حملة أعظم أيا منا .ها مين معانا؟؟؟؟ – الشريعة الاسلامية 2024.

ندخل في مشروعنا على طول لأن مفيش وقت إطلاقاً

ومفيش وقت لأننا داخلين على

أعظم أيامنا

طيب ،،

ممكن أسألك شوية أسئله

🙂

أنا : السلام عليكم … أيه الأخبار؟ هاا عملت إستعدادتك لأيام العشر ،،

أنت : عشر أيه ؟؟

أنا : العشر من ذي الحجه

أنت : مش عارف … أصل بصراحه مش عارف النهارده كام في الشهر العربي ^_^

أنا : ممممممممممممممممم

أنت : وبصراحه كمان مش عارف يعني أيه العشر من ذي الحجه ^_^

أنا : طيب أيه رأيك نعرف سوا 🙂

أنت : ……..

ممكن دا يكون بداية الحوار بيني وبينك

بص بقى

…. وركز معايا … وصلي على حبيبك النبي صلى الله عليه وسلم ،،

إذا كنت ملتزم/ه من عشر سنوات،،

وإذا كنت جديد

/ه في الإلتزام ولسه في أول الخطوات ،،

وإذا كنت يدوب بتصلي الفرض وتلحق شوية حسنات ،،

وحتى لو كنت بعيد عن كل دا

(يعني مش هنا خااالص ) وغرقان في السيئات ،،

تعال معايا … أنا عزمك على أجازه خاصه لمدة عشرة أيام

احنا اتفقنا مفيش وقت خااااااالص

ليه ؟؟

لأننا داخلين على العشر من ذي الحجه

حاجه كده أفضل من رمضان

أي والله أفضل من رمضان حتى بص لكلام حبيبك صلى الله عليه وسلم ،،

روى البخاري أنَّ النبي صلى الله عليه وسلم قال : "ما من أيام العمل الصالح فيها أحب

إلى الله من هذه الأيام -يعني أيام العشر الأول من ذي الحجة- قالوا يا رسول الله ولا

الجهاد في سبيل الله قال : ولا الجهاد في سبيل الله إلا رجل خرج بنفسه و ماله فلم يرجع من ذلك بشيء "

شوفت بقى إنها أعظم من رمضان

وعلشان تفهم الموضوع أكثر اسمع لكلام شيخ الاسلام بن تيميه

-رحمه الله- :

سُئل شيخ الإسلام ابن تيمية ـ رحمه الله_عن عشر ذي الحجة، والعشر الأواخر

من رمضان، أيهما أفضل؟، فأجاب: "أيام عشر ذي الحجة أفضل من أيام العشر

من رمضان، والليالي العشر الأواخر من رمضان أفضل من ليالي عشر ذي الحجة".

مشروعنا اسمه …. أعظم أيامنا

وهدفنا أننا كلنا … ندخل الجنه بهذا المشروع

هنعرف مع بعض : فضل أيام العشر

ومن هنا لحد يوم الأربعاء

( يوم 1 ذي الحجه )

هنتفق على شوية مشاريع وأعمال

ومن أول يوم في ذي الحجه هبدأ الرسائل ونعمل جداول عمليه لكل واحد مننا

ونتابع بعض فيها ، وجدول خاااااااااااص ليوم عرفه

هااا أيه رأيك ؟؟

إ

تفقنا مفيش وقت

خد قراراك بسرعه

… معنا ولا مش !!

طبعاً معنا يا بطل

🙂

عاوزك تفكر معايا في حاجه بسرعه كده

أنت كنت قاعد على جهازك دلوقتي

… أيه اللى دخلك على الموضوع دا ؟؟

ربنا … صح ولا مش صح ؟

طيب ودخلك هنا ليه

..؟؟

لأنه بيحبك 🙂 ..

طيب ويحبك ليه …؟

هو كده

… ربنا بيحبك

لأن في آلاف غيرك بجد مش عارفين يعني ايه أعظم أيامنا

ومش هيعرفوا

لكن أنت ربنا منّ عليك وفتحلك سكه تعرف بيها فضل هذه الايام

فمتقفلش السكه دي

وعلشان كده قول

: الحمد لله

لأن ربنا إختارك

( إختارك = اصطفاك )

إيدك في إدينا وصدقني مش هتندم

أنا منتظر ردك

وهفكرك بآخر جزء في الحوار اللى دار بنا في أول الموضوع

أنت : وبصراحه كمان مش عارف يعني أيه العشر من ذي الحجه ^_^

أنا : طيب أيه رأيك نعرف سوا 🙂

أنت : …….

في إنتظار ردك علشان نبدأ سوا وناخد أول خطوه

مفيش وقـــــــــت إطلااااااااااقاً

وأعمل حسابك لو مكنتش عملت الوجاب مكنتش هتدخل هنا النهارده

ومجعلكش تمل أو (تكبر دماغك ) من الموضوع زي ناس تانيه
إن شاء الله نكون عملنا واجب إمبارح كلنا … بس يا ترى مين أكتر واحد حمد ربنا
وياترى مين أكتر واحد حمد ربنا بقلبه وحس أنه بيحب ربنا أوي على نعمه دي

تعال في الأول نعرف أيه فضل الأيام دي وإزاي هي أفضل من رمضاااان
1- أنّ الله تعالى أقسم بها:

إذا أقسم الله بشيء دلّ هذا على عظم مكانته وفضله، إذ العظيم لا يقسم إلا بعظيم، قال تعالى: {وَالْفَجْرِ (1) وَلَيَالٍ عَشْرٍ} [الفجر:1-2]. والليالي العشر هي عشر ذي الحجة، وهذا ما عليه جمهور المفسرين من السلف والخلف، وقال ابن كثير في تفسيره: "هو الصحيح".

