السلام عليكم ورحمة الله وبركاته
اولاً مجرد فضففضه واللي عندها حل تحطه
ثانياً عمري 16
بتكلم عامي
انا بنت هايته اي هايته لا تستغربون
انا ابوي دخله عالي ومدللني وبس مسافر اللي ابيه يجيني وما اشوفه كثير بس بشغله زين اذا شفته اكثر من 3 مرات ب الاسبوع لاتستغربون المهم وامي متدينه وبس طايحه في ذم وسب وانا م اعرف اسوي شي وانا فيني وانا فيني صرت م احب اجلس معها اكثر من 5دقايق انا اكبر بنت بعيلتنا م اصلي يعني اصلي اسبوع واسحب شهر مدري م اقدر كل م احاول افشل والله ي بنات حاولت لدرجه مرات اتوضى واقول بعدين اصلي وانسى الصلاة اعرف شاب من تقريباً اربع سنوات كنت 12 كان ابوي اذا شافني وطلبته اي شي زي اللي يجيه تأنيب ضمير ويجيبه لي امي تحرممني من التلفزيون اسبوع شهور بس الجوال كانت م متقدر لان اذا شفت ابوي اقعد انزل كم دمعه واقوله ابي الجوال ويجيبه فصارت امي متاخذه لانه تدري انه بيرجعلي اذا شفت ابوي المهم تعرفت على شاب من اربع سنوات كان عندي بلاك وكنت اضيف شباب واسولف معهم علاقتي مع البنات اللي حولي صفر ماعندي صديقات ولاافكر اكون صداقات ماعندي لابنات عم ولابنات خال انطوائيه احب اقعد لحالي واسولف مع خالد(اسم مو حقيقي) كبير توه متوظف اعشقه اعشقه لانه الوحيد اللي يحن علي صادق بكل شي كان اول م تعرفت عليه م اثق باللي يقوله مثلا قال انا اسمي كذا كذا كذا اقول وش الدليل فكان يصورلي شهادته اذا نجح اذا توظف اذا تكرم صرت اثق فيه واجد ماكان يطلبني شي كان بداية العلاقه اكلمه بيبي بعد اربع شهور انا طلبت رقمه عمرهه ما لمحلي انه يبي صورتي او يبي يكلمني المهم م اقدر اتصور حياتي بدونه بس بغرفتي اكلمه.
امي دايماً سب فيني عندي اخو كبير اكبر مني بسنه اكبر واحد حنووون علي بس مشكلته بس طالع وانا بس بغرفتي عشان م اشوف امي اطلع لحالي اي احب اطلع لحالي مع السواق(سواق ثقه من كان عمره 18 كان عند ابوي قبل م يتزوج امي والحين عندنا وعمره 35) المهم ما احب اطلع مع امي لان اي شي ابيه ترفض تجيبه مثلاً اقول ابي ذا التي شيرت تقول لا مافيه مو لازم تشترين شي واذا طلعت معه ماتخليني اشتري شي فأحب اطلع لحالي او مع اخوي الكبير يشتريلي اللي ابي ايش ماكان حتى لو مايصلح لي او سبورتي حق اولاد اللي ابي غالي رخيص عادي واذا طلعت لحالي اكحش الدنيا كلها احس كله من ابوي مرات اقول ليش يسمحلي اطلع لحالي لان امي م اخذ رايه ارسل لابوي بابا بطلع علم ماما بمسج وقوله تخليني اطلع ومرات اقول بيعوض غيابه الكثير يحقله ، اطلع اتعشى لحالي اشتري اللي ابي وارجع محد يحاسبني غير امي اللي اذا جيت صارت سب فيني بعذري ماتخليني اشتري شي بس متفرجه وبتكرهني بحالي اذا طلعت معه اشتري ملابس العيد لحالي اشتري ملابس الزواجات لحالي ما اعتمد على امي بأي شي تخيلوا كان فيه فرحح خالي وقالت اشتري انا وياك سوا المهم شرتله وسحبت علي حضرت فرح خالي بفستان العيد كنت معتمده عليه وصرت ما اعتمد عليه ويوم قلتله ليش قالت محد قالك لاتشترين من صار عمري 14 صرت اعتمد على نفسي بأغراض صار ابوي يمليي بوكي فلوس ويقول اشتري لنفسك
صار عندي زي عالمي الخاص غرفتي فيها حمامها اصير فيها اربع وعشرين ساعه شرالي ابوي tv (اختصار تلفزيون) وحطالي فيه بلاستيشن ثري وبس عليها واذا سحبت امي tv اكون اكلم خالد او اطقطق في النت واقول للخادمه توصل اكلي كل يوم لغرفتي وما اكل معهم الا اذا ابوي موجود احب اقرأ فأشتري ككتب من جرير وتسحبها ماما لان هيا تسحب اي شي الا جوالي *_* ماتقدر كل ما اقول لابوي يقول امك وامك والجوال اخليه مدري شسوي .
