهنى فيه مخالفه ورى مخالفه والي قهرني يوم كان زوجي يصلح الرخصه قاله موظف بالبلديه لاتخلي مشغلك بس تجميل وخياطه استثمر فيه وتاجر فيه عاد انا حطيت بضاعه وقعت ابيع فيه وتجي الموظفه حقتهم وتظف كل بضاعتي ماخلت غير العطور بحجة ان ماعليهم تواريخ والله ان فيه منتجات عليها تواريخ وتوها مانتهت وصادرتها وفيه عندي فرش مكياج مغسله ومعقمه جت شالتهم تقول تالفه وانا اصلا مشغلي جديد ياربي وش اسوي بهالمخالفات الي تراكمت علي وهذا من غير الاجار ومن غير الرواتب والفواتير والله يكرهون الواحد بمشروعه حسبي الله ونعم الوكيل اتمنى من الاداره عدم نقل الموضوع لان اغلب صاحبات المشاغل متواجدات هنا ابغاهم يعطوني حل وياواسوني او اي شي << وربي اني مقهوره
ياخوات ياصحبات المشاغل انتم تعانون مثلي والا بس انا والله ماخلوني اتهنى بشروعي ولا والحين تجديد الاقامه لازم ادفع 3800لكل عامله يااااااربي وربي قهههههر
اسفه على الاطاله بس وربي منقهره
خلونا نكون يد وحده ومانسكت على هالشي اكلونا
لاكن ممكن تشتكينهم حلووه لاتسكتي عنهم
انا ابي نكون يد وحده وان شاءالله تجيب نتيجه
الوحده تتكلم معاك كانك سارقه بيتهم ولا تطرينها مافيه احترام ولا اسلوب تعامل شكلهم فاهمين وظيفتهم غلط تجيك الوحده نافشه ريشه وخاصه مفتشات البلدية اللي بالنسيم لو يعطونهم دورات تعليميه في فن التعامل والاسلوب,,. تعاملت مع مفتشات النسيم ومع مفتشات السويدي والعليا صراحه مافيه مثل اسلوب مفتشات السويدي جداً رائعات راقيات في تعاملهم واسلوبهم واحترامهم يشكرون ع تعاملهم ونفس الشي مفتشات العليا راقيات الا مفتشات النسيم صراحه لااسلوب ولا احترام ,,
نصيحه لكل مفتشة اتقو دعوة المظلوم وظيفتك مو تسلط واذيه وقطع ارزاق