السلام عليكم اولا
بدون مقدمات بقول لكم قصتي..
انا الحين عمري 16 سنة
انا احب اتعرف كثييير على بنات يعني اي إضافة تجيني اقبلها واي محاثة انجمع فيها اضيف كل البنات الموجودين..
المهم ان مرة بنت خالتي عرفتني على صديقتها وصديقتها قالت:خل نسوي مشكلة في منتدى من المنتديات..
انا وقتها وافقت وكان عمري 13 ذاك الوقت
المهم ان سويت هالمشكلة (للسرية ماقدر اقولها) وبعدها بكم يوم جاتني إضافة
انا قبلت وتعرفت على هالبنت وعرفتها على بنات
بعد كم شهر اكتشفت انه ولد وانه مشرف عام للمنتدى الي سويت فيه مشكلة
وانه ضافني لأنه يبغى يعرف وش الي ابغاه بالضبط من العضو(علما بأن هذا العضو يكون صديقة بنت خالتي)الي سويت معاه المشكلة
انا اول ماقال لي انه ولد سبيته وحذفته
بس بعدها رجعته لأنه كان واقف معاي بكل كبيره وصغيره وعوضني عن صديقتي الي تركتني بعد 8 سنوات من صداقتنا
وانا حبيته وإلى الآن وانا اكلمه بس..
ابوي كشفني حوالي 4 مرات وانا اكلمه(اي ابوا في هالدنيا يتحمل بنت مثلي..؟!) واخر مرة كشفني حرمني من المسن بس انا ادخل من وراه واكلم هذا الشاب
مع انه يكلم بنات غيري والسبب انا لأني عرفته عليهم لمن كنت اظنه بنت
وكل البنات الي يكلمهم يقولون لي لا تخسرينه احنا صج نحبه بس هو يحبك وهو بنفسه قال لنا هالكلام(يعني انه يحبني)
اهو عمره الحين 24 يشتغل بس مادري وش طبيعة عمله
عرفني على اخته وبنت عمي راحت عرس اخوانه وشافت خواته وقالت لهم انها بنت عمي ورحبوا فيها بحرارة لمن عرفوا
بس امه مو مقتنعه فيني لمن كلمها عني
وللحين وانا انتظره يخطبني بس امه ساده الطريق وراسها يابببببببببس خواته وابوه واخوانه واهو فوق راسهم يقنعونها بس مو راضيه
انا الحين حذفته لأني مابي اخون اهلي اكثر من كذا لأن شكل السالفه مطوله وقلت خلاص ماراح اكلمه بس بنتظره
لكن الحين حالتي النفسية مررررة مضطربه لأني ماقدر على فراقه تعودت عليه يعني انا 3 سنين اعرفه واكلمه
بس ابكي كل ليلة لا مو كل ليلة كل وقت..
وش اسوي مابي اكلمه عشان ما اغضب ربي اولا واهلي ثانيا بس مو قادره اتحمل فرقاه..
تكفووون ساعدوني..
طبيعي جدا
خليه يجي يخطبك بالاول
وانتي انسانه مراهقيه تتبعي عاطفتك وهو يلعب عليك والله حرام عليك ماتشوفي القصص الواقعيه وتتعلمي وتركيه والله بعدين مايثق فيك ويكون شكاك ويقولك يابنت االشات ومن الكلام الاجراح يعني تركيه وحرام عليك لسي صغيره ولعمر قدامك وتوبي الله
اسمحي لي اقول لك ان بداية تعارفكم كانت غلط واصلا كيف تحبين واحد كلم بنات كثير غيرك واش معنى حبك انتي بالذات وانتوا كلكم بنات وبنفس المنتدى ايش الجذاب فيك يعني؟
انا اقول انسيه واقطعيه كل صلاتك فيه ولا تظنين انه يتقدم لك وامه ماهي راضيه ولو حصل وخطبك لاتوافقين مدامها مو راضيه لاتكسبين اثم فوق اثمك
وربي ان شاء الله يسخر لك الزوج الصالح
وبعدين لسه عمرك 16 يعني مدري وش حارق رزك على الزواج
سوري اذا كانت لهجتي قاسيه واسلوبي جاف بس انا انقهر لما اشوف بنت طايره بالعجه ومحد حولها ينصحها