السلام عليكم اخواتي
انا اول مره اكتب مشكلتي بمنتدى ،، ابي منكن ياخواتي تقولن لي انا غلطانه او لا مجروووووحه ومانام الا ودموعي ع خدي
انا تزوجت قبل 3 سنوات ولدي طفل ،عمري 23 سنه ،، زوجي كان طيب وحبوب معي ،، يحبني ودايم يقولي انه مبسوط معاي كنت دايما اسمع من ام زوجي كلام يجرحني وكان يدافع معي
امه كانت قويه مرررره ماتستحي كانت تكرررررررررهني لدرجة السلام ماترده عليا وتقول بوجهي انا ما ابيك والله والله لا ازوج ولدي عليك
دايماا تحرجني عند الناس وتفشلني اذا جيت مجتمع حريم وهي كانت موجوده ماتسلم عليا
هي كبيره فالسن وهذا اللي خلاني اتغاضى عنها وماشره عليهاا وكنت اطنشها
بس هي ملت كانت تصير بيني وبين زوجي مشاكل زي اي زوجين تفرح بالمشكله وتجلس تزن براسه كانت يوميا عابسه بوجهي وبوجه ولدهاا تبيه يتزوج عليا
جتها فتره ماتكلمني اذا سلمت ماترد اذا جلست عندها تقوم وتخليني وانا والله شاهد ع كلامي ارحمها حيل علشانها كبيره فالسن اجيب لها هدايا افرحها وانزل عندها واخليها تسولف علي سواليف اول كانت مرات تعطيني وجه بس اذا جاء زوجي عبست وسوت نفسها متضايقه
وانا والله والله والله كنت اكلف على نفسي علشان ارضيها انا مو علشانها بس علشان زوجي الطيب معي
جاء يوم من الايام وقالي يابنت الناس انا مابيك جرحني بكلامه ورجع قالهاا انا مااااااابيك مابيك مابيك
وانا خاطب وبتزوج انهرت حسيت الدنيا سودا بكييييييييت اااااه يابنات من جرحي
قلت له ماتبيني ودني بيت ابوي ع طول قالي يالله يالله اوديك انبسط ع طلبي رحت بيت اهلي بس ابوي الله يهديه حلف علي ارجع لبيتي وقالي البنت مالها الا بيت زوجها رجعني الوالد هي من شافتني داخله ع طول اتصلت ع ولدها قالت اللي ماتستحي رجعت للبيت وهذا وانت قايلها مابيك انا وقتها انصدمت شلون عرفت بكلامه لي سكت وصعدت لغرفتي جاء زوجي ماقالي شي ابد بس قال انتي ماعندك عزة نفس >>>>> يااارب ارحمني
قلتها انا احبك ومستحيل اتخلى عنك وعارفه ان الكلام اللي قلته لي غصب عنك سكت ماقال ولا كلمه بس حسيت يابناات ان فيه شي
جاء الصباح الا اسمع صوت هواش وصراخ نزلت الا زوجي واخوه وامه هم اللي يصارخون وهي تحلف يا انا ياهي بالبيت واخو زوجي يهديها ويذكرها بالله وعقابه للظالم
جاني زوجي للغرفتي وقالي يالله بيت اهلك امي ماتبيك وانا ماراح ازعلها ابد طلقني ومن بكرة راح المحكمة واعطاني صكي
انجرحت وهلي ابوي وامي متضايقين من حركتهم معاي
والله يابنات اذا تذكرت هذاك اليوم احس قلبي يعورني مجروحه ومطلقه ،، الحمد لله هالظرف جعلني لله اقرب اصلي اخر الليل علشان ارتاح ينزاح الهم بس كل ماتذكر امه وعمايلها تضيق الدنيا بوجهي
ابي رايكن يااخواااااتي انا احب زوجي واشتاقله اتذكر ايامي معاه وابكي احس قلبي محروق نار بداخلي ابي انسى ابي انسى بس كيف وكلام ام زوجي لي دايما يتردد عليا اتذكر حركاتها معي وكيف كانت تعاملني احس بالجرح والاهانه محد خذا لي حقي زوجي ع طول طلقني وريح امه وريح راسه وانا اللي شلت الهم 
بداخلي كلااام كثير ودي اقوله بس اسفه ع الاطاله ابي منكن دعوة لي بظهر الغيب
الله يفرج همك ويرزقك الصبر
وزوجك شخصيته ضعيفة
احتسبي الاجر عند الله تعالى
اما زوجك للاسف ما له شخصية نهائيا
وكلي الله يا اختي و دعوة المظلوم مستجابة
يمكن لعبت في راسه أو سوت له شي …
حسبنا الله على أمه
الله يسعدك ويعوضك وأمه والله يجيلها يوم