ادري موضوعي طويل ومخبص وحالته حاله بس الكلام جا عفوي واللي يجي بعقلي اكتبه
ابي احافظ على صالتي كيييف؟!
ابي امي تكف شره م ابي الا تكف شره كييف؟!
كيفف اسوي لنفسي جدول كييف؟!
*لا احد يقول اقطعي علاقتك بخالد لاني حاولت وكانت اطول مده يوم وبعده م قدرت فرجعت*
شكراً شكراً لكل من قرأ موضوعي واللي م عندها شي اوماعنده ملاحظات تدعيلي
واخيراً شكراً شكراً من الاعماق لكل من قرأ موضوعي او دعالي او افادني يارب ارزقها الفردوس الاعلى وحقق مناها.
حبيبي امك الحق كله معهاآ
لا حبي طيعي امك وحتى اذا طلبت منك التلفون اعطيها لا تكلمين ابوك
لان ابوك مدلعك زايد على اللزوم بكره تتزوجين بتلاقين من يدلعك
لا تطلعين لحالك واقطعي من خالد هاذا استغفري يابنت
ليه ماتصلين ايش الي يمنعك كل شي معك اقري دائماً عذاب جهنم
وغذاب القبر يمكن تتأثرين انا اكلمك بأدب لانك بنت وتبين من يوديكي لطريق الصح
والله لو كنتي بنتي ……
تذكري إن أول مايحاسب عليه المرء صلاته
لاتكونين من الذين أعمى الله قلوبهم عن الحق
أبتعدي عن هذا الشاب ولا تتعبي نفسك بالركض وراه
قوي قلبك وطنشيه قبل ماتوقعي في أيدي الشيطان وتنجمي
أشد الندم أنتي الآن مراهقه وبكره يفتح عقلك وتتزوجي وراح
تنجمي على كل لحظه بحياتك ..
أسأل الله لك الهدايه وإن يدلك طريق الحق
شوفي حياتي هذي بدايه طريقك وانتي كتبتي الي بقلبك وهذا دليل على ألكم الهائل من الضيقة الي بصدرك
وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى * قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا * قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى))
شوفي قلبي راح تندمين قد شعر رأسك لاكن اذا كبرتي كلمتي الشاب وانتي بكل برائه طفله ما شافت الدنيا على حقيقتها شفتي الدنيا بهذا الشاب وان اجمل شي فيها لأنك ما زلتي تجهلين الاعضم حياتي ماراح أقول لك عطي أمك الجوال عشان حتى لو بغيتي تكلمينه ما تقدرين أبد لكن ابيك تذكرين اسمي وكلامي (في صمتي لك كلام)
الشاب هذا بجي يوم ويترك تضنين ان بزوجك!! وإذا جاء يوم وقال لك بزوج وابوي جبرني وصرفك بأسلوب راقي لان له اكثر من سنتين يكلمك تضنين لو سألتيه تكلم غيري بقول لك لاء من فطرة الرجال ان ما يثبت على وحده حتى المزوج يزوج ثنتين وثلاث وأربع فما بالك بشاب عزابي فإذا هو كلمك 100% كلم غيرك
لاتخزنين لان هذا طبع برجال الا اذا كان يخاف ربه ماراح يكلم ولا بنت. وتأكدي انك راح تتزوجين واحد نفس ماضيك الطيبون للطيبات والخبيثون للخبيثات والزاني للزانه
يعني ان ربي ماراح يزوج وحده متدينه تخافه وتصلي وتصوم وتذكره بواحد ما يصلي أبد وكلم بنات وقابلهم يعطيها واحد زيها وإذا هي ماكانت زيه يكون ابتلاء لها وبالاخير يرجع يهتدي لان هي كذا
يا عمري توك صغيره ما شفتي شي وانتي بتحددين مستقبلك بيدك محد راح يحدده غيرك لك طريقين اللجوء الى ربك بكل عزيمه ورضى وحب للتخلص من الاكتئاب الي عشتيه او تكملين وتقولين مقدر اكمل وتقنعين نفسك بأشياء الشيطان قانعك فيها.
حياتي أمك جنتك ونارك روحي لها وخليها تدعي لك حبي راسها لو كل يوم تهاوشك ماراح تحسين الا اذا فقدتي الشي وإذا فقدتي جنتك بتسكر أبواب الرحمه لان سبحان الله باب ألرحمه
عندما تموت الام ينادي منادي من السماء ماتت التي كنا نكرمك لاجلها فاعمل عملا صالحا نكرمك لاجله
بسبب ام فرعون تأخر ت دعوة موسى 40 سنة
النبي موسى عليه السلام قام بالدعاء على فرعون 40 عاماً .. ولم تستجب دعوته رغم تجبر فرعون إلا بعد 40 عاماً..! والسبب : أن فرعون كان شديد البر بأمه وبعد وفاتها استجاب الله دعوة موسى عليه السلام..
تصدقي بكل مره تطلعين فيها السوق بنية ربي يهديك ويصلح حالك وطريقك
فيه قصه كتبتها وحده هنا من زمان تقول كنت أكلمه وعمري 12 سنه وهو يحبني وأحبه ومستحيل أتخلى عنه وصادق ماطلبني شي ويوم صار عمري 22 نام معي لان عرف كل نقط ضعفها وجاب راسها قالها بزوجك وراح عنها وخلاها وهي جلست بحسرتها فادت السنين الي كلمته فيها!! والله ما نسيت قصتها لآني منصدمه من تفكيره الوصخ وان الدنيا فيها أشياء تشيب الرأس وان شاء الي كلمينه ربي يصرف نظره عنك وفتحا فضلين عن حياتك والشي الي تملكينه الي بدونه الرجال ما يبيك وأتمنى فهمتي قصدي جمال المراءة بحيائها وعفتها و ؤنوثتها وخوفها من ربها ثم الرجال وصوتها الهادء الي مايسمعه الا زوجها
حبيبتي
سجلي في المنتدى ورآسليني وإقضي وقتكِ معآي وأتركي خآلد ..
محآدثتكِ معآه حرآم يآقلبي لآنهآ خلوة والخلوة محرمة وبيدخل فيهآ الشيطآن ..
خآلد يكلمكِ يكلم مليون وحده مثلكِ يبغآكِ يخطبكِ ..
غآليتي طيعي وآلدتكِ هي جنتكِ ونآركِ سآعديهآ في جميع الآشيآء ..
حآدثيهآ تقربي منهآ وفضفضي لهآ ..
حآفظي على صلآتكِ العهد الذي بيننآ وبينهم الصلآة فمن تركهآ فقد كفر ..
توضأي إستعيذي من الشيطآن وصلي صلآتكِ عزيزتي أول الآعمآل التي ينظر إليهآ الله
الصلآة إن صلحت صلح سآئر العمل وإن فسدت فسد سآئر العمل ..
بعد عن خالد لاني اخاف يوديج وراء الشمس وياكثر المشاكل من وراء ذي العلاقات !!!
الله يستر عليج ويعينج , وسجلي هني في المنتدي وقضي وقتج معنا ,,
اشتري كتب مفيده واملي وقتج باهداف وطموحات وبعدي عن خالد واشكاله ترا بظييعج !!!
الله يوفقج ويهدي امج ويحنن قلبها عليج ,,
بلنسبه للصلاه سوي منبه وقومي غصبي نفسج عليها ,, قري قرآن املئ وقتج بلي يفيديج ,,
الله يوفقج ان شاءالله ولا تنسين تسجلين هني في المنتدي حيااج 🙂