السلام عليكم اخواتي
قرأت ردودكم و شفت كذا وحده من الاخوات تبغون تعرفون الاسباب ليش انا رافضه
خلوني اشرح لكم وضعي انا بنت عندي ٣ اخوات و اثنين منهم اكبر مني و وحده اصغر مني
اول وحده تزوجت وتطلقت ، كان زواجها بنفس الطريقه الي انا يبغون يزوجوني فيها، زوجوها بالاجبار و انتهت بالطلاق، انا عرفه كل شخص تجربته تختلف ولكن الاجبار مايجيب خير ، الله ماحلل لنا الاستخاره والشوفه عبث ! الله اعلم شو الاحسن لعباده
الشي الثاني انا ماكان علي صلاه يعني فيني الدوره ف قلت لامي انتظري اتطهر منها واصلي استخير، لكن امي الله يهداها ويرضى عليها ماستنت ولا اشي راحت وقالت لابوي واخوي الكبير البنت موافقه و هم بدورهم قالو للرجال حياك الله تعال
وانا ماكان عندي علم باي شي ابد ف لما خلصت من الدوره رحت كلمت امي قلتلها انا تطهرت وبستخير لكن بما انكم مو سامحين لي بنظره شرعيه اوصفي لي الشخص و خبريني اسمه وعمره خلي تكون عندي فكره مشان مبدئيا اشوف الوضع كيف وبعد ابغاكم تسالون عنه ولا تستعجلون
قالت نحن من الاساس خلاص ردينا عليهم وقلنا موافقين وقالت انتي شكلك جاهله ماتعرفي مصلحتك
قلتلها يا امي مايصير هالكلام الله يهديكي انا لازم استخير ربي و بعدين نشوف الامر يتيسير ولا لا،قالت الرجال زين وسمعته حلوه وش تبين اكثر لا تضيعين وقت و تضيعين الرجال
قلتلها يا امي ولو كان احسن شخص فالدنيا مايصير ما استخير هاذي سنه الله ورسوله وانا ابغي اعرف عنه قبل لا اقرر هذا قرار مصيري وهي مش لعبه اروح له ولو ماعجبني ارجع مافي وحده تبغى تتزوج وتطلق !
الرجال سنه مناسب و وظيفته زينه، .. لكن الرجال يبغي وحده تسكن مع اهله تهتم فيهم وهو معاه ٥ اخوان ماشاءالله عايله كبيره يعني، اخوانه الشباب كلهم مش متزوجين وكلهم اكبر منه ،، هو عمره ٣٠ ،، تخيلو اعمار اخوانه كم؟ ٥ اكبر منه .. تمام؟ انا بدوري اتسائل ليه محد فيهم تزوج؟ و انا بكون اول زوجه ابن عندهم يعني هم ماعندهم خبره او تجربه يتعاملون مع زوجه الابن. كيف بتكون حياتي؟ والله ماعندي اي فكره
وكمان في موقف ضايقني كثير، وحسيتهم من هذا الموقف ناس صعب ارضائهم، اول شي خواته ماقتنعو فيني وقالو نبغي نرجع نزوهم نشوفها مره ثانيه، وانا رفضت قلت لاهلي انا مش مزهريه كل شوي يزورونا يشوفوني! يعني شو عملت وماعجبهم و ما اقنعهم فيني؟ مابيتيغر شي اذا زارونا مره ثانيه لاني كنت على طبيعتي، وهم لما زارونا قعدو ساعتين كاملات يعني شبعو شوف و كلموني واخذو المعلومات الي يبغونها
و الشي الي ضايقني كمان انو اهلي علقو مصير اخواتي فيني ، قالولي اتزوجي وبعدين يمكن يخطبون اخواتك عندهم شباب كثير عزابين مو متزوجين. يعني هل اضحي بنفسي علشان خواتي يتزوجو؟ وهذا اصلا اذا تزوجو، للعلم هم شافوني وشافو خواتي يعني لو كان ودهم يخطبون كان تكلموو اششدخل زواجي انا منهم ، ايش هذا احنا نتزوج بالجمله يعني؟
