الســلام عليكـم
أخباركم … انشاء الله بخيـر جميعـا
باختصار بدخل في الموضوع لاني ماسجلت الا عشانه وعشان تفيدوني وتساعدوني
انا حامل اول حمل لي وتقول الدكتوره اني هالاسبوع تقريبا دخلت الشهر التاسع ..
بس المشكله والمصيبه اللي مخوفتني ومسببه لي قلق ان الجنين راسه فوق والبشيمه فوق بعد .. من زمان على هالوضع وانا احس ان الراس فوق وهالاسبوع رحت المستشفى وسوت لي سونار وخوفتني قالت يمكن اولد بقيصريه اذا ضل الوضع على ماهو عليه وانا مو عارفه وش اسوي عشان الراس يلف وينزل تحت .. موعد الولاده المتوقع مابقاله شي .. بالكثير اسبوعين وانا كل ماافكر ابكي خايفه من القيصريه وابي اولد طبيعي وخاصه ان زوجي بعد كله يحاتيني خايف علي اولد بقيصريه 
بليز اللي صار لها نفس اللي صار لي ودخلت الشهر التاسع والراس بعده فوق بعدين قريب الولاده تغير الوضع والراس نزل تحت تقول لي عشان يكون عندي امل .. لان الدكتوره قالتلي المفروض من اخر الثامن ينزل الراس تحت واحتمال ضعيف يتغير وضعه بالتاسع وانا الحين بالتاسع … وش اسسسسسوي عشان ينزل الراس تحت افيدوني خاصه اللي صارت معها هالحاله ..
بليز انا انتظر ردودكم لاتخيبو ضني فيكم وانا جديده بهالمنتدى
وتطلي بالسلامه أنتي والبيبي
حالات كثيره كذا لاتخافي
سبحان الله مثل ما تقولين الراس فوق وانتي بالتاسع لكن من يجيك الطلق تلقين كل شي تغير
انا قالو لي وانا بنص الطلق بنولدك قيصري لأن الجنين ما يدفع وانا خلاص تعبت وهلكت من الطلق الصناعي
وسبحان الله مع الأدعيه ربي يسرها علي
وولدت طبيعي الحمد لله
أنتي أدعي ربك طول الوقت
وشوفي أدعية تسهيل الولاده
وإن شاء الله بتتيسر أمورك
وحتى لو ولدتي قيصري
المهم أنك تكونين بخير والبيبي بخير
لاتخافين
وتوكلي على ربك
وأدعي دائما أن ربي يكتب الي فيه خير لك ولطفلك
الله يسهل ولادتك يارب 🙂
الله يسهل يارب وان شاء الله تبشرينا عن خبر حملك عن قريب
مبرووووووووووووك مقدما
اختك ميمي
عسى ان تكرهو شيئا وهو خير لكم
وعلى العموم لا تخافي من القيصري ولا ترهقي حالك بالتفكير تراه راح يظر نفسيتك ليش تفكري وتبكي وانتي ما بيدك شي؟
كلشي بيد الله وهو سيفعل ما يريد لذلك توكلي على الله ولا تخافي انا ماخرا ولدت قيصري وما في اسهل منها والله احسن من الطبيعي.الطبيعي وجع وخطورة على الام والطفل اما القيصري عادي وحتى الالم اكيد عنده مهدئات وما راح تحسي بشي حتى تتعافي كليا من الجرح.
يا رب ييسر ولادتك ويرزقك للي فيه الخير
بس ماتضغطي على بطنك بمعنى :احبي حبو ويكون ضغطك على الركب واليد
اكيد فهمتيني ""
الدكتوره قالت بيساعد على تغيير وضعية الجنين بنسبه كبيره ""
حاولي مره كل خمس ساعات ولمدة ثلاث دقائق
وخصوصا اذا حسيتي البيبي صاحي حاولي تعمليها لانه بيستجيب اثناء صحيانه —
وكمان وضعية السجود في الصلاه بتساعدك كثير —-واعمليها وبعد اسبوع شوفي النتيجه
وطمنينا عليكي –ومتخافي اللي كاتبه الله بيصير سواء طبيعي او قيصري
اهم شي -صحتك وسلامة البيبي الله يفرحك فيه قريب