*** الجزئ الاول***
تعريف ببعض الشخصيات :
– ملاك : حنطاوية , طويلة, اكثر جمالها بيعونها المرسومة الي فيها نظرة غرور .. شخصيتها يغلب عليها الهدوء والثقه بالنفس وهالشي يخليها بنظر الي ما يعرفها مغرورة .. لكن بنفس الوقت مرحه وحساسه واجتماعيه ..متفوقه بحياتها الدراسية وكل همها دراستها .. وهي الحين بأول ثنوي ..
– ساره : بيضة , طويلة :,جميله جدا .. شخصيتها يغلب عليها الهدوووء ومب اجتماعيه .. حساسه جدا .. تصير صديقة ملاك الروح بروح من الصغر ومتعلقه فيها كثير .. مستحيل تشوف ملاك بدون سارة او سارة بدون ملاك ..وهي ايضا باول ثنوي ..
– منى : بيضة وطويلة وتصير بنت خالة ساره , وهي عايشة قصة حب مع اخو ساره (علي) والكل يدري فيهم انهم يحبون بعض
في منزل سارة :
كانت سارة وبنت خالتها منى قاعدين يخططون في مقلب يسوونه في صديقة منى ..
– منى : ساره خلينا نسوي لها مقلب بجوالج لانها ما تعرف رقمج
– ساره : اوكي عطيني رقمها بتصل عليها
– منى : اوكي الرقم *******
اتصلت ساره على الرقم من جوالها وبعد لحظات ترد البنت ..
– البنت : الو ..
– ساره : آلووو << مع تغيير صوتها بنعومة
– البنت : من معاي
– ساره : آآمم انتي ما تعرفيني ولا انا اعرفج بس متصله فيج اوصل لج رسالة
– البنت بخوف : رسالة شنو
– ساره : بصراحة اخوي شافج بالمجمع واعجب فيج وما ادري من وين حصل على رقمج وعطاني اياه عشان اتصل فيج واخبرج بأعجابه ..
– البنت بصراخ : شنو تقولين انتي بلا قلة ادب
– ساره: لا تصارخين الذنب مو ذنبي .. اخوي الي معجب فيج
طراااااااااااااااااخ << البنت سكرت التلفون في وجه ساره
لكن لحظات قليلة وتلفون سارة يرن ويرن برقم مجهول وترد ساره عليه…
– المتصل : مرحبا من معاي ؟!<< صوت خشن
– ساره بتوتر : انت متصل من بغيت
– المتصل : انتو متصلين بأخت رفيقي ومأذينها واخوها عطاني الرقم عشان اتصل و اشوف هالاستهتار
– ساره وقلبها يضرب من الخوف : مسامحه اخوي بس احنا ربعها وكنا مسوين فيها مقلب
– المتصل : انتو اطفال تسوون هالحركات الي توديكم في داهيه
– ساره : لا خلاص باي .. وطرااااااااااااااااااخ << سكرت التلفون
منى كانت تنتظر ساره تفسر لها الي صار بالمكالمة , وساره وجها صار احمر وبتصيح
– منى : شصاير خوفتيني
– ساره : كيت وكيت وكيت … خبرتها الي صار
– منى : خلاص خلاص ما صار شي انه بتصل بصديقتي الحين واتأسف منها
– منى : ويالله انا بمشي الحين لان صوت امي تناديني بنرجع البيت
– ساره : باااايو
التفت ساره بنعاس تشوف الوقت شافت انها صار 12:00 مساءا ..
راحت لبست ملابسها النوم وحطت راحسها على مخدتها وراحت في سبات عميييق ..
…
الساعه 7:00 صباحا
ترن تررررررن ترررررررن ترررررن << كان ها صوت جوال ساره
– ساره وهيا تتقلب : اففف اكيييد ملاكو المزعجة شنو تبي متصلة من الصبح
– ساره ترد على التلفون واهيا مسكرة عيونها : ملااااااك خيلي انام تكفين اليوم اجازة
– المتصل :….
– ساره بعصبية : تكلميي متصلة تزعجيني وتسكتين
– المتصل : مسكينة هالملاك ظلمتينها
– ساره بصدمة :أأ ….
نهاية الجزء…
ادري انه قصير وبدون احداث ولكن مجرد تعريف بسيط ببعض الابطال
الساعه 7:00 صباحا
ترن تررررررن ترررررررن ترررررن << كان ها صوت جوال ساره
– ساره وهيا تتقلب : اففف اكيييد ملاكو المزعجة شنو تبي متصلة من الصبح
– ساره ترد على التلفون واهيا مسكرة عيونها : ملااااااك خليني انام تكفين اليوم اجازة
– المتصل :….
– ساره بعصبية : تكلميي متصلة تزعجيني وتسكتين
– المتصل : مسكينة هالملاك ظلمتينها
– ساره بصدمة :أأ ….
