بسم الله الرحمن الرحيم
السلام عليكم ورحمة الله وبركاته
اخواتي الغاليات انا ابي منكم تساعدوني في حل مشكلتي والله العظيم اي فكرت اعرضها على طبيب نفسي بس كيف وانتم عارفين نظرة الناس
انا اتوجه لرب الناس يساعدني ويمحي كل ذكرى نغصت علي صفو حياتي يمكن تكون هذي القصة تافهه لكن اقسم لكن برب الخلق موجعتني بقلبي وكل مااذكرها تضيق بي الدنيا
انا متزوجه من ثلاث سنوات بعد سنه من الزواج حملت وكانت فرحتي لاتوووصف عمري 22
في بداية حملي تعبت مررره الوحم وكذا المهم لما سرت بالشهر الرابع اتصلت فيني امي وقالت ايش رايك يابنتي نطلع البحر ونغير جو انا قلت لها اشوف زوجي وارد عليكي كلمت زوجي قال خلاص نطلع مع اهلك ورحت انا كلمت امي وقلت لها بنروح معاكم وانا وزوجي علينا الذبيحه اهي وافقو وقالو لي خلي زوجك يقول لاهله وخواته يطلعو معانا راح زوجي وقال لااهله ووافقو الا امممه الي اصر عليها زوجي تطلع الممهم
يابنات اعذروني على اللخبطه والله علشان اوصل لكم الموقف بحاذفيره وتحكمو علي وتساعدوني
….نرجع ..علماا ان اهلي لهم اكثر من 9 سنين ماشافو البحر ..المهم طلعنا انا وزوجي واهله بسيارته واهلي بسيارتهم وحنا بالطريق وضع زوجي مو مضبوط تحسيه يجامل وامه مو عاجبها شي كل شي تسب فيه وتقول لزوجي امشي طنش هالعالم قصدها بالعالم اهلي وتغلط وماخلت كلمه بالسياره انا كنت حامل وتعبانه وكان على طول السكر نازل معاي وساكته لها لاني هبلا مااعرف ارد وزوجي ولد اممه مايقول من قولها شي …وصلنا احنا وخوات زوجي ورجالهم قبل اهلي للبحر وبعد نص ساعه ووصلو اهلي يابنات المفروض احنا ندور شاليه قبل اهلي مايوصلو لانو احنا وصلنا قبلهم زوجي فض عشان امه ..امه تحسب هو الي بيدفع …المهم جاء ابوي ودور شاليه واخذنا اثنين وااحد للرجال وواحد للحريم ….الي يوتر بالموضوع اهل زوجي من وصلنا البنات اخذو لهم غرفه لحالهم وقفلو على نفسهم وامممه راحت عند الرجال الي هم عيالها واخواني وابوي هي ماتتغطى عن احد حسبي الله عليها المهم زوجي طبعاا معصب بددون سبب حتى اهلي مستغربين ايش ساير وضع اهل زوجي كان ينرفز بس معصبين ومو عاجبهم شي ..((بتقولو لي مانتم مجبورين تاخذهم معاكم هم ماكنو كذا كنا نستانس مع بعض بس من يوم اخذت ولدهم بدت العدواه والحقد منهم هم ))
ثاني يوم اخواته كل وحده اخذت زوجها وطلعت تتمشى وامممه لاصقه بزوجي للعلم اخواتي المتزوجات جوو بدون رجالهم .. والله يابنات حتى اكلهم بالدس وراح زوجي يذبح الذبيحه ولما جاء وجابها يتكلم وهو معصب يقول اطبخوها خلونا نروح اليوم المهم والله يابنات طبخو منها والله العظيم مالها طعم وسبحان الله كل شي غلط بهالطلعه … المهم بعد العشاء راح ابوي يبي يسدد حق الشاليه يومين قام صاحب الشاليه قال انا حسبت المبلغ بدل 200 سار 400 لليوم الواحد سبحان الله راح ابوي يبي يسحب مالقى شي بالصرافه وانا اخواني صغار يعني ابوي تورط من وين يبي يدفع هذا الكلام الساعه 10 الصباح راح ابوي قال لزوجي بينهم وبين بعض قال ياولدي ادفع عني هاليوم وانا اذا رجعت اعطيك فلوسك حنا بديره بعيده ومالي الا الله ثم انت ….تخيلوو زوجي وش سوااا ااااه ياقلبي راح علم امه وخواته وزوج اخته والله يابنات سوونا ذاك اليوم مسخره انا لما شفت الوضع كذا سالت امي وش فيه قالت امي هم يبوو يروحو امي ماقالت لي الصدق وانا انادي زوجي اقول وش فيه يعصب ويصارخ علي والله يابنات انه بصق بوجههي قدام الكل وانا حامل وحالتي حاله الوضع توتر بشكل فضيع وكل بسبب ام زوجي الله حسبيها والله يابنات تروح لشاليه الرجال تعبي راس ولدها والله زوجي ذاك اليوم انسان مااعرفه يصارخ ويعصب ويتكلم …المهم انا هنا فقدت اعصابي وصارخت عليهم كلهم قلت انتو من يوم جينا ماانتم طبيعين جاء زوجي قدام اهلي واهلي وتكلم علي قال كلام والله يجرح وقاسي انا على طول تعبت وطحت على الالارض شالوني اهلي ودوني المستشفى وقالو السكر عندها 52 ونفسيتي زززفت تخيلو امه قالت له قدام الكل امشي روح لاتجلس وانا زوجته طايحه والله يابنات انه خلاني وراح وابوي يتصل عليه واخواتي وامي جت امه قالت لاتتصلو عليه انتو طفشتوه والله والله والله انا بالمستشفى طايحه وهو اخذ اخوانه وراح جالس ع البحر ولما رجعت الشاليه امه ماخلت كلمه وولدي وولدي ..