روايه لا تلوموني على حبه ، لوموا قلبي اللي تعلق في 2024.

..

عُمرِي مَآ بَنيـت عَلآقتِـي

عَ المصَآلِـحْ ،، ! 3-|
وعُمرِي مآ استغَلِّيتْ أحَدْ ،، |
هَذا أنَا بَعضْ أوقَآتِـي /
{ ابقَى وُحِيــدْ } ! |||
لأنِّي مَآ تَعلَّمتْ أجَآمِل أو آسَآيِرْ
{ أحَــــدْ } >||

مقدمهة : الجزء الأول !!!!

…… ميثـآ تحآجي جميله اختهـآ : مدددري .. أسألي امممي
جميله : أبي أروح عند عمي معاااذ .. والله وحششني مرره ..
ميثـآ :مآلت عليج .. إنتي كملي درآستج أول .. مدري متى بنرجع الصرآحه .. كل هآذي المده قآعدين عند يدتي ..
جميله : سمعت ابوي يقول … إنهم بيسآفرون المـآنيـآ علشان يعآلجونهـآ .. صح ولآ ؟
ميثـآ متنرفزه : أعلم الغيب آنا ؟؟؟ اففف ابي أنآم وبنفس الوقت مآبي انآم .. يا الله !!
جميله : هههه السآعه الحين 12 ونص !! المهم تصبحين على خير ..
ميثـآ وإهي ع البلآك بيري .. وصلت لهآ رساله .. فتحتهـآ
" ميثـووه آنا أحبج كثييير ،، قد السما والأرض والعالم وأكثر ….
يله تعآلي غرفتي أشوف يالجذآبة "
ميثـآ تأففت وإهي معصبه وردت عليه : " كل تبن ،، سآمج تدري ؟ "
وصكت البلآك بيري وحطته ع الطآوله وحطت ييدهآ ع خدهـآ ونآمت ..

هآذي صور خيآليهه ل شخصيـآت الروآيهة ..

بعد مرور شهر ونص شهر ‘

…… فتحت مريم عيونهآ ع صوت المنبـهه بعد ما فزت .. صكته بقو وقعدت ع السرير ثم قآمت تتروش .. بعد دقآيق لقت اختهآ فآطمه قآعده تنطرهآ ع السرير وكآنت لآبسه لبس المدرسه ..
فآطمه : يلا ترآ بنرووح ..
مريم تنشف شعرهآ : وليش جذي مستعيليين ؟ ترآ توهآ السآعه 7
فآطمه : ههه انتي ماتعرفين شي .. انتي مدرستج غير بس أنا مدرستي غيير ..

مريم تنآظر فآطمه اللي كآن مريولهآ
قميص رمآدي مخطط وتنورهه قصيره اسود كحلي .. ومآسكه الجآكيت ب ييدهآ اللي لونهه من دآخل ابيض مخطط بخطوط رمآديه ومن برآ أسود كحلي عليه خط ابيض من الأطراف ..

مريم: انزيين طلعي برآ .. آنا بجفف شعري وبرتبه وبنزل تحت ..

فآطمه ابتسمت وطلعت برآ .. : لآ تتأخرين ..

…… ريآم نزلت ل غرفهه الأكل وقعدت ع الكرسي : مآ تأخرت ..

روآن : الحمد لله ، توقعنآج نآيممه للحين ..

ريآم : الصمت هيبه ..

روآن لفت عنهآ وكملت تآكل ..

ريآم : شلونج يممه ؟

ام روآن : الحمد لله طيبه ..

ريآم : أبوي وين ؟

ريف : طلع من نص سآعهه ..

ريآم : وريهآم وين ؟

ريف : طلعت ل المدرسه . ابوي بيوصلهـآ ..

ريآم : وآنا منو بيوصلني ؟

ام روآن : انتي خلصي الحين ، وبتوصلج اختج روآن وإهي رآيحه للجآمعه ..

ريآم : اوكي ..

…… ميثآ ترتب شعرهآ : وبعدين شنو ؟

جميله تشوف ساعتهـآ : سبع ضضضبط ..

ميثـآ التفتت ل جميلهه : سبببع ؟ حلفي اننتي ؟ ماما بيوقعونج متأخر ! يلله قومي نروح ..

جميله : ههه زين يوم تذكرنا الوقت .. الطريق لوحده بعيد ..

ميثآ خذت شنطتهآ وجميله .. وطلعوا ل تحت ..

دخلوآ الصآله .. ميثآ : صبآح الخير ..

الموجودين : صبآح النور ..

