السلام عليكم ورحمة الله تعالى وبركاته
مرحبا بيكم حبيباتي في موضوعي الجزء الثاني من تصديرات العروس الجزائرية ان شاء الله يعجبوكم
الجزائر او ماتسمى بعروس افريقيا كما هي معروفة بتنوع عاداتها وتقاليدها في كل شيء منها اللباس الذي يختلف من منطقة الى آخرى الا ان هذا لايعني ان العروس الجزائرية لا ترتدي اللباس التقليدي لبلادها حسب قدراتها وتتصدر بيه في ليلة فرحها
وقبل مانخليكم مع صور لي ترتديهم العروس نعطيلكم نبدة صغيرة على العرس الجزائري ليس مفصل لكم جمعتلكم العادات تقريبا لي نشتاركو فيها الكل
في اسبوع العرس تجتمع العائلة المقربة للعروسة كتير تبدا بتحضير الحلويات ولمكسرات وتجميعها في علب ….
يوم الحنة ياتي اهل العريس لبيت العروسة يعملولها الحنة ويجيبلوها الجهاز (صابون احذية فساتين ….) تلبس اللباس التقليدي او العصري الجزائري وتخرج كل مرة بلباس تظهره لاهلها واهل العريس ووهدي نقولولها التصديرة (يمكن تعملها في بيت عريسها تاني) ومبعد يلبسولها خاتم ويحنلوها
يوم غد يأتي العريس مع اهله في سيارات كتيرة وتلبس العروس البرنوس ويخرجها لعريس او ابوه
والان نخليكم مع بعض الصور لي تلبسهم العروس الجزائرية في عرسها كما سبقت وقلت على حساب مقدوراتها وارادتها وفي لباس كتير انا خيرتلكم لي يلبسوهم معظم الجزائريات بدون ماننسى كاين مناطق يلبسو بس لباسهم
اول لبسة لقبايلية
هدي تتلبس بالحلي الفضية وانا نمووت على هدي اللبسة لبسة اخوالي
وهذوا لي يلبسوهم معها
والان نروحو للباس العاصمي
يعتبر الكاراكو من الألبسة التي تميز العاصميات وهو يتكون من قطعتين منفصلتين قطعة التي تكون مطرزة بخيوط خاصة و القطعة الثانية تتمثل في السروال و بين عادات العاصميين تغطية الرأس بمحرمة الفتول والتي هي عبارة عن خمار حريري ينتهي بخيوط متدلية
والان نروحو بيكم لتلمسانية
تشوفو لبسة لولاية لي يقولولها بلاد الزين ونخليكم تتعرفو على لبستها
والان نخليكم مع لباس الوهراني للمدينة لي يقولولها الباهية
وهدي القسنطينية من المدينة الحضارة متل مايقولو
وهدي العنابية
البرنوس
وهدا البرنوس تلبسو العروسة مع التصديرة ولا لما تكون رايحة لبيت العريس
هدا البرنوس تلبسو العروس للعريس في يوم عرسهم
وفي الاخير نقول ان شاء الله ربي يهني كل العرسان وان شاء الله ربي يتم بيناتهم ويكملهم خير على خير ولعقوبة ان شاء الله لكل لبنات لي ماجا نصيبهم
.
.
.
.
.
ابدعتى فى التنسيق
القبايلياات لبستهم تهبل نمووت علييها
ولك مني احلى تقيييييم
تسلمي امورة بلااادي
|
المشاركة الأصلية كتبت بواسطة نادية22
 روعة
شكرا ليك ربي يخليك |
الله يسلمك يارب تحياتي ليك حبيبتي شكرا لمرورك
.
.
.
.
.
|
المشاركة الأصلية كتبت بواسطة rosali nounou
نموووت على التصديرة تاع لعروس مليح مالا كيف كيف ههههه ان شاء الله ياربي وعلاه لالا اي هايلة مام انا هكداك |
الله يسلمك ياحياتي
.
.
.
.
.
|
المشاركة الأصلية كتبت بواسطة مزيونة جزائرية
رووووعة حنونة تعيشي حبيبتي الله الله على ناس العاصمة الله يبارك |
يعطيك الصحة يابنت بلادي على مرورك
.
.
.
.
.