خطيبي الجديد و جنوني فيه الطبيب يجيب 2024.

خطيبي الجديد و جنوني فيه

بسم الله الرحمن الرحيم

اخواتي الحبيباااات ..
محتاااجه فزعتكم بأسرع فرصه ..
انا عمري 23 سنه .. طبيبه .. الحمدلله جميله مثل ما يقولون .. واثقه بنفسي و اعرف اني ما شاء الله علي الكل يمدحني .. كنت مخطوبه من سنتين لمدة سنه لزميلي .. طبيب اسنان .. كنت مرره احبه .. و اغلب الوقت مع بعض .. بالمستشفى .. بالبيت .. بالجوال .. بالنت .. و كذا .. بالنهايه ما اتفقنا و قررنا ننفصل ..
مرت سنتين و انا ما دق الحب بابي .. كثروا خطابي و ما وافقت على احد .. كنت مررره متعقده من اللي صار مع خطيبي السابق ..
الين قبل فتره قصيره تقدم لي صيدلي يشتغل بالصيدليه اللي بالمستشفى اللي اشتغل فيها .. ما كنا نعرف بعض ابد .. بس شافني كم مره و عجبته .. عمره 32 سنه .. كان يشتغل بفرنسا و تو رد من اربع شهور ..
المهم انه يا بنات ما شاء الله مثاااااالي .. كل اللي كنت اتمناااه و اكثر فيه .. و الله اني مرات اشوفه ما اصدق انه خطيبي "مالكين" .. و فجأه يا بنات لقيت نفسي انجنييييت فيه ..
يعني مع خطيبي السابق ما كنت اكلمه .. كان هو يكلمني .. و هو يهتم فيني .. و كذا و انا كنت عادي مع اني كنت احبه ..
بس مع خطيبي الجديد انا صرت مدري وش اللي صايرلي .. اكلمه اربع خمس مرات باليوم .. حتى لما اكون مشغوله مررره .. اطلع اعذار لجل انزل للصيدليه .. و انزل فوق الخمس مرات كل يوم بس عشان اشوفه و اكلمه شوي ..
بنات صرت اموووووووووووووووت فيه .. و الله الموت شوي .. و اذا كلمته و ما رد اقلق موت و اقعد اكلمه كل خمس دقايق لجل اشوف وش صار عليه مع اني ادري انه كثير بيكون مشغول و يا الله كل شوي و شوي يوم يفضى يكلم ع الجوال ..
و الله يا بنات صرت ما اطيق ابعد عنه و لا شوي .. ما اقدر .. احس اني بموت اذا بيبعد عني شوي .. اذا مر علي يوم ما كلمته .. اعشقه اعشقه اعششششششقه ..
المهم الحين احسه صار يخاف من لزقتي فيه .. و صار يتغلى "اكيد طبعاً بيتغلى بعد كل هذا" .. صار ما يتصل فيني ابد .. و لا يطلع يشوفني .. و لا يجي عندنا بالبيت .. و اذا كلمته يختصرني مرررره .. و كذا .. و انا احس اني بختنق بدونه ..
بنات انا موووو كذا .. كل هذا صار لي فجأه انجنيت بابن الناس .. يعني كل اللي يعرفني يدرون اني ثقيله و رزينه .. و يدرون ان وقتي مررره ثمين و ما اعطيه حق اي احد .. بس صرت اهمش اي شي .. يعني عادي تكون فيه عمليات كبيره و ما اشارك فيها بس لجل اشوووفه و املى عيني فيه ..
بنات ساعدوني ارجع البنت الثقيله الرزينه اللي الكل يعرفها .. اللي تعرف تتصرف .. اللي خلته اصلاً يفكر يخطبها و كذا ..
ارجوكم نزلوا مشكلتي لأني احس اني بموت .. ملهوفه عليه لدرجة جننتني .. و الحين زواج بنت خالتي يوم الاحد ان شاء الله و انا ما بروح المستشفى الجمعه و السبت و هو يدري .. و احس روحي بتطلع بمجرد التفكير في اني ما راح اشوفه الجمعه و السبت !!

