السسلام عليكم
توه صاير لي الموقف وانا لحيني مقهورة على اللي صار
اوردي كان ضايق خلقي ببسبب الامتحانات ولان ما درست امس شي
اليوم اتسبحت ودخلت غرفتي صكيت الباب وكنت عارية تماما بس الفوطة على شعري
لاتفاجأ واجوف ابوي فاتح الباب صارخت وقلت ليه صك الباب ! يقهر يعني دخل ولا طق الباب ولاشي وهو تخسي احد يدش حجرته بدون ما نطق الباب يعني نفس ما تبي ولادك يعاملوك بالادب انت بعد طق الباب وعاملنه بادب
بعدين قعدت اصارخ وهو خبر خير ! لحين قاعد يتأمل يعني قلت شكله ما يفيد الا لين اصك الباب بالقوة في وجهه بعدين صارخت عليه وسكرت الباب في وجهه الا يسويلي يا قليلة الادب تصارخين وتسكرين الباب في وجهي سكتي لا احين اكسر الباب واجي اضربك قهرني يعني قلت ليه شتبيني اسوي قلت لك اطلع وانت لحين تطالع يعني افتح لك الباب وانا عريانة الا يقول انا ما جفت شي يلا ! وهو اشكره جاف كلشي يعني يفكرني عمية ولا مجنونة مادري
واحين اعرفه بحط ذوبه وذوبي على اللي صار وانا عندي امتحانات يعني مالي خلق 🙁 كلحين ما احد يجي يكلمني اللي فيني كافيني وانا مو من عادتي اصارخ على امي اوابوي في وجهم بس لحظة غضب وانه اصلا دائما اسكر باب غرفتي هالمرة كنت ناسية
صدق ضايق خلقي بنات ساعدوني امس ما انجزت اييضا ولاشي وما باقي شي على الامتحانات ومضايقة من روحي الامتحانات ما باقي عليها شي
وامي متعبة روحها وياي وجايبة لي دروس خصوصية ولاتفاجأ في درجة الريض جايبة 10 من 20 !:( يعني نتيجة جدا غير متوقعة وسببت لي احباط شديد وانا في رياضيات دائما اجيب فوق اال 20 الكورس الاول كنت اعلى وحدة في صف وكان الامتحان جدا صعب سويت فيه زين وهالمرة الامتحان سهل وفي اكثر من بنية جابت 20 وانا جبت 10 منصدمة وما اعرف شسوي
وايضا الاستاذ اللي يجي لي تعليقاته عليي اذا يعطيني مسألة دائما يقول لي ما بتعرفي تحلينها و انتي سرحانى وانا ابدا مو سرحانة ما دري ليش الاسستاذ يقول لي سرحانة اساله ليش يسكت ! يعني اجاوب على اللي يقوله و انا معاه في شرح ويقولي انتي سرحانة واذا يعطيني مسالة تكون سهلة ويقولي ما بتحلينها يسبب ليي احباط معنى هي بعدين لين يحلها هو تطلع مسألة تافهة وسهلة بس هو يسبب ليي الاحباط انه قبل ما كنت اتحبط لما يقول هذي ما تعرفين تحلينها وبالعكس اتحداه بس احين بعد ما جفت هالنتيجة مادري احس روحي اغبى انسانة في العالم انه صحيح ما درست زين بس مو لدي الدرجة احس ساعات الله ما يحبني وما يوفقني يعني اخطائي احسها من عدم توفيق
وايضا الموضوع الثالث الا زاعجبني 🙁 هي إني احس روحي انسانة متقلبة يعني كل يوم راي جديد تعبت من نفسي والله العظيم موضوع الصلاة تعبني وصلت لدرجة إني احين اقول شكلي خلاص ما بيعتدل طريقي في صلاة ولاشي لان يمكن ولا ستين مليون مرة احاول إني اعود روحي على صلاة اوكي يوم يومين اصلي الصلوات في وقتها بعدين مرة وحدة ما اصلي ما ادري ليش سبب يعني خاطري اصير نفس الناس والعالم اصلي كل يوم لا لام يوم اي يوم ولا صلاة يوم بس صلاة الظهر والعصر وانا ما عندي أي حجة في هادا غير إني لان لين ارجع من المدرسة ساعة 3 اكون تعبانة جدا ! صراحة هو صح اللي معاي في المدرسة يرجعون نفس الوقت ويصلونها بس ناس قدرات