اهلي شالو اغراضهم يبو يروحو وانا مالي مكان بسيارة اهلي نهائيا اضطريت انتظر زوجي لما يجي وروحت معاه وانا معاه بالسياره معاي وحده من خواتي والله يابنات مو معبرنا بس يتكلم مع امه واخوانه بتقولو ليه اهلك مايتكلمو امي مريضه بالقلب وابوي مريض واخواتي شخصايتهم مثلي ضعيفات ……………………..اااه ياخواتي لما وصلت بيت اهلي نزلت اختي وانا بقيت بالسياره ابي اتفاهم معاه ليه كل هذا ووصلنا بيتنا وسالته ليه كذا سكت وجلسنا اسبوعين مانكلم بعض وسار عندي موعد بالمستشفى ورحت قالو لي الطفل فيه تشوه وطلعت من المستشفى بكييييت لمااا قلت اميييين وزوجي يسالني وش فيه وانا والله خانقتني العبره واقول كله منك انت السبب ورحت عند اهلي ونزل هو معاي عند اهلي طبعا اول مره من يوم جينا من البحر وارتميت بحضن ابوي وابكي وابوي وامي يهدوني وهو واقف والله اخوي يقول زوجي دموعه بعيونه.. ووداني ابوي لمستشفى خاص لدكتوره جهاز ثلاثي الابعاد وقالت مافيه شي الجنين بحاله ممتازه والله يابنات ابوي من الفرحه اتصل عليه وطمنه بدل ماهو الي مكان ابوي ويوديني ويطمن اهلي علي … رجعنا البيت وجاء زوجي واعتذر من اهلي ورجعت معه البيت ونسيو الموضوع الاانا مع انه عدا عليه سنه الااني كل يوم اذكره واحنا بالبحر وولدت وللحين مو قادره انسى كيف طاوعه قلبه ليه ليه كل هالحقد بقلوب الناس والله حتى المنطقه الي فيها البحر كرهتها وكرهت البحر وكرهت الطلعات ……… ساعدوني كيف انسى يمكن هالذكرى سخيفه بس والله موجعتني ………..
اشكركم
حاولي تنسي وحطي افضل الحل عشان تنسي
يكفي انه عرف انه غلط واعتذر لكي
عليك بالصبر عزيزتي وحاولي تنسي اللي صاار { اللي فات مات يالغاليه}
ربي انعم علينا بنعمة النسيان لاتقولين م اقدر صدقيني تقدرين لكن حااولي ف البدايه تتناسين اللي صااار وكل ماتذكرتيه تذكري صفات زوجك الحسنه وروحي توضي وافرشي سجادتك وصلي ركعتين وادعي في سجووودك واسألي الله الراحه والطمأنينه ف حيااتك …
وتعوذي من الشيطان الرجيم
يعني كل خطا تعلمك بقاعده جديده وماعاد تغلطين
اذا بغيتي تطلعين لااهلك روحي بروحك والا انتي وزوجك
واتركي اهله ينطقوون
اذا جا منه الريح سده واستريح
اذا من امه المشااكل سكري الباب والجهه من عندها وارتاااااااااااااحي وريحي
وابدي بفرمتت زوجك من اول وجديد وخليكي شاطرة واملكي قلبه
وانسي الموووووووووضوع
وبالعكس اذا اهله زي ماتقولين المفروض تكونين انتي الجنه البارده عليه عشان يلجا لك متى ماحس بالضيق ؟؟؟
واسعديه ودلليه قد ماتقدرين
واضحكي وانبسطي
بتعيشين حياتك عشان هذا اليوم راح تموتين وانتي تعيدين وتزيدين
بس ودك تعيشين وتنبسطين افتحي صفحه جديده واثبتي لنفسك انك قووويه واذا ذكرتي الموضووع استغفري لربك وخليك اقوى اقوى
والله يسعدك
ويتربى النونو بعزكم
وبتصير في مشاكل بينكم بسبب هالموضوع ,, خلاااااص الي فات مات وانا اشوف بالنسبه للي ذكرتيها القصه كل المشاكل بسبب أمه مثل ماقلتي يالله بس أغلب المشاكل الزوجيه بسبب الاهل خلاص مثل ماقالت اختي سندس انتي حاولي تبعدين عن اهله وامه بالتحديد خصوصآ لما تطلعون مع بعض يعني حدها زيارت وبس لاتقطعينها بالمره لا بس زياره بالبيت وفي المناسبات وأهم ماعليك الحين زوجك وأولادك وبيتك وانسي الي راح وصدقيني خبر ان ولدك سليم والحين لما ولدتيه المفروض انه ينسيك كل شيء من الفرحه هونيها وتهون بس انتي اذا جلستي تكبرين السالفه الي مر عليها سنه بتكبر وماراح تنسينها ,,,, ربي يوفقك ويخلي لك زوجك واولادك ..
قولي يارب طهر قلبي وشوفي النتايج والله احسن من كلام اكبر استشاري اجتماعي