كان صوت رجالي عالخط << ليش عطر مثلا =)
– المتصل : وين لسانج الي مادته من شوي الووو
– ساره : من معاي
– المتصل : ما تذكريني
-ساره بعصبية : لا
– المتصل : انا الي كلمتج امس لما سويتي المقلب
– سارة بأستغراب : اخوي نعم بغيت شي قلنا لك احنا ربعها وكنا مسوين مقلب
– المتصل : بس انا متصل لج انتي
-ساره :!
– المتصل : بصراحة عجبني صوتج وحبيت اكلمج
-ساره بتوتر : لو سمحت بلا قلة ادب ولا تتصل فيني مرة ثانية
-المتصل : مب قلة ادب بس انا فعلا اعحبت فيج وابي اكلمج
– ساره : اسمع مابي اكلمك يعني مابي ولا تتصل مرة ثانية فهمت ولالا
– المتصل : لا ما فهمت , وعلى فكرة انا اسمي احمد , ترى انتي مبين عليج خايفة
انه راح اخليج شهر تفكرين في الموضوع وبعدها راح اتصل اسمع قرارج تكلميني او لا ..
-ساره : انت ما تفهم اقول لك ماااااااااااااابيييييييي
– احمد : لالا بعد شهر راح اسمع الرد وفكري زين لان اب اسمع رد ايجابي
– ساره : لا ما بتتصل يا ويلك ترا .. وطراااااااااااخ << شكلها متعودع تسكره جدي بدون باي
شاب مخلص دراسته وعمره 22 بس ما يشتغل وحاليا يبحث عن شغل
حنطاوي وعيونه عسليه وطويل .. وراعي بنات وفله ومشاكل
ظلت ساره تفكر بخوف وحيره وشنو هالمشكلة الي طاحت فيها .. كانت خايفه هالانسان يأذيها ..
وبدون تفكير زايد قامت لبست عبايتها وشيلتها وطلعت من بيتهم تمشي لبيت صديقتها ملاك الي كان
قريب من بيتهم.. ولما وصلت بالصدفة لقت ام ملاك طالعه ..
– ام ملاك: هلا سارة حبيبي شلونج
– ساره : تمام خاله ألا وينها ملاك شكلكم طالعين
– ام ملاك : لا والله انا طالعه عندي شغل وملاك داخل بغرفتها
– ساره : خلاص راح اروح لها
ساره وهي داخل غرفة ملاك :
– ساره واهي تنط على سرير ملاك: ملاااااااااااااااك قومي وشوفي المصيبة الي طحت فيها
– ملاك وهي منصدمة وفيها نوم : ساره ! شصاير شفيج
– ساره : السالفة ……… خبرتها بالسالفة كامل ما عدا المكالمة الاخيرة
– ملاك بحماس : ييييييييس خوش مقلب .. رفعتين راسي يا صقيقتي الجميله
– ساره : صج انج وحده فاضية ..
– ملاك :؟؟
– ساره: المصيبة ان الصبي نفسه اتصل فيني اليوم وقعد يخربط علي ويقول عجبته ويبي يكلمني ولا يفوتج اسمه احمدوووووه
– ملاك بعصبية : لااااااا والله وايد واثق انج بتكلمينه يعني
– ساره: ملاكو طلعيني من هالمصيبة
– ملاك : والله يا سارة ان كلمتين او عطيتيه ويه يا ويلج ومن الاساس لا تردين على رقمه فهمتي
– ساره : انزين لا تزفين
– ملاك : الشباب مالهم امان واكيد هذا يبي يلعب , يتصل يدافع عن اخت رفيقه وبعدها يتصل يبي يغازل اكيد انه اهبل
– ساره : خليه يولي عنج الحين , وعطيني الدفتر حقج بنقل الواجب ما حليته وبكرة بتزفني المعلمة ..
نزلوا سارة وملاك من الباص ومشوا لداخل المدرسة متوجهين للصف حقهم .. وهم دائما يوصلون قبل نص ساعه من الطابور الصباحي ..
– ملاك وهي داخل الصف : السلاااااااااااااااااااااااااااااااااااااااااااااا اااام
– ساره : وجع هلكتين اذني
– ملاك تكفخها : عسل عسل صوتي
– ساره بنص عين : شدخل العسل في اذنيييييي .. اقول بعدي عني بس
شوي تجي زميلاتهم نور تركض وتنط على ظهر ملاك ..
– نور : حبييييييييييييبتي فرندتي
– ملاك : اخ اخ يا ظهري تحسب نفسها ضعيفه وتنط علي , اخرتها بتكسر
– نور اصلا انا ادور احد اطلع وناستي عليه
– ملاك : يالا الهوووول نور مستانسة يا عساه دوم بدل هالبرطم الي تمدينه كل يوم علينا
– نور : رجلي الاهبل << تقصد حبيبها الي تكلمه ..
