رد:ضرتي الطيبه الطبيب يجيب 2024.

* باحاول استوعب وما اظلمك ان شاء الله *

تعرفي لما احد ييقولك يالله يالله تراني اسكتك وانا اكتب بس عشان تسكتي عني ،، هو ذا اللي احسو بعد ما قرأت ،، انا ماني جاية اضيقك عليك عيشتك ! اصلا وش بستفيد لا اعرفك ولا تعرفيني ! والله اني لك ناصحة ومعاتبة اسلوبك ،، حتى لو نصيحتي ماكانت مثل ما تتمني واسلوبي كان مستفز لك انا برضو اسلوبك وحكيك عن الناس ماكنت اتمناه منك ،، فاق كل تصوراتي ،، كنت احسب الناس والازواج مايتكلمون كذا وكنت احسب الزوجات مايرضون بالغلط حتى لو كان ما يمسهم تأييدك له يقهر يحرق ماحسيتي انه غلط حرام
انتي حاسة انه غلط الان ولا لا ! حتى لو وقف يمكن يرجع وانتي تايدي ولا كأنه غلط قناعاتك ايش ،، لا تكوني إمعة عشان انتي بس تحبيه وتبغيه لك لوحدك ،، خلي لك قناعات تمشي عليها مباديء من جد ،، الانسان بقيمه بـ مبادئه مو الشكل ممكن لا سمح الله يتلف شكلك او شكل زوجك طيب وبعدين بيبقى شيء تقولي انو حلو او يمسك زوجك لك لا طبعا ممكن يجيب ويتزوج وحدة احلى منك ويصير يتكلم عنك الحياة تدور والله تدور ،،انتي بس عشان اللي قدامك مانتي قادرة تحسبي حساب للمستقبل ،، اللي يتكلم عن الناس يجي يوم يتكلم عنك فيه ما تضمنيهم والله ،، اللي يجي يسب فلان قدامك بكره يسبك قدام علان *معروف مو شرط زوج حتى لو صديق ،، اي احد يسب احد قدامك والله راح يجي يتكلم عنك لان لسانه مفلوت ما احد دقه على خشمه عشان يسكت*

من جد لو تفكري الله يمهل ولا يهمل ممكن ربنا يسخرها حاجة او شيء يحليها اكثر منكم ،، او يبشعكم وتصير بشكلها ذا اللي شفتو قليل تكون احلى منكم * هنا من جد راح تتعور قلوبكم لو بيوم تكون امنيتكم تكون نفس شكلها لانكم صرتو ابشع او تتمنو حاجة عندها لانكم فقدتوها * ،، لا تسخطو رب السماء عليكم ،، انتو اتريقتو على خلقة خلقة الخالق لا تضمنو مكر الله ،، في قصة اصحاب الجنتين بالقرآن شفتيها انتي ،، وقصص كثيرة بالقرآن والاحاديث وبالتاريخ كمان محد اتريق على احد وعدت له سليمة لازم يبتلى وكمان بعصرنا ذا كثير ناس اتريقو على ناس وصارو اخس منهم ! قدامك انا مثال اتريقت على شخص وصرت اخس منه ،، وعارفه نفسي واستمر تعرفي كل ما احاول اترك ازيد بلاء درس ذنب التريقة والله ، ضحكت على كثر ذنوبه وانا شكل الحين ذنوبي اضعف الالآف من حسناتي والله قلبي يعورني اني صرت اخس منه هو اللحين يتحسر علي وانا بنظره اني اكثر انسان غلطان *نفس النظرة رجعت علي* انا ما اتشكى بس باقولك مرارة الشيء اللي انا احس فيه مو بصالح احد جربتها لدرجة ما اقبل ولا اتساهل مع احد يتريق على احد قدامي لاني لما اتريقت الكل صفق لي ولا قالي غلطت تماديت لدرجة ابتليت ،، ما ابغى اصفق لك عشان لا يجي يوم تحسي بنفس شعوري وتتحسبي ما قلت لك انك غلطتي !

حبيبي لا تغتري انتي جوات المشكلة ومنضغطة وحاسة كل شيء ضدك وممكن تخسري ،، كلنا جوات مشاكلنا ما نحكم عقلنا انا عارفه شعورك ،، هو اللي بعيد ويشوف المشكلة من كل الزوايا يقدر يصدر حكم عليها ،، صدقيني

مشكلتك مو الزوجة الحامل ابدا ،، انتي حطيتي انها المشكلة والتهمة لا صدقيني مو هي ،، المشكلة الاساسية من قبل ما يرجع زوجته ،، لو فكرتي فيها المشكلة تقضي عليها من جذورها عشان لا تتكرر الحل اللي لنص المشكلة ايش ابغى فيها ابغى المشكلة تروح من اساسها ! عشان لا تتكرر ،، المشكلة هو للاسف زوجك ،، ماعدل من البداية بينكم ،، لو عادل ماحس بالذنب لو عادل ما خلاكم كذا لو من البداية انتي ما تبعتيه وتقولين له انت صح او غلط وقت الصح والغلط لو وريتيه انك مانتي ظالمة ولا ترضين بالظلم لو كنتي ما تتصرفي بطفولية قدامه لما يسب تسبي ولما يتريق تتريقي لو سكتيه هو مو بس بيسكت عن الحرمة بيخاف يسوي هالحركة فيك بيخاف من ظلمك والتقصير بحقك بيحسب حساب لانك انتي ما ترضيه ويعدل غير ان ربي يجازيك لانك تساعديه يعدل ربنا يسخره لك بنيتك النظيفة وتكبرين بعين زوجك من جد !

هو عارف اللي بيقوله انتي بتأيدي فعادي عندو ! من جد انا ما اشيشك على زوجك ولا تروحي تشيشي على نفسك وتخربي بيتك بغباء خلاص من اليوم لما يقصر بحقها ارسليه يسوي تكبري بعينه ولا ترضي له وهو يقولها فلانه رسلتني لك هي بترسله لك لو قصر اتعاونو على كذا وربي راح ييسر لك ما اقولك حبيها وكمان هي زوجتو ما تقدري تاخذي كل الوقت يومك تاخذي كامل لا تنقصي منو شيء ويومها ماتخليه يجي عندك عشان يعرف ان الله حق مو على كيفه لما يشبع من وحدة يراضي الثانية وعشان يعرف ان وراه حريم مو على كيفه يقصر

لا تعاونيه يقصر ماراح يقصر بحقك ان شاء الله والله فوق يعوض صدقيني وهي اكيد ماراح تخليه يقصر ،، وانتي قولي لو اكرم فلانه واكرمني وكذا يعني المهم لا يشوفك تظلمي عشان لا تنظلمي ممكن صعب تتقبلي رأيي بس لا تاخذيه من ناحيتي خذيه بعد ما تفكري كويس ،، على اني صعب اشرح مقصدي ياليت فهمتيني وتحاولين تفهميني على الرغم من اللي قلته سابقا !

كنت اتمنى انك توصفيها بالطيبة من قلبك مو من وراه حتى لو كانت كل الشر واحتسبتيها كلمة ذكر وكلمة خير لها من قفاها لعل الله يسامحك ويرزقك بها طفلاً !