السلام عليكم ورحمة الله وبركاته
ماعرف اقول مقدمات غير انكم
خواتي وماعندي غير الله ثم انتوا تشورون علي بالراي وطبعا انا عضوه يديده عليكم
وفي بداية حياتي الزوجيه وماعندي خبره
المشكله اني عروس ما صارلي شهرين وملاحظه زوجي من اول اسبوع زواج ماله خلق يجابلني
وجنه مغصوب علي لا ضحكه ولا سالفه
وكان على طول يطلع لمى يشوفني نايمه
الوضع هذا ماطول لأني ناقشته بالموضوع وقلت له انت مو مجبور علي اذا ماتبيني طلقني وقال اوعدج اني راح
اتغير وفعلا غير من نفسه وقام يجابلني
واهو كريم حيل ورومانسي الحمدالله بس مشكلته مايحب يقعد معاي بالبيت
السالفه وين ــ امس كنت ابيت اهلي واهو كان يحن علي نامي عندهم كل يمعه وانا رفضت
فلما خذاني وردينا البيت قال ابي اسويلج فيمتو طبعا انا استغربت لأنه بحياته ماشال عود من الارض اشمعنى
اليوم طرى عليه يسوي لي
المهم عطاني الفيمتو وشربته وحسيت بطعمه مر مر مر بدرجه فضيعه قلت ويع انته حاطلي شي بالفيمتو
قال لا والله بس ماعرفت اضبطه اول مره اسويه وتوتر حيل قال يبي القلاص ابي اغسله واستغربت بعد شنو طاري
عليه يغسل
المهم بعدها حضني بدون ما يفصخ اهدومه كأنه كان متأكد انه ماراح يعاشرني ويبيني بس انام عشان ينحاش
وفعلا ماصارلي نص ساعه الا وانا
دايخه ودزيته وقلتله بنام وسويت نفسي نايمه بس كنت بوعيي وافهم كل شي اهوا على طول قام لبس دشداشته
وطلع من الشقه يركض جنه ملحوق . ورد البيت ع الساعه 5 الفير وقعدت الصبح قلتله ابي بيت اهلي وانا حاليا
نايمه عندهم
الحين اللي بعرفه ليش نومني ؟ وليش طلع يركض وين راح بالضبط ؟ ليش مايستأّن ويقول انا بطلع جان خليته
وابي كلام يوقفه عند حده ؟وتقولون لي رايكم فيه عدل .؟
اسفه ع الاطاله والجرأه بالطرح بس انتوا خواتي واتمنى رد يريحني او دعوه منكم ان الله يسخره لي
اجلسي واتخذي موقف صارم معاه
غريبة صراحة
اجلسي معاه وواجهيهه لاتسكتي حبيبتي بعدين تجوز له الحركه ويتمادى .
لازم تتفاهمين معه لا تسكتين على إلي صار
موضوعك ذكرني بسالفه قالتها لي صديقتي عن عروس تحط لزوجها
منوم في كوبه الشاهي كم مره في الاسبوع
عشان ما يطلع يسهر مع أصدقائه تبغاه معها في البيت تنام جنبه
يحط منوم ؟؟؟؟!!!!!!
ناوي على ايش….شوفي
اذا شخصيته كذا وخواف ﻻ زم توقفينه عند حده من عطاه هالمنوم
هل هو رجل ثقة بمعنى انه قادر على تحمل المسؤوليه بصراحه موقفه معك ما يقول كذا
هل هو كبير سن او صغير اتوقع من كلامك لساته صغير.
بلغي واحد من اخوانك عاقل فاهم او احد تثقين فيه بالتصرف يراقبه يشوف وش وراه .
ان كان خوف منك يعدل شخصيته ذي الضعيفه وان كان وراه والعياذ بالله مصيبه تكوني في الصورة من البدايه
ﻻزم توقفيه عند حده هل هو طبيب يعرف الاعراض الجانبيه للادوية يعرضك ويعرض جنينه لو قدر لكم للهلاك وﻻ يأبهلذلك ارى ان ﻻ تسكتين ولكن بحكمه ورويه والله يسعدكم.
|
المشاركة الأصلية كتبت بواسطة ra22_sh
 ﻻ ﻻ ﻻ معلييييييش
يحط منوم ؟؟؟؟!!!!!! ناوي على ايش….شوفي اذا شخصيته كذا وخواف ﻻ زم توقفينه عند حده من عطاه هالمنوم هل هو رجل ثقة بمعنى انه قادر على تحمل المسؤوليه بصراحه موقفه معك ما يقول كذا هل هو كبير سن او صغير اتوقع من كلامك لساته صغير. بلغي واحد من اخوانك عاقل فاهم او احد تثقين فيه بالتصرف يراقبه يشوف وش وراه . ان كان خوف منك يعدل شخصيته ذي الضعيفه وان كان وراه والعياذ بالله مصيبه تكوني في الصورة من البدايه ﻻزم توقفيه عند حده هل هو طبيب يعرف الاعراض الجانبيه للادوية يعرضك ويعرض جنينه لو قدر لكم للهلاك وﻻ يأبهلذلك ارى ان ﻻ تسكتين ولكن بحكمه ورويه والله يسعدكم. |
