حكايتي مع الكرانيش
حد فكر قبل كده الكرانيش – غير انها ديكور – ايه فايدتها
كنت بتكلم مع المهندس الي بيعملي شقتي و بقولو مش لازم كرانيش محدش بيبص في السقف لما يخش البيت
فضل يضحك و يقولي أولا هي ديكور للبيت
ثانيا و ده الأهم مفيش سقف و حيطه في مصر متظبطين دايما تلاقي حته اعلي من حته
لو معندكمش كرانيش في البيت تقدروا تتأكدوا بنفسكوا
الكرانيش بقي بتخفي العيب ده في السقف
مهما عملت الكرانيش هي الحل الوحيد للمشكله ده بعد ما لفيت مع المهندس هقولكو الي وصلتلو
أنواع الكرانيش في السوق المصري
1- أول حاجه الجبس البلدي
وده عيوبه كتير بيصفر و بيسوس غير انه تقيل قوي و تفاصيله مبتبقاش واضحه قوي والي بيشتغل فيه بيقعد كتير لحد ميخلص الشقه وبعديها لازم استني ينشف يعني عشان الكرانيش هستني في حدود 3 أسابيع – بيبقي عشره عمر – ده غير انه واحد مش مضمون هوه مين
2- الكرانيش الفوم
عالجت موضوع الاصفرار و التسويس بس ظهرت عيوب التنميل و الفواصل ده غير انها مواد بتروليه لو – لاقدر الله – حصل ماس جنبها بتولع وكمان سعرها غالي
3- الجبس الماليزي
و ده بقي اللي بنصح بيه عشان التفاصيل واضحه جدا و سعرها معقول و حلت المشاكل الي فاتت في الجبس البلدي و الفوم
أعمل كرانيش من فين ؟؟
لو عايز جبس بلدي دوول موجودين في كل مكان
عايز فوم في شركات كتير قوي ( فيوتك – بيوتك – وأي حاجه اخرها تك d:
لو عايز بقي ماليزي في شركه بيــتكم حاجتها تحفه و تقدر تنزل الكتالوج بتاعهم
يمنع وضع روابط تشير الى مدونة أو مواقع اخرى
…..