انا قدمت في وظيفه وانقبلت فيها وكان باقي ابدا اروح للدوام ولكنهم قطعو رزقي بحجه الوظيفه هاذي مش مناسبه لوضع وحده رح تتزوج،قلتلهم اذا هو يبغاني يعرف انا وين بشتغل لا تقطعون رزقي انا من حقي هذا قالو لا مافي وبعدين بعد ماتتزوجي اذا سمح لك بكيفك معاه
طيب انا ماقلت رح اتزوج ليه تقطعو نصيبي بسبب شخص انتو قررتو بنفسكم بدون رأيي
و كمان شي ثاني بكرا عندي امتحان احضر له من سنتين ، سنتين كاملات ادرس لهالامتحان وهم عارفين،و كذلك خربو علي ومش راضين امتحن بحجه اذا ماتزوجتي مارح نخليكي تسوي اي شي
انا ماشفت خير من اليوم الي جونا هالناسس كل شي عندي اخسره شوي شوي وظيفتي راحت امتحاني وتعبي في دراسته راح، هل اروح اضيع حياتي ؟ ارمي نفسي مع شخص ماعرف شي عنه؟ كيف اثق في اهلي و اختيارهم، هم مستحين يردون الرجال بحكم انه ابوه صديق ابوي ولا ماهتمو مني انا المسكينه شو في قلبي
وربي مش مرتاحه ابد و مارتحت لاسلوب امه و اخواته لما زارونا ، مارتحت من ناحيه علاقتي ويا اهلي خربت من اليوم الي اجو فيه
انا مش اول مره انخطب،انخطبت مره قبل ولكن ماصار هالموقف ابد بالعكس انا قلتلهم تمام يلا انا موافقه ولكن الرجال رفضني الي كان متقدم غير رايه ،والحمدالله على كل حال
انا مش عارفه اوصف لكم موقفي و الخوف والرعب الي انا عايشه فيه ويا بنات انا مش ضد الزواج بالعكس ودي اتزوج ولكن والله العظيم قلبي ناغزني ومش مرتاحه ابدااا احس بضيق كبير و مشاكل وحده ورا الثانيه قاعده تحصل
الحين ممكن تسالون طيب استخرتي ولا لا ، حتى لو اهلك عطو كلمه ، ايه نعم استخرت واقرا سوره البقره و ادعي ربي في كل صلاه
انا ممكن اهلي حسبالهم هم الي يعملونه في صالحي و قصدهم خير و ودهم بس يشوفون احفاد،ولكن تصرفاتهم زادت نفوري وضغطهم مخليني احس انه قراري صحيح، والله يا بنات فيني من الضيق مالا توصفه اي كلمه في لغتنا
شورو علي واسمحولي ع الاطاله
طيب دامك دحين تقدرين تصلين عادي إستخيري مره ومرتين وثلاث وصدقيني إذا هو خير لكي ربي يتممه لكي واذا شر يصرفه عنك ومو شرط الإستخاره يكون قبل الموافقه أو الرفض
وادا لم تستطيعي اقناع اهلك
حطي لك شروط اولها انك تشتغلي بعد الزواج وتكملي دراستك
الله يكون بعونك ويفرج همك ويقدملك اللي فيه خيرلك
اهم شي بيت لوحدك ارفضي تخدميهم صعبه ومشاكل منت مكلفه فيهم
بس ماني مسؤله عن النتائج اذا كانت سيئه
راسلي اخته وكلميها كصديقه**
وقوليها اني استخرت ومارتحت
يعني قوليلها كلام حلو
.
بس اخاف تعاند وتتزوجي غصب**
وترى السكن بجنب اهل الزوج صعب جداً
فما بالك معاهم في نفس البيت**
او اشترطي بيت شرعي وان ماوافقو قولو الله يستر عليكم مافيه نصيب