خطيبي وخالته ذابحيني مجابة 2024.

بنــــــــــــــــــات الحقو علي ابي افضفض وابيكم تحكمون والله تعبت وانا اتحمل وساكته ما اقدر اقول لا حد من اهلي ولا لصديقاتي (((( ابغا اعرف انا غلط ولا صح ابغا اعرف انا غيرتي زايده ولا خطيبي وخالته مزودينها )))
مدري من وين ابدء

رح احكيلكم الحكايه وانتم احكمو ((((دااااخله على الله ثم عليكم اي وحده تدخل تحكم انا غلطانه ولا خطيبي وخالته مزودينها )))

المهم يابنات انا مخطوبه وبعد قصة حب طويله وخطيبي ذووق وولد ناس واهلي يموووتون فيه واهله يموووووووووووتون فيا وعلاقة اهلي باهله مررره تجنن لحد الحيين كل شي كويس

وعنده خاله يحبها مررررررررررررره ((صديقته الصدوقه على قوله ))متربيين مع بعض من يوم وهما صغار
انا في البدايه ما كان يزعلني الموضوع مررررره بالعكس كنت احبهاا واموووت فيها لانها دايم واقفه مع خطيبي في كل الاوقات هما في نفس العمر فوق 29 وهي مو متزوجه وصارت لها ضروف في حياتها تقطع القلب المهم هما متربيين مع بعض وعاااشو ع الحلوه وع المرره مع بعض ولما حبني وبيخطبني كانت هي اول وحده تدري وفرحت وكانت تسولف معي وتشكيلي همومها وصرنا انا وهيا صديقات مقربات وبعد الخطوبه كنا نجلس احنا الثلاثه نسولف وكنت احسهم مرررررره منفتحيييييين مع بعض بس كنت اقول عاادي لانهم من زمان مع بعض
وخطيبي راعي مزح ومقااالب ومزح ثقيل اللللللللللله لا يرويكم
طبعا هو دايم يسهر عندها ويسولف معها ويدقون علي
ولما يكون في الدوام يكلمها في الجوال بساعات يخليني منطقه استناه ويسولف معها … كان في البدايه مايبينون لي كيف قوة علاقتهم كنت اشوفهم عاادي اصدقاء وبس وبعد فتره شفت انهم مايستحون من بعض مرره مرره مايستحون والله العظيم يابنات اني احيانا اشك انها حبيبته وانا خالته يقول لي اول ما يلتقون يحظنها ويبوسها على جبهتها … وعادي تدخل غرفته الخاصه بدون حيا مهما كان شكلو … اتخيلو يابنات يقولي انه مرررات كثيره يدخل غرفتها وهي نايمه وتكون بدون ملابس يدخل غرفتها وهي تبدل وعااادي ويلعب معاها كنها طفله وفي اشياء والله والله العظيم ان استحي اقولها واللللللللللللللللللللللللللللللله ثم واللللللللللللللللله لا تحسبون اني اكذب….. انا اجلس ابكي واهاااااااااااااااوشه واقلب الدنيا فوق راسه واقول عد ايش خليت لي انا بس حق كرسي النووم …. ويعصب ويقول انتي تشكي فيا ؟؟ ويقول عاااادي ايش فيها احنا متربيين مع بعض واحنا كل شي عادي بينا ومن زمان واحنا كذا واحنا واحنا واحنا
وكمان يقول انتي غيرتك زايده حتى من محاااارمي تغااري!!!!! واقوله انا غيرتي زايده ولا هاذي قلت ادب وحيا والللللللللللله يابنات زهقت وقسمم بالله اني احبه والله امووووووت حتى في التراب الي يمشي عليه ما اتخيل حياتي من دونه ومسسسسسسسسسسسسسسسسسسسسسسسستحيل اخليه لو تنطبق السما ع الارض …. صرت اقنع نفسي ان الي يصير عادي اهم شي اني حبيبته واني انا باصير زوجته واقنع نفسي باشياء انا نفسي مو مقتنعه فيها ولان عمري صغير اقول اكيد انا غلطانه هما كبار وفاهميين واقول بس كيف باتحمل تصرفاتهم بعد ما نتزوج …….. ولااااا وبعد يقول بعد مانتزوج ابغاها تيجي تسكن عندنا ((طبعا يقووول بمزح تصير مربيه لعيالنا ))
صرت اكرهاااا وربي صاااارت عدوتي لدرجه ما تتخيلوها**وصرت حساااسه مرره معد اكلمها وماعد ارسلها وكل يوم كرهي يزيد

وكل يوم وانا احس اني بروح اقول لامي ما ابغااه وافسخ الخطوبه بس في شي يمنعني كل يوم افكر في علاقتهم وابكي والوم نفسي انا ليش افكر فيهم كذا يمكن اكون ظالمتهم واقول اصبر لين نتزوج ويمكن بعدين اشوف انه عاادي وان هو يبالغ في كلامه والشيطان يوسوسلي ..
والله مدري الاداره بتنزل موضوعي او لا لاكن ابغى الناس تحكم انا غيرتي زااايده ولا هما مزودينها ؟؟
انا صغيره وابي احد يشور علي ابغا اشوف انا غلط ولا هو وانا باقي على بر الامان لان بعد فتره رح نملك واخاف اتزوج وما اقدر اتحمل واخرب بيتي عشان خالته