2- أنّها الأيام المعلومات التي شرع الله فيها ذكره:

قال الله تعالى: {وَيَذْكُرُوا اسْمَ اللَّهِ فِي أَيَّامٍ مَّعْلُومَاتٍ عَلَى مَا رَزَقَهُم مِّن بَهِيمَةِ الْأَنْعَامِ} [الجح:28]، وذهب جمهور العلماء على أن الأيام المعلومات هي عشر ذي الحجة، ومنهم ابن عمر وابن عباس.

3- أنّ رسول الله صلى الله عليه وسلم شهد لها بأنها أفضل أيام الدنيا:

فعن جابر عن النبي صلى الله عليه وسلم قال: «أفضل أيام الدنيا أيام العشر – يعني عشر ذي الحجة – قيل: ولا مثلهن في سبيل الله؟ قال: ولا مثلهن في سبيل الله إلا رجل عفر وجهه بالتراب» [رواه البزار وابن حبان وصححه الألباني].

4- أن فيها يوم عرفة:

ويوم عرفة يوم الحج الأكبر، ويوم مغفرة الذنوب، ويوم العتق من النيران، ولو لم يكن في عشر ذي الحجة إلا يوم عرفة لكفاه ذلك فضلاً، وقد تكلمنا عن فضل يوم عرفة وهدي النبي فيه في رسالة (الحج عرفة).

5- أن فيها يوم النحر:

وهو أفضل أيام السنة عند بعض العلماء، قال صلى اله عليه وسلم : «أعظم الأيام عند الله يوم النحر، ثم يوم القَرِّ» [رواه أبو داود والنسائي وصححه الألباني].

6- اجتماع أمهات العبادة فيها:

قال الحافظ ابن حجر في الفتح: "والذي يظهر أن السبب في امتياز عشر ذي الحجة لمكان اجتماع أمهات العبادة فيه، وهي الصلاة والصيام والصدقة والحج، ولا يتأتّى ذلك في غيره".
واستمع مره تانيه معايا لحديث سيدك النبي صلى الله عليه وسلم :
روى البخاري أنَّ النبي صلى الله عليه وسلم قال : " ما من أيام العمل الصالح فيها أحب إلى الله من هذه الأيام" يعني أيام العشر الأول من ذي الحجة.. قالوا يا رسول الله ولا الجهاد في سبيل الله قال "ولا الجهاد في سبيل الله إلا رجل خرج بنفسه و ماله فلم يرجع من ذلك بشيء"
يعني الأعمال في هذه الأياااااااااااااام أعلى وثوابها مضاعف عن أي وقت تاني
وكمان ربنا بيجب الأيام دي … طيب بالله عليك أنت متحبهاش وتقطع نفسك فيها بقى !!
طيب نعمل أيه علشان نقطع نفسها لربنا وازاي نستقبل الايام دي
استغفر لمدة 5 دقائق وبعدين كمل قراءه

كيف نستقبل أعظم أيامنا :
عاوزين نعمل 4 حاجات … عملنا واحده منهم وهي شكر الله ( ودي هتفضل مستمره معنا )
و3 أشياء أخرى :
1- التوبه الصادقه : بتعمل ذنوب كبيييييييييييره والدنيا متبهدله على الآخره ، وأنت قاعد في المسجد ليل ونهار، سواء كنت كده أو كده أو حتى بين الاثنين … كلنا أصحاب ذنوب ومعاصي ، كلنا لازم ننظف نفسنا قبل ما ندخل على ربنا . دا أنت لو رايح تزور حد مهم شويه بتغتسل وتتعطر و و و . طيب أنت داخل على ربنا هتعمل أيه ؟؟!!
مش تغتسل وتتعطر من الخارج بس …. مينفعش … أصل ربنا شايف الداخل والخارج …. فلازم تنظف في الجهتين …… قال تعالى { وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ} [النور:31].

عاوزين واجب النهارده يبقى ركعتين في جوف الليل
ركعتين بس … أبكي فيهم
حس قد أيه ربنا كريم أوي … وأنت بتعصاه أوي
ركعتين بينك وبينه وبس
وشوف أنت هيبقى أيه حالك وأنت وافق بين يديه سبحانه وتعالى
2- لأرين الله ما أصنع : دا شعارنا … هنقطع نفسنا في الطاعات … مش هنضيع ولا ثانيه … معقول ربنا يختارني من وسط المليارات دي وأنا افرط وأقصر … لا يااااااااارب …. والله لأكون في أحسن حال هذه الأيام … عاوزين قلب جديد وعزيمه من حديـــــــد .
3- البعد عن المعاصى : هناجهد نفسنا ، كل واحد يشوف ذنب بيعمله ويعاهد ربنا يبطل هذا الذنب . الأخت تظبط الحجاب ، والأخ يغض بصره . ودا يبطل يسمع أغاني ودي تبطل كذب . والملتزم يبطل عجب ورياء ، والملتزمه تبطل غيبه وعجب وو ووو

هااا إتفقنا ؟!

إنتظرنا بكره … وهنبدأ نعرف أول مشاريعنا في أعظم أيامنا

1- الشكر
2- التوبه والاستغفار ( وصلي ركعتين )
3- قلب جديد وعزيمه من حديد
4- البعد عن المعاصي