– ملاك : شفيييه بعد
– نور : امس زفيته زف خليته يتأدب
– ملاك: والله هالمسكين داعيه عليه امه ليش زفيتيه
– نور : امس راح استلم شهادة تخرجه وقاعد لي مستريح في البيت يقول ما يبي يكمل جامعه .. قلت له شوووووف يا تكمل جامعه ولا اني ما بتزوج واحد ما عنده شهاده جامعيه
– ملاك : زين سويتي ,, اذا زفيتينه على هالسبب تمام ,, بس ارجوش رحميه من هالعنف الاسري
– نور: الا وين رغد ؟
– رغد واهيا تدخل الصف : وش فيها رغد هالفقيرة المسكينة
– نور بهجوم : نسأل ولا ما تبينا نسأل
– رغد : جب جب وامشي خلينا ننزل للطابور
التعريف بشخصية نور :
نور تصير زميلة ملاك وسارة بالمدرسة , جميله جدا وشكلها ناعم ولكن حركاتها قمة الهبالة والدفاشة , لما تعصب تعصب ولما تنستانس تستهبل , عاطفيه جدا وتتعلق بالي تحبهم كثير , تحب شخص ( علاء) تعرفت عليه عن طريق النت وهو ايضا فعلا يحبها , وقصة حبهم جميله على طول هواش لكن يحبون بعض بطريقة غريبة
التعريف بالشخصية رغد :
رغد ايضا زميلة ملاك وساره و نور , حنطاوية وجميلة , حساسة جدا جدا , وهي ايضا لها نصيب في الحب ,
تحب ولد خالتها محمد ولكن محمد ما يدري انها تحبه , فمحمد فقط يكلم رغد على النت والفون على انها بنت خالته فقط,
وملاحظة اخرى ان محمد راعي بنات ولعب .. ودائما يسولف الى رغد عن حركاته مع البنات !
بعد ما خلص الطابور ورجعو البنات للصف .. كان عندهم نشاط حر .. ويما ان نور ورغد وملاك وساره من أوائل الصف فكان عندهم الحرية للذهاب لأي نشاط .. وقبل لا يروحون لنشاطاتهم ..
– رغد بطفش : افففففف ما لي خلق شي
– نور : شفيش فضفضي يا بعد قلبي
– رغد : الكريييييييييييييه النحييييييييييس يلوع الجبد ما احبه
– ملاك : اكيييييد محمدووو مسوي مصيبة مع بنت وجاي يقول لج
– رغد : استكي بس لا تذكريني , امس متصلي لي مستانس وصدمني بخبر عنه
– ساره : شنو اهو حمستيني
– رغد وقريب بتصيح : …..
نهاية الجزء الثاني …
بأنتظار تشجيعكم …
بعد ما خلص الطابور ورجعو البنات للصف .. كان عندهم نشاط حر .. وبما ان نور ورغد وملاك وساره من أوائل الصف فكان عندهم الحرية للذهاب لأي نشاط .. وقبل لا يروحون لنشاطاتهم ..
– رغد بطفش : افففففف ما لي خلق شي
– نور : شفيش فضفضي يا بعد قلبي
– رغد : الكريييييييييييييه النحييييييييييس يلوع الجبد ما احبه
– ملاك : اكيييييد محمدووو مسوي مصيبة مع بنت وجاي يقول لج
– رغد : استكي بس لا تذكريني , امس متصلي لي مستانس وصدمني بخبر عنه
– ملاك : شنو اهو حمستيني
– رغد وقريب بتصيح : كان متصل لي وفرحان طاير من الفرح ولما سألته ليش فرحان يقول لي ان اهوا خلاص ما راح يكلم بنات وراح يصير جدي وما يلعب عليهم
– نور : والله زين انه عقل كنت ابي اعقله بطراق من عندي بس يا خسااااااااره
– رغد: بس هو ما عقل بس جدي
– ملاك: لا تقولييييييين حس بحبج له
– رغد : لا , بس في وحده من البنات الي يكلمهم تعلق فيها وايد وحبها صدق وترك باقي البنات كلهم عشانها
– نور بصرخ : يااااااااااااااااااااااااااااااااااااربي عطوني اياه خلوني افرمه
– رغد : والبنت الي حابنها اهيا معانا اهني بالمدرسة واسمها شوق
– نور : شوق ما غيرها !!
– ملاك: الي نشوفها كل يوم تطلع من المدرسة وتركب مع شاب غير
– رغد وهي تصيح : اي اي هاذي هي شوق الي هي اساسا تلعب عليه , ما اعرف شنو اقول له ما عرفت شلون اخبره
– نور : والله انتي هبله , هاذي البنت بتضييعه
– رغد وهي تمسح دموعها وتواصل مشيها : الا اقول لكم هو جابلي امس هديه قالي اوصلها لشوق بعد الحصة الثانية بوديها لها
– نور وهي تسحب شيله ملاك وتلفها على رقبتها : ملااااااااك اقتليني ارجوووووووج اقتليني هالانسانة بتهلكني
– ملاك وهي حايسة من نور: رغد انتي هبله ولا تهيبلين
– رغد : انجبوووا عني والهديه بوديها هاذي امانة عندي اوصلها
– ملاك وكنها ضايع منها شي : بنات وين ساره
– نور : من طلعنا من الصف كانت تكلم زهور
– ملاك بضيق : مو مرتاحة لزهور احسها قاعده تبعد بيني وبين ساره
– نور : اي والله ساره من عرفت زهور ما تمشي معاج مثل قبل
– ملاك : حتى لو ساره تمشي معاي بالفسحة تشوفينها تجي تركض وتغص نفسها بالوسط بيني وبين ساره
– رغد : وانتي كلمتي ساره
– ملاك : كلمتها بس تقول لي اهيا ما تشوف شي غريب وان انا متحسسه انها متعرفه على بنت جديده
– نور: صبري واخرتها بتنتبه لج انتي صديقتها الي ما تفارقينها
– ملاك: المهم يالله ندش نشاط الكمبيوتر
شوق بنت عندها جمال مو طبيعي جميله جدا ولكن مخربة كل هالجمال بسبب تصرفاتها تكلم شباب البحرين نصهم وتطلع معاهم والحياه عندها سهله , ومحمد شاب من الشباب الي تكلمهم للهدايا فقط وليس الحب ..
التعريف بالشخصية زهور :
زهور بنت عادية , واهيا مع صف ملاك وساره ونور ورغد , زهور عاجبتنها ساره ودائما تحاول تكون مع ساره بكل شي ..
مرت الاحداث نفسها على بطلاتنا عايشين حياتهم بين المدرسة والبيت .. ولا تخلو من زعلهم او فرحهم لأحداث بسيطة
راح نسرع شريط الاحداث ونوصلها لبعد شهر …
كانت ملاك وساره قاعدين بغرفه ساره يشتغلون على مشروع طالبينه منهم المدرسة وينتظرون نور ورغد الي راح يوصلون بعد ساعه ..
– ملاك وهي تطقطق بالاب توب : افففففففف لاعة جبدي مو محصلة معلومات
– ساره وهي تاكل : والله انا باكل شوي بعدين بكمل تعبت
– ملاك: والله نور بتقتلج اذا وصلت وشافت شغلج ما بديتي فيه .. ما عندنا وقت لازم نكمله ونعرضه بالصف
– ساره : نظاااااااام بايخ الي مسوينه اكثر درجاتنا تعتمد على المشاريع تقولين جامعه مب مدرسة
تررررن تررررررررررن << كان تلفون ساره
– ملاك : ساروووه وعله ما تسمعين تلفونج
– ساره : اكيد نور ولا رغد ردي
– ساره : يمكن رغد او نور لاني مو مسجله اساميكم بالفون حافظه ارقامكم
– ملاك: قمة الكسل
– ملاك وهي ترد : هلاااااااااااااااااااااااااااااااااااااااااااو
– المتصل : لهدرجة فرحانة بصوتي
– ملاك من الخرعه رمت التلفون على ساره : يمممممممممه
– ساره بأستغراب : شصااااير
– ساره وهي تتكلم للي بالفون : الوو
– المتصل : شفيه صوتج كل ساعه يتغير
– ساره بصدمة : أنتتتتتتت
– أحمد : وش فيج منصدمة يعني اليوم بالضبط صار شهر وانا قلت لج بتصل
– ساره : انت مجنوووووووون وانا ما عندي هالحركات
– أحمد : انا قلت لج ابي اسمع رد ايجابي
– ملاك تأشر بصدمه وتقول بالاشاره : هذا احمد؟؟
– ساره تهز راسها
– ملاك بصراخ: صكييييييييييييييييه
– احمد : من الي تصارخ
– ساره : صديقتي ويالله باي
– احمد : لا تصكينه برجع اتصل
– ساره : ومنهي الحماره الي بترد عليك؟
– احمد: انتي
– ساره : تحلم
– احمد : بنشوووووووووووف
– ساره : بايخ وبارد << وطراااااااااااااااخ
– ساره تكلم ملاك : شسوي بهالبلشة شفتيه شلون
– ملاك : شكله ما بخليج في حالج انتبهي يا ساره واحذري تحنين له وتقولين اوكي بكلمه
– ساره : لالالا باين عليه يلعب ما راح الين له
شوي ويوصل ساره مسج على التلفون من احمد : العصر ساعه اربع بتصل لج وصديقتج هالثقيله ان شاء الله ما تكون معاج