السلام عليـكم ..
شحالكم حــريم ..!!
والله ما اعرف كـيف ابدي ومن وين .. بس بحياتي ما شفت بني آدمي يـفكر جذي ..
بنات اليوم حسيت اني اول مره انقهر .. امول مره اتمنى اني اسوي جريمه قتل ..
اول مره احسـ بها الاحسـاس مع ان الموضوع ابد ما يخصـني ..
بس تعبت نفسـيا من المشـاكل اللي اسمع عنها ..
من اربيعاتي قريباتي ناس ماعرفهم يشتكولي ,,
انا طبعي جذي من صغري احب استمع للناس واقدم النصـيحه
من ايام المدرسه ,, وبالجامعه وكبرت وحتى الان في الدوام
سواء من صديقاتي او خواتي او اقاربي او ناس ماعرفهم
بس دايما يلجأون لي ,,
يمكن في كل مره غيـر بس هالمره انا مصــدووووووووومه ,,
مندهــشه .. مصعوووقه ,, احســـ بقهر ,,
بقولكم الموقف ,, لاني من سمعت كل السالفه
احسـ ان جسمي كـله انشـل ,, وعقلي مول ما عاد فيه يفكر ,,
اسمعوا القــصه للآخر ,, وعطوني حل ,, او راايي ..!!
انا وعدتها اني ما اتخلى عنها واساعدها ,,
رغم اني ما اعرفها الا معرفه سطحيـه
يتني عن طريق صديـقه لي لا اكثر ولا اقل ,,
السـالفه :
طبعا الكل عارف ان اليوم العيـد ,, وربشه وفرحه وزحمـه ,,
كنت قاعده مع اهلي .. وتقريبا يت الساعه 12 حسيت اني ابي ارقد
لاني كنت مواصـله من امسـ ,, بالمطبخ و و و
بعد ما صليت الظهر .. يت ابا احط راسي ,, ياني تلفون
الرقم غريــب ,, قلت طاااف ,,
تكرر الاتصال 2 و3 و4 والخامسـه قلت اكيد حد يعرفني
يوم يت ابا ارد ما لحق وسكر ,,
رديت ابا انام الا يوصـلني مسـج ,, فلانـــه ……….. بليز ردي عليه
انا محتاجتنج واايـــــــــــــــد ,,
رديت اتصـلت .. ابي اسمع الصوت مو قادره ,, لان البنت كانت تصـيح
شو السالفه ,, وانا مسـتغربه ,, رقم غريب ويذكر اسمي واتصل واسمع صوت صياح
طار النوم من عيـني ,, حاولت اهدي البنت
الا تقول لي دخيـلج تعالي عندي ,,
انزين كيـف اييي وانتي منو انا مااعرفج خبريـني ,,
قالت لي بتعرفيـن كل شيء عقب ما اتين عندي
ولا تحاتين انا من طرف فلانه ( ……….) تقصد صديقتي ,,
الموهم خذت عنوانها ورحت لها ,,
البنت كانت غرقانه من الصياح ومب عارفه شو تسوي
هديـتها ,, وحاولت افهم منها السالفه ,,
كل اللي كانت تقوله لي ساعديني ساعديني ,,
قلت لها كيـف اساعدج وانا مااعرف شيء عنج ,,
سالفتها كانت طــويـله ,,,وبختصار بقولكم ,,
البنت كانت متعرفه على شـاب ,, وهالشاب بين لها اول ايامه انه ملاك..
وعقب فتره بسيطه خطبها من اهلها لما سالوا عنه الكل مدح فيه اخلاق ودين و و و
البنت وكلت امرها لربهـا .. في البدايه الاهل كانوا رافضين انها تكلم خطيبها
وبعد ما قرب موعد المـلجه قالت لها الام كـلمي الريال ..
تقول لي ان الريال كلامه كله دين وثقافه وادب ودايما ينصحها ..
تقول لي تعلقت فيـه وايد ,, وتقول لي تمنت انها تقعد معاه عشـان تسولف وياه اكثر
بس اهلها كانوا رافضين هالشيء ,, قرب موعد المـلجه ,,
وامــلجــوا ,, وصاروا يتلاقون مع بعض بس في البيت ,,
تقول لي باول شهر كان واايد اوكي معاها ومتعاطف ,, وتقول ما جفت منه الا كل خيـر
ولما قرب موعد التجهيـزات والزواج اهني بدى يطلع ع حقيقته
اول شيء طلب منها انها تعطيـه حقه الشرعي اللي انتو عارفيـنه
بس اهيه رفضت هالشيء وقالت له ان زواجهم قرب ..
ومع اصرااره الشديد وتمسـكها فيه ,, سلمته نفسـها ..
ثاني يوم ياي حقها يقول لها انتي من الاساس ما كنتي بنت ..!!
اهني انصـدمت البنت من كلامه ,, بس قال لها انا ما تفرق معاي لاني احبج
وخلاص انتي زوجتي على سـنه الله ورسـوله ..
عقب فتره قام يطلب منها أشياء غريـبه الواحد يستحي يقولها بس تفكيـره خيـالي ,,
يعني نفس اللي بالافلام الاباحيـه وانها تصور وانها تسوي مع فلان وعلان..
البنت مستحيـل توافق ع هالشيء ,, وحاولت ع كلامها انها تقنعه ,, وتذكره ان هالشيء حرام وتذكر له ايات قرآنيـه و و و ,,
بس الريال مصـر ع كـلامه ويقول لها انه يحبها ,, وهالشيء في مزاجـه
وان الموضوع لو ما تم الحيـن راح يفتحـه بالمسـتقبل حتى لو كان من بينهم عيـال
عشـان جذي يبي ينهي هالموضوع وباسرع وقت ..ومب مهمه النـاس ولا كلامهم واهيه خلاص حقه ,, ومن هالكلام اللي يطمن ..
البنت رافضـه الفكـره نهائــيا ..؟!
وهذا الشي من حقها .. لان غلط وحراااام ويعتبر من الكبـائر
البنت محتـاره فالموضوع عرسها قرب ,, والمشـاكل صارت من بينهم
كل يوم والثاني مشـاكل ,, والريال كل يوم يقنعها بكلامه عشـان تسوي الغلط
بس اهيه رافضـه هالشيء ومتمسـكه بقراارها ..
البنت خايفه تكلم اهلها لان البنت رقدت ويا ريـلها واهلها مستحيـل يتقبلون هالفكـره من الاسااس ,, واهيه مب قادره تكلم احد في الموضوع والريال كل يوم والثاني يتمادى
طلبت مني الحـل ,, قلت لها وبدون تردد ,,
تطلقيـن مــنه ,, لانها هذا الريال مب صاحي ,, احس فيه حاله نفسـيه حد يطلب من زوجته انها تسوي منكر وحرام ,, واهو يتفرج عشـان غريزته الوصخه ..
واصلا هاي لو راحت واشتكت عليه دايركت بينفصلون لان هالشيء حرام ,,
احس ما فيه ذره رحمه ,, مافيه ذره غيـره ,, احسـه خبيث ..!
اليوم يطلب جذي وباجر اكيد بيسوي شيء اكبر وغلط ,, !!
ليش جذا الريايل شو اللي صار فيهم ..!!
انا اللي قاهرني كيـف يحبها ويبيها تسوي حرام ..!!
كيـف رضى ع نفسـه ان يطعن في شـرفه ..!!
كيف يسمح لنفسه ان ربه يلعنه وملائكته ..!!
قسمـا بالله انا من سمعت السـالفه تمنيت الارض تنشـق وتبلعني ,,ولو ان الموضوع ما يخصني ,, بس حسيت بلحظه اني ابي اجتل هالشخص ,, مقهوره حدي ..
شوفوا ريايـلنا لين وين وصـلووا شوفوا بشوا قاموا يفكرون
مب الكل بس الاغلبيه جذي ..!!
صار تفكيـرهم منحرف وكل همهم كيف يطفون شهوتهم وبالطريقه اللي تريحهم
هذا اللي يخاف ربه ومتديـن وقال الله والرسول جذي يطلب من زوجته ..!!
عيل شو خلى للناس اللي ما تخاف من ربها ولا تعرفه..
بنات البنت مسـكيـنه وع نيـاتها ..
بشو تنصـحوني ,, عشـان اسـاعدها انا مخي وقف والله ,,
واحسـ نار تغلي بقلبي ,,
احس ان بكبري استويت شيطـان ,, بتقولون وانتي ليش حارقه اعصابج ادري ..!!
بس البنت وااااااااااااااااااااااااااااااااايد كسـرت بخاطري ,,
بليــز اللي عندها كـلمه طيـبه تقولها ..
واللي ما عندها تكتفي للاخت بالدعــاء ..
ريايل هال يومين
استغفر الله .استغفر الله
حبيبتي خبري البنت انها تذكر الله
وتشكي لله سبحان وتعالى وهي رفضت انها تسوي المنكر
فالله تعالى رايح يعوضها ان شاء الله
هذا الشخص مريض هو تحت السيطرة الافلام الاباحية
لان اكثر الشباب الي يتابعون (هاي المصاخة الافلام ….)
يبون زوجاتهم يكونون جذي
هذا مريض رسمي
الله يسعدها يارب
اللهم ارجوك ان تساعدها وتكون في عونها وتفرج همومها
آستغفففر الله بس / حسبنآ الله عليه
حتى أنـاا عجِزت ألقى ححل
لأنو ف ككل الحإلآت رآح تصصير مشإكل
يعني لو طلبت الطلآق رآح تنفضح عِند آهلهإ
ومسستححيِل تسوي الشي إللي قآلّهإ عليه
معقوله وقتهإ كآن بععقله ؟ يعني لآزِم نتأكد أول يمكِن ككإن وقتهإ مآهو ب عقله في إنَ ف الموضوع
مِن قبل ألحين طلبآته عجيبه آجل كيف بعدين مآ آتوقع في أقذر وآبشع من هذآ الطلب
لأنو مِين ترضى تعيش مع إنسآن
بِلآ غيره ولآ إيمآن وَ لآ عققل حتى َ !
لأ هذآ خخطر ع حيآتهإ
الله يعوضهآ بِ إللي آحسَن مِنَه
خبرينآ خيتي وش بيصير معـاهـاا
وربي يعِينهإ / ويوفقهآ
اسمعي حبيبتي بقولك حل وان شاءالله تستفيد
اول شي تسوي انها عااادي ولاتفاتحه بالموضوع وحتى لو فاتحها تحاول تضيع الموضوع
وبنفس الفتره تسوي عملية ترقيع البكاره اوكَ بدون ماهو يدري
واذا تقدري ساعديها بهالشي بالسسر بدون محد يدري يعني خليها تقول لأهلها انها بتنام عندك او بتروح مشوار وياكي حرام تكسبي ثواب فيها
بعدين تقول لأهلها و تطلب الخلع عشان لو طلبت الحينَ بيقول دخلت عليها ولقيتها مو بنت
وهي تكذبه ويودونها المستشفى وتطلع البنت سليمه وبكر ومافيها شي
ذيك الساعه تقدر تفسخه مثل الجزمه القديمه بالاسباب الي قالتها لكَ انه يبيها تنام مع واحد وهو يشوف اوكَ
والله يعينها على مابتلاها