جميله : يلله يممه نرووح .. ترآ بنتأخر ..

قآمت ام فآرس ومشت مع بنآتهآ لبرآ الفله .. ركبت جميله السيآره وأم فآرس شغلت السياره .. ميثآ قبل ما تركب شآفت ولد عمهآ .. " خآلد " كآن مستند على بآب سيارته .. وحآط السماعات على اذنه .. ميثـآ حطت شنطتهـآ ف السيآره : اصبحنا واصبح الملك لله !!!

ومشت ل عند خآلد .. سحبت السمآعآت من اذنه ..

ميثـآ : أول سنهه لك ب الجآمعهه وقول لي ما بتدآوم ؟

خآلد يطآلعهـآ : اييه مآبدآم اليوم ..

ميثـآ :لآ والله ؟ ليش ؟

خآلد : بس جذي .. يلله روححي ميثووه ترآ آخر سنهه لج .. شدي حيلج

ميثـآ لفت عنه ومشت وإهي تقول : لعنبووه من حيل ما انقطططع .. المههم شعرك حلو ..

خآلد يطآلعهآ وحط ييدهه ع شعره .. وابتسم بهدوء … : دلخخه هاذي البنت ..

…… مريم نزلت من السيارهه وقآلت بهمس وإهي معصبه وكآنت تنآظر بعيونهـآ ع طرف : الله يكفيني شرهآ ي رب ..

وقفت عند البوآبه و دخلت دآخل .. كآنت المدرسه هآذي منظمهه وهآديه رغم زحمهه البنآت ..

مرت على لوحهه الأسماء وقرت اسمهآ " مريم حمدآن …………….. – 11b "

رآحت ل الصف ولمآ وصلت دخلت وقعدت ..

…… ريآم دخلت المدرسه .. لمآ دخلت ل دآخل في ثلاث بنآت تقربوا منهآ وسلموا عليها وبعدهآ رآحت ل اللوحهه ورآحت ل صفهآ .. دخلت الصف ولقت مريم وقعدت يمهآ

ريآم : صبآح الخير مريوممه ..

مريم رفعت رآسهآ وابتسمت مجامله : صبآح النور ..

ريآم تطالع البنآت : ههه اخوآت مصطفى عندنآ هنآ .. " وقعدت " شلون الإجازه حبيبتي ؟

مريم بهدوء : عآديه ما فيهآ شي مهم .. وإنتي أجازتج شلوون ؟

ريآم : همم كانت اوكي ، وأكثر شي كآن مع بنآت خآلتي .. جد اشتقت لههم ..

مريم ردت تنآظر ل قدآم .. : وحبيبج ؟

ريآم منصدمهه : شقآيل عرفتي عننه ؟

مريم : لآ تسأليني شلون ، آنا بس سألتج حبيبج شلونه وبس .. ما قلت لج قولي لي كل شي ..

ريآم : انزين قولي شقآيل عرفتي ؟

مريم : سمعت من وحدهه ..

ريآم تنآظرهآ ب نظرآت : منو هآذذي ؟

مريم : خليني سآكته ..

ريآم : لييش تسكتين ، قولي لي .. مريوم لا تستهبلييين .. ياااه

مريم التفتت لهآ : اشجعج ؟ يعني إنتي تعرفين إننج غلططآنهه ؟ وبالرغم من كل هآ تسوين الغلط وعآدي عندج ؟ ولآ اقول لج ، أسكت احسن لي .. أنا شكو فييج .. موب آنا رفيجتج إللي من 12 سنهه ويآج ..

…… ابو نوآف طلع من غرفته وإهو يمشي ويتكلم ع الفون : لآ .. إن شاء الله ع السآعه خمس أو قبلهآ بنص سآعه كل شي بيكون جآهز .. ما عليك إلا إنك تيي وآنا أكمل لك ف الطريق …. ربي يحفظك … فمان الله

ابو نوآف رتب شماغه ونزل ل تحت : نوآف ؟ نوآف ؟ …..

نوآف من بعيد : هااا يببه ؟

ابو نوآف مشى ل صوته ولما لقآه : هاه ي ولدي .. نآوي صج على هاذي السفره ولآ ؟

نوآف : الحمد لله يبه الدوله ما تقصر ، بس آنا ابي شهاده من برآ ..

ابو نوآف : يا عسى ربي يوفقك .. إنت جهز عمرك من الحين ..

نوآف : أول شي يبه نستلم علاماتنآ ، وعقب … بنجهز ل السفره ..

