رحلتي الى بريطـــــــــانيا () تفضلواا حيـــــــــااكم 2024.

السلام عليكم ورحمة الله وبركاته

حبيت اصور لكم رحلتي الى بريطاانيا بالأحر مدينة مانشستر وتعتبر عااصمة الشمال الانجليزي والمدينة الثانية للمملكة المتحدة طبعا سافرت لها زيارة فترة الصيف يعني تقدروا تقولون سياحة المهم حبيت اشارك في المسابقة واضع لكم الصور وتشاركوني رحلتي يلا ماابي اطول عليكم لان ماشاء الله الصوور كتيررة وسامحوني يامشرفيين ماقدرت اكتب اسمي على كل الصور لانهم كتاار فكتبت على بداية كل مكان مشيت له اسمي

السمــــــوحة على التقصيرر

يلاا ابدا اول شئ هادي وسط مدينة مانشستر (المدينة ) يعني السنتر

طبعا انا رحت لها بالباص (حافلة) وهادي شكله من برا

وهادي صور من الداخل

وهادي الصور في الليل لاني كنت راجعة غير حبيت نصورها من تحت الدور الارضي والصورة اللي فوق كانت من الدور الثاني مو واضحة كتيرر بس ابيكم تشوفنهاا

وطبعا واحنى ماشين للسنتر حبيت اصور لكم من الطريق وانا في الباص

ولما توصل الباص الى محطة الباصات اللي في السنتر يكون بجنبها محطة قطارات ترفع الى اي مدينة في بريطانيا

واول ماتنزل من المحطة طبعا تلاقي

وطبعا هادا حمام موجود في السنتر لكن ب 10 قروش وتدخلين شوفوا التطور مهب عندنا حنا يالله بالسيف عشان تلاقين حماام في السنتر

وهذا محل اسمه بريمارك وتوجد فيه ملابس افري دي يعني اللي تستخدمينها كتيررر واسعااره موب غالية متوسطة

وهادي محطة تانية في نفس السنتر مو بعيد على الاولى بس طبعا القطاار عندهم يمر في وسط النااس بس غريبة ماتصيرر حوادث الله اعلم

وهذا طبعاا الدبنهامز اكيــــــــد تعرفونه بس هذا كبيرر مرة في منه فرووع كتيرة وهذا اللي في السنتر

اول ماتدخلين للدبنهامز

هادم جيهة الاكسسورات وحبيت اصورهم لكم تصدقون يوم شفتهم عجبووني مرررة وشوية دخت من كتر حلاهم بس مسكت نفسي قلت عيب <<ههههههههههه

وهادي وسط الدبنهامز طبعا تقريبا هوا على ثلات طوابق الطابق الارضي مكياج, اكسسوارات , شناطي ,رواائح

اما الدوور الثاني فيه ملابس نساء والدوور الثالث ملاابس اطفال وملابس داخلية للنساء بس انا ما صورت الا الدور الارضي

وهادم الكراسي عشان اذا تبين يجربون لك مستحضراتهم وانتي بعدين اذا عجباتك تشتريها واذا لا عادي يعني على راحتك مثلا : مكياج , كريم اساس اي شئ وكل شركة لحاالهاا وكراسيهم لحالهم وهادي اح
الشركات بس مااعرفهاا

وهادي في السنتر من براا

وهادي مانشستر اي موجودة قدام مول الارنديل تجيكم صوره بعدين وطبعا نفس اللي موجودة في لندن اذا تعرفونها بس هادي في مانشستر

طبعا عااد انا لما شفتها ماقدرت اقااوم فرحت وركبتهاا

وبعد ماخلصت من مانشستر اي رحت للمول وهذا مول كبير موجود في السنتر اسمه ارنديل وموجود فيه عدة اسواق منها المنسون او ماركس سبنسر و نكست واسوااق كتيررة

وهذا المنسون من الداخل

وهذا ابل الموجود في السنتر مزال في واحد تاني في مول تاني اكبر منه وان شاء الله تشوفونه بس مو الحين

وهذا محل يبيع كتب منوعة يعني اللي تبغيه تلاقينه بس بالانجلش

وهادي شكلهم مسوين دعااية بس ما عرفت دعاية ايش اذا عرفتوا قولولي

^_^

وهذا محل مواد منزلية يعني اللي تبغينه تلاقينه

وهذا ممر يرفعك لماركس سبنسر ومحل تاني اسمه سلفردجس
في نفس الارنديل

وهادي في السلفردجس جيهت مكياج مااك

وهذا ماركس سبنسر

وفيه باب يفتح لبرا فقلت اطلع واوره من برا احسن

وهادي مكان خاص للمطاعم وموجودة فيه معظم المطاعم بس مو كلها
في ماكدونالز وكنتاكي وسوب واي ومطاعم تانية مااعرفهاا

وطبعاا بعد الدوران وبعد مالفينا السنتر كله وبعد التعب شرينا وجبة من كنتاكي وبعدين رجعنا

وبكذا انتهت مشيتي للسنتر

وان شاء الله راح احط مشيتي للأزدا وهيا سوبرماركت حق مواد غذائية

عشاان تشوفون اسواقهم (جمعياتهم) كيف

اسفة طولت عليكم شوي

لعدم توفر النت

المهم

خلينا نبداا

طبعا هوا مثل المربع موجود فيه السوبرماركت (ازدا) ويسمونه ازدا هيوم لانه يقع في نفس اسم المنطقة وفي نفس المربع فيه زي الماركت اسمه ارقس وهو عبارة عن مخزن فيه كل شئ من مواد منزلية اثاث والكترونات والعاب حق اطفال وكل شئ بس تطلبين اللي تبغينه عن طريق كاتلوج يعني تاخدين الكتالوق حقهم وتلقين فيه بضائعهم وتختارين اللي تبينه وتروحيلهم وتكتبين الرقم وتشتريها المهم شكلي دوختكم معايا وان شاء الله بس تكونوا فهمتوا وفيه محلات اخرى بس مااعرفهاا المهم خلونا الحين اوريكم الجمعية (السوبرماركت) اول شئ هادي اول ماتدخلين للمربع

وهادي جيهة الكراريس (العربيات ) حق السوق طبعا حنا بعد مااخدنا كروسة (عربية ) رحنا نتسوق

ولفينا في كم صفة

بالله شوفوا مو متلنا حنا هادي جيهة الكيكات الجاهزة يعني تقدري تاخدينها وتحطينها في مناسبات عاادي وطبعاا اسعار مو غالية يعني عادية جدا

وهادي كيكة سبوونج بوب حبيب الملااايين <<ههههههههههه

وبعد اللف والدوراان كانت كروستنا (عربيتنا) كذا بس هااا ترا انبهكم راكم تاخدووها بعين قل اعوذ برب الفلق<<ههههههههههه

^_^

وبعد ماخلصناا (حاسبنا)

وطبعا في نفس السوق مسوين قسم فيه مطعم واحد وهوا ماكدونالز

وبكذا اكون خلصت مشيتي للأزدا

وان شاء الله مرة الجاية راح انزل صور الحديقة اللي رحت لها