نياله فيك ايش اقول اكثر
مابي احسدكم
لان اني شاب رغم الحمد الله اني احس نفسي منيح من كل النواحي وتعرفت على بنات ثنين بحياتي
ولا وحده وفت معي او قدرت حبي من شفت موضوعك قلت ايش يبي من الدنيه

حلاله تحبه هل حب

اقول اثقلي بس مصيبه ادا بتظلين كدا بعد الزواج كويس انك تكونين مهتمه فيه بس مو لدرجة انك تخنقينه بحبك حتى هو تلقينه قال بنفسه شكلها ما صدقت على الله اني خطبتها لا يكون هو كل اهتماماتك لانك ادا ظليتي كدا ترى بتعانين بعد الزواج

خليكي معتدله في تصرفاتك

ردت فعل طبيعيه بعد التجربه الي مريتي فيها..بس نصيحه الثقل صنعه وخليج رزينه وهو اللي يطور عليج ويبيج لاتخنقينه بعدين يمل منج ويشوفج طايحه على خشتج ويكشت فيج ويتغلا يابنت الناس ارررغمي نفسج على الثقل حتى لو تعبتي عشان مصلحتج بالنهايه لايشوف نفسه ويتكبر بعدين بتتعبين صج ،، الرجال غالبا يحب هو اللي يطارد ورى البنت واذا صار العكس وربي ترخص عنده ويصير يلوعها تلويع صدقيني ،، قللي الاتصال عليه ولاعاد تروحين الا لضروره ،، تعودي يالغاليه عشان مصلحتج بالنهايه ،، وألف مبروك والله يتمم على خير ويجمع بينكم على الحب والتفاهم امين..

حبيباتي مشكورات انا صاحبة المشكله ..
انا ادري كل هذا بس ابيكم تعلموني .. وشلون اصير ثقيله .. وشلون ابعد عنه ..
و المشكله ان الزواج مو الحين لأني بتخصص بعدين بتزوج ..
يعني شوفوا وش كثر وقتي مليان و بعد كل هذا اموت عليه و اعطيه وقت ما عندي ..
اعتبروني بنتكم .. اختكم الصغيره .. امي كللله تهاوشني بهالموضوع .. علموني رجيتكم بنات .. قولولي شسوي

امممممممممممممممممم

شوفي حبيبتي بعد ما مريتي بتجربه فاشله طبيعي تتعلقي فيه لهالدرجه لان الخوف الي بداخلك انك تفقديه مثل الي قبله…

اشغلي نفسك باي شي
حاولي انك تكوني مشغوله لدرجه انك ماتفكري باي شي الا بشغلك
العمليات شاركي فيها خليكي اول وحده حاضره فيها
بكرا بعد الزواج يصير يعيرك بهذي الايام الي كنتي راميه نفسك عليه
فكري ان هو الي لازم يرمي نفسه عليكي وهو الي لازم يشوف نفسه فيكي مو انتي
ودايما قبل لاتكلمينه عدي للعشره وفكري ان لازم هو الي يدق مو انتي وروحي اشغلي نفسك باي شي
بكرا اذا اتزوجتيه وانتي مو مخلصه مارح يخليكي عشان ما اتكوني احسن منه
خليكي افضل منه بكل شي
بعد الزواج يقول انتي كنتي مره راميه نفسك عليه وانا عادي
حسسيه انك ثقيله لان الرجال يحب البنت القيله والي تخليه يركد وراها
يصير يموت فيكي وبس يسال عليكي
خليه يشتاقلك ويشتاق لصوتك
اذا كنتي بتتصلي عليه ومو قادره اتصلي على صاحباتك او اقاربك واتكلمي معااهم لحد ماتطلعي الطاقه الي فيكي
وبعدين اشغلي نفسك وحاولي يكون وقتك كله ملياااان ..

وحتى اذا هو اتصل قوليله مره مشغوله يعني انتي اصرفيه حتى يحس بقيمتك
لان وقت الخطبه بتحدد الحب والاهتمام وكل شي
اذا حس بهالوقت انك انتي المهتمه بيكون حتى بعد الزواج مايهتم فيكي
ومرات لاتردي عليه ومرات ردي عليه بس اختصري الوقت ووصليله فكره انك مو ميته عليه لهالدرجه..

امممممممممممممم اتوقع يكفي كدا..

وانشا الله اكون افدتك شوي..

خبريني شو بصير معك..

مشكووووره مره حبيبتي و الله وفيتي ..
انا اليووم كللله ما كلمته ابد .. كنت بذاكر مع صديقاتي بعدين جيت لبنت خالتي لتجهيزات الزواج و كذا و ما اتذكرته ابد ..
انا فعلاً مررره خايفه .. حتى اني استخير بالموضوع و اخلي امي تستخير كل يوم حتى بعد ما وافقت .. و امي بس تقول لي اثقلي عليه الرجال يكره البنت اللي تركض وراه ..
المهم اليوم كله مر و انا ما كلمته بس المشكله و لا هو كلمني ابد اليوم .. بس ان شاء الله باكر بعد اذا هو ما كلمني ما بكلمه