ابو نوآف قعد : الله يحفظكم ..

…… ميثآ قعدت : آآآه .. تعبت

رزان : انزين منو يعرف ؟

ميثآ تفكر : همممم .. ولاحد

رزآن : ههه ، قويهه لاه

ميثآ :أصلا لو قلت لامي بتذبحنني

رزآن تضحك : لأن الشي هذا مرفوض عندكم ..

ميثآ : ياخخي شكو ؟ النآس كلهآ عكسنآ ، نحن بس اللي متقيدين بها الشي ..

رزآن : ترآ عاداتكم جذي ، المفروض كلكم متفقين مع العادات هاذي ..

ميثآ مبين زعلآآنه : لآ والغبآء إني وعدته أخطب له وحدهه ، وإهو يخطب لي وآحد ..

رزآن : امبييه .. شو بتسويين يعني ؟

مريم : اعاملج جذي ؟ تعرفين لو إنتي صج تعزيني ورفقتي عاجبتنج .. لما كبتي عني اشياء آنا ما كنت متوقعه تسوينها .. وترآ رفقه المصاالح ما تمشي عندي .

ريآم : شاكه فيني يعني ؟

مريم سآكته وتناظر ريآم اللي كآنت تلمس طرف الطاوله وسرحآنه : …

إذا صج تعزيني … اتركيييه !

ريآم انصدمت وفتحت عيونها على وسعهم وبصوت عالي : نعععععم ؟ مريم إنتي مَ يخصج ف هذا !!

مريم سآكته وتفكر .. فجأه عدلت ف قعدتهآ : خلآص خلينآ جذآ احسن ..

…… رزآن : ميثآ انسي حبج له ، ما بتستفيدين ولا شي

ميثآ ناميه ع الطاولة : أدري .. قسم بالله ادري .. بس أحيانا أحس إنه يحبني

رزآن : إذا هو مقتنع بعاداتكم ، فأكيد ما يبادلج الشعور ..

ميثآ غمضت عينهآ : بس الشي يقهههر !

رزآن تنهدت : ادري ..

ميثآ : أحس اللي اسويه غلط وغبآء ..

رزآن : مدري عنج ..

بعد نهآية الدوآم ..

…… مريم تمشي وريآم يمهآ .. وصلت مريم لخزآنتهآ .. ريآم : مريم ، في بنت تبي تمشي ويآج

مريم حطت الكتآب وصكت الخزآنه : اصفعيهآ كف بدآلي ..

ريآم وهي تنآظر مريم تروح قآلت بهمس : آآآه ..

…… ف بيت أبو نوآف ، كان قاعد وفجأه شاف ام نواف لابسه عباة ومعها بنتها الصغيره ..

ابو نوآف عصب من شافها وتنرفز : ل وين رآيحة ؟

أم نواف وقفت : ل بيت اهلي ..

ابو نوآف(حمدآن) : خير إن شاء الله ؟ شنو صاير عنندج ؟

ام نوآف التفتت له : مآكو شي الحمد لله ، بس مضايقه وابي اروح عند اهلي ..

ابو نوآف يطالعهآ بنظره : مدري شنو ورآج انتي .. بالطقآق .. مآني مههتم ! وذا ما رجعتي لهني قبل السآعه تسع ، يا ويلج مني ي خولهه ..

ام نوآف طالعت فيه بقهر ورآحت لبرآ ..

فتحت البآب وركبت بنتها ديمآ .. مشت لتروح للبآب ولقت سياره نوآف توهآ داخله البيت .. وقفت سيآره نوآف ونزلت مريم .. مريم لما شافت ام نوآف ما اهتمت وكملت ..

نوآف بصوت عآلي : وين رايحه يمممه ؟

ام نوآف تفتح البآب : بيت يدتك ..

نوآف بهمس : أهـآ .. " ورآح ل دآخل "

…… فيصل يحآجي الموظف : لا أبداً ..

الموظف : طيب شنو شغلتك إنت ؟

فيصل : طآل عمره حمدآن ، وصآني ايي هني واحط أوراقي ..

الموظف بنظره : متأكد ؟

فيصل : تقدر تحاجيه ع الفون إذا شآك ..

الموظف أخذ الأوراق ورآح ..

…… أبو ريآن(عم مريم وميثآ) وآقف وعآطي ظهره لأخوه أبو فارس (ابو ميثآ)

أبو ريآن : هاه ي عبد الرحمن ، البنت شلونهآ ؟

ابو فآرس تنهد : تعبآنه وللحين ف الغيبوبه ..