انه ما عندي القدرة ارجع مباشرة اصلي آكل شي وعلى ما آكل صارت ساعة 3 و 10 ومن زمان اذن العصر وبعدين اتحبط واقول خلاص اوردي ضاعت صلاة ما بصلي ااحسن
آخ مخي احس فيه الف فكرة واحس روحي مو قادرة احل ولاشي لان تعبت كل مرة اقول بحل بحل ما اجوف حل ورجعت حليمة إلى عادتها القديمة شكله مامني امل إني اعتدل
وحتى لين اصلي مادري احس اتثيقل مو بخشوع يعني جني اصلي الصلاة واجب وهذا مو من عدم محبتي لله او شي بالعكس انا احب اتامل كل يوم في نعم اللي عندي واشكر الله على كلشي بس يعني مادري شنو سبب اللي يخلي حياتي غير منظمة وايضا جربت اقعد الفجر عشان اصلي من اولها وقعدت فعلا ! بس لين اقعد يصيدني اكتئاب شديد في ليل لدرجة إني ما اقدر اصلي واكمل نومتي حتى لين اقعد حق دراسة او أي ششي اخر ما اشعر بالارتياح لين اقعد الفجر
اعطوووني حل يا عزيزاتي
وانه ما جيت فضفضت هني إلا إني واثقة منكم ما بتردوني وان شاءالله بحصل على حل مع مشكلتي مع نفسي وايضا عن ابي وموضوع دراسة الصعب لان لازم اجيب 90 عشان ادرس التخصص اللي ابيه وانا معدلي 87 فخاية اكون ما اقدر اوصله ل 90
ساعات اقول يمكن اللي يصيدني بسبب الاكتئاب وإني احتاج لعلاج
لان ابوي في هالمرض ايضا ويتعالج بالادوية
وشكرا
سامحوني جدا على الاطالة بس فعلا كنت محتاجة اطلع اللي في قلبي ولان ما عندي احد اقول ليه كل هالاشياء صديقتي وخواتي ما يحبون يسمعون مشاكل بس هم يحبون يقولون مشاكلهم
ولان ما عندي بعد الله الا انتم
ارجو انكم تطيبو اللي في خاطري ولو بكلمة
♥♥♥
توكلي على الله وادرسي
وبالتوفيق
اصلحي ما بينك وبين الله والله ان الله يصلح حالك
انتي غير متصالحة مع نفسك
مادري استنتجت انك من اسرة مرفهه وقد يكون الدلال الزايد جعلك في دوامة بحيث انك غير قادرة على اتخاذ القرارات وايضا لم تتاح لك فرص لتخوض بعض المشاكل بمفردك وانما تدخلات مباشرة من قبل الوالدين وهذا خطأ
اذا تملكين الارادة والذكاء لماذا المدرسين الخصوصين ولماذا تتركين مع رجل يدرسك هذا يحتاج منك لإجابة
اما بالنسبة لدخول والدك المفروض انك تكوني متسترة دايما دامك عند اسرتك بالامكان دخول أي شخص من افراد العائلة يمكن ابوك بحسن نية دخل وتفاجأ منك
نصيحة الفترة القادمة البسي امام والدك لباس محتشم ولا تحاولين اثارة الموضوع ولا تحطين عينك بعينه والايام كفيله تنسيك ان شاء الله وخليه درس لك لا تحاسبين ابوك ولا شيء
عودي لربك واستغفري
ان كان ولا بد من مدرسين خصوصين فليكونوا نساء رغم اني ما أييد الدرس الخصوصي لانه لابد انك تعتمدين على نفسك فلن يكون حولك معين كلما احتجت لذلك.. يمكن كلامي ما يعجبك لكن متأكدة ان كان لك ميول للدراسة فانتي قدها وتذكري قوله تعالى ( علم الانسان مالم يعلم) فالعلم من الله فاطلبيه منه وان استصعب عليك شيء امامك النت والمدرسة والكتب والمراجع كلها تفيدك في تكوين حصيلة علمية …. موفقة.
,*
كيف تبين تنجحين وانتي ماتذاكرين اصـلنّ .. ؟؟
تظمي وقتكك واتركي عنك الجوال والنت وقت المذاكرة ..
كيف تبين ربي يوفقك وصلتك فية شبة منقطعة .. ؟؟
ماالذي يجعل الصلاة ثقيله على الشخص.. نايف الصحفي
https:// الافكار الي بمخكّ اكتبها بورقها وانجزيتها بعد ماتخلصين آشغالكّ ..
&
لا إِلَهَ إِلَّا أَنْتَ سُبْحَانَكَ. إِنِّي كُنتُ مِنَ الظَّالِمِينَ ..()