حمام زيت شغله عجيب والمفاجأة انه رخيص وقوي اعتني بشعرك 2024.

السلام عليكم ورحمة الله وبركاته عليكم جميعا ..

جايبة لكم حمام زيت .. شغله عجيب ..

يسوي الشعر ناااااااااااااعم.. مثل الزبدة ..

والمفاجأة انه سعره جدا رخيص يعني اقدر اقول ببلاش ..

هذا الحمام زيت استخدمته الحين مدة 4 شهور او اكثر

احطه بالاسبوع 3 مرات لاني ما احتاج اكثر ..

ولله الحمد شعري ناعم وحلوو بس بعد احب استخدم حمام زيت

كنت اسويه بالاسبوع مرة بس من حلاوة هالحمام زيت وريحته

صرت اسويه كل يوم وبعدين خففت وصرت 3 مرات بالاسبوع

وبصراحة لا سبب لي تساقط ولا تقصف ولا قشرة ..

وهو ينعم الشعر ويسويه سايح مثل الزبدة ..

وانا اذا احطه يصير شعري وشعر بنتي كأنه مسشور تقريبا ..

هالحمام زيت ما تتخيلون وين شفته وشريته ..

تدروون وين ؟؟ تعرفون محلات "رامز" ؟؟

ايه والله ولا ازيدكم من الشعر بيت سعره 600 فلس بس

عاد انتو حولو عملتكم من البحرينين .. وحجمه كبير بعد

انا خذيته بشهر 6 قلت خلني اجرب مو خسرانة …

خذيت اول شي البرتقالي اللي كأنه بالثوم او البصل ما اتذكر

بس شنو عليه ريحة تجنن تجنن .. واستخدمته وتفاجأت من نعومته

هو نفسه ملمسه ناااااااااااااعم ولما تحطينه بشعرج كأنج تذوبين زبدة

وبعد الغسال بالماي هم يتم نااااااااااااااااااااعم وخنين

ولما خلص ركضت رامز اشتري بس ما شفت البرتقالي

شفت البني الي على كاكو واستخفيت ..

لما تحطينه كأنج تتسبحين في حوض جلكسي

على فكرة البرتقالي مكتوب عليه انه حق الشعر المملس

والله خذيته ولا اهتميت انا شعري ناعم ودهني ..

وطاح علي جدا جدا وحتى الي على كاكو رووووووووووووووعة

تبين تاكلينه من ريحته هههههههه ..

طبعا كالعادة لاااااااااازم اطولها وهي قصيرة خخخ..

انا بحط لكم صورته وانتو بسرعة بتعرفونه ..

انا بس خايفة رامز يشمون خبر ويغلونه وبعدين يوصل

6 دينار ..

